¹ PARUKUMAN KA KOTA YERUSALEM ako koo, manyak urokng ampus ampat Ka Yudea tarus madahi page waris sakamaruot," kade kau ano' diturih nunaan nang adat istiadat Musa, kau ano' biso isalamatot." ² lantas, pas ado paolekot nang patangkarot na ng anok enek an taro Paulus nang Barnabas ba urokng-urokng koo, ne' ido e mutusot Paulus nang Barnabas, ugo urokng-urokng laine ampat ne' ido e , ano' muih ano' ampus ka Yerusalem barukup ba para rasul nang urokng-urokng tuho nang bataitot ba pakaro koo. ³ makae, ako dingantat doop bajo'ot nang jemaat, ne'ido ngalewati Fenisia nang Samaria nyambir nyaritoot patobatot bangso-bangso lane nang sabanare, tarus hal koo nabanan karepoot ayo onto samuee page waris diri sakamaru'ot. ⁴ waktu ne'ido sampe ka Yerusalem, ne'ido dinyambut jemaat, para rasul nang, urokng-urokng tuho, lalu ne'ido nyaritoot ameo nang Allah ngamuat ngalalui ne'ido. ⁵ tarus, sangape manyak urokng parisi nang dah picayo badiri dan bakato, "perlu onto' nurih ne'ido, damn onto' marintoh ne'ido sup a yo matuhi ukum musa!" ⁶ para rasul dan urokng tuho batamu sabayo onto' nyaritoot pakaro nyian. ⁷ pas ako batangkarot dinaan, Petrus badiri tarus bakata ka ne'ido, "page waris, kau nahui pado jaman dee Allah dah ngamuat pilihan ka antaro kau ngalalui molotku, bangso-bangso laen nangaraot barito Injil lantas jadi picayo. ⁸ Allah nganali ati manusio, dah ba saksi ka ne'ido nang mareot Roh Kudus ka ne