¹ Waktu koo, Paulus ba Silas ako' ngalalui' Amfipolis ba Apolonia, ne'ido' koo sampe ka Tesalonika, dikoo ado sete' Sinagoge urokng Yahudi. ² Ako' koo, kabiasaan Paulus, io taamo' ka antaro ne'ido', talu ari sabat lamae io bakato' ka ne'ido' ampat ka kitab suci, ³ Io nyalasot ba muktiot aso Kristus arus tasikso ba bangkit ampat ka antaro urokng mati, io bakato' "Yesus nyian, nang gi' ku maritoot ka kito', Iolah Kristus." ⁴ ako' koo, saparo ne'ido' dijajiot picayo' lalu bagabung ba Paulus ba Silas, sabayo-bayo ba urokng Yunani nang manyak sidi jumbalahe nang gai ka Allah ba ano' sadikit ambini-ambini nang dimatabe'ot. ⁵ Tapi, urokng-urokng Yahudi jaji dangki ako' koo mabo urokng- urokng jahat nang idupe ano' tantu ka tampat-tampat urokng urokng rami, ne'ido' koo ngumpulan urokng rami ba mijawat ribut ano' tantu rudu ka koto koo, ako' koo nyarang rumoh Yason, ba ngagoi' Paulus ba Silas yak narikatni'o io ka uas ka urokng rami. ⁶ Waktu ne'ido' koo ano' namuan Paulus ba Silas, ne'ido' narikatni Yason ba urokng-urokng nang sapage waris samiadiotn nang saiman ka adapot samuo pangurus-pangurus koto, lalu bakampakot jare, "urokng-urokng nian, dah ngaco ka nagari nyian, dah atokng gae ka sio. ⁷ Yason nyian dah narimo io atokng, samuo ne' ido' nyian kalakuane malawan ukum Kaisar, ne'ido' nyian matak ado rajo nang lain, namae Yesus." ⁸ urokng manyak ba pangurus-pangurus koto koo jaji galisoh waktu nangar jukut koo. ⁹ tapi, ako' nangar kato' yason ba nang laine barani batanggong jawab, urokng- urong koo pun dingapasot. Paulus ba Silas Ka Koto Berea ¹⁰ kamaru page waris nang saiman, nyuruh Paulus ba Silas, maam koo gae, ampus ka berea, waktu ne ido' ngaramus, ne'ido' ampus ka Sinagoge urokng Yahudi. ¹¹ Urokng- urokng Yahudi koo labih baik atie dari pado urokng-urokng nang ado ka Tesalonika soale ne'ido' nyian narimo' Firman barepo-repo, tiap ari ne'ido' ba ajar kitab suci biar biso nahui' kade' jukut koo memang banar. ¹² koo lah makae, manyak dari ne'ido' nyian nang jaji picayo', aki-binian urokng Yunani nang dimatabeot nang jumbalahe ano' sadikit. ¹³ Tapi, waktu urokng-urokng Yahudi nahui nang ado ka Tesalonika kade' Firman Allah Paulus maritoot gae ka Berea, ne'ido' pun atokng gae ka Berea yak ngaruhi dangan ba majawat dangan nang rami jaji gai'. ¹⁴ ako' koo, langsung kamaru page waris nang saiman nyuruh Paulus ampus ka Pantai, tapi Silas ba Timotius tatap dioopm ka koo. ¹⁵ urokng-urokng nang ngayukngi Paulus nabanan io sampe ka Atena ako narimo' pasotn ampat ka Paulus yak Silas ba Timotius mataki' yak ancang- ancang atokng ka io, ne'ido' nyian pun langsung ampus. PAULUS KA KOTO ATENA ¹⁶ Samantaro Paulus nganiotn ne'ido' ka Atena, Sumangate raso susoh ka doop diri'e, soale io nanang koto koo nanyak pantak- pantak ba padagi. ¹⁷ koo lah makae, io barukupm ka Sinagoge ba urokng-urokng Yahudi ba urokng-urokng ampat ka bangso lain nang gai ka Allah, ba ka tampat urokng rami, tiap ari, ba urokng-urokng nang pas ado dikoo. ¹⁸ Ado sangape urokng ahli bapikir, namo laine ahli Filsafat ampat ka kalompok Epikuros kalompok panuno' filsuf ba Stoa artie kalompok ahli filsafat. bakatai' ba io. kiro-kiro ado ba sangape urokng bakato, " dameo nang sipangalok nyian kataatno'?" nang agi' bakato' "andayae io nyian urokng nang maritoot jubato- jubato nang lain badiri'," soale io maritoot Yesus ba kabangkitan. ¹⁹ Ako' koo, ne'ido' mabo io ba nabanan iyo ka Areopagus, kalompok pangurus ka Atena, sambil bakato', "muih ge' kami batanyo' ajarot dameo nang kito' maritoot nyian? ²⁰ soale kito' agi nabanan jukut nang endoh ano biaso didangar ka tarenyek kami. Kami mo nahui' dameo ratie jukut-jukut koo". ²¹ .(waktu koo, samuo urokng-urokng Atena ba urokng uas nang diopm dikoo dah biaso hane ngabisot waktue ne'ido' ano' ngameo-ngameo kahe ngatoot ba nangarot jukut-jukut nang barahu.) ²² Petrus pun badiri ka tangoh-tangoh Areopagus io bakato', "hey urokng-urokng Atena aku maratiotn aso ka doop samuo hal kito' nang paling taat. ²³ soale, waktu aku agi' bakuliling ba maratiotn jukut-jukut nang kito' nyamboh, akupun namui' pantak-pantak nang ba conteng nyian. 'KA JUBATO NANG ANO' DIKANAL. 'koo lah, dameo nang kito' nyamboh koo, ano' kito kanali, koo lah nang Ku padohoto' ka kito' nyian. ²⁴ Allah nang mijawat Donio nyian ba samuo jukut nang ado ka doope, Iolah Tuhan nang bakuaso ka angit ba ka dunio, nang ano' dioopm ka padagi ba ka poporotn nang dimijawat ba kokot manusio, ²⁵ ano' ugo' Io dipaduliot ba kokot-kokot manusio, andayae Io palalu ka jukut soale Io sorog nang mare' ka sape sajo' kaidupotn, ba sengat, ba sagalo jukute. ²⁶ Io mijawat, muai' aso' manusio, ako' koo' samuo bangso umat manusio yak diopm ka saluruh dunio nyian, ako' natapot musin-musin ba antaro- antaro tampat idup ne'ido' ²⁷ maejare ne' ido' bagago' Allah, kade' memang biso ne'ido' biso nyantuh -Io ba namuan-Io memang Io koo ano' jauh ampat ka diri masing- masing. ²⁸ Koo lah, ka doopm Io, diri' idup bagarak ba ado. Ayub 12:10 Saparati gae pujangga- pujangga ngu sorog nang bakato, 'soale diri' nyian katurunan-Ne gae.' ²⁹ jaji, diri' nyianlah katurunan Allah, diri' nyian ano' muih bapikir, kade Ilahi koo andayo amas, ba andayo perak, andayae batu, sete rupo nang mijawat ampat ka ahliot ba pikiran manusio. ³⁰ Koo lah makae, Io ano' maduliotn waktu-waktu nang kabagoot de e, kanio' Allah mare' nahui' ka samuo urokng ka maepun yak batobat, ³¹ barang ja' Io dah nantuot kamie-mie kade Io koo mao jadi hakim ka dunio nang adil ngalalui aso' urokng nang ako' Io nantuot, ako' koo Io muktiot ka samuo urokng, Io mangkitot Urokng koo ka antaro urokng nang mati." ³² Waktu koo, ne' ido nangar bangkit ampat ka antaro urokng mati, ado ugo' dangan nang mulai' ngolo'an, tapi ado ugo' nang laine bakato', "kami taniti nangaratno kau agi masalah jukut nyian." ³³ Makae, Paulus dari ampat ka tangoh-tangoh urokng rami koo, ³⁴ tapi ado ugo' urokng - urokng nang mao bagabung ba io jaji picayo' Dionisius damae, io ampat ka kalompok Areopagus, ado ugo' ambini Damaris damae, buke kahe koo ado ugo' urokng- urokng nang laine nang nunaan ne'ido' nyian.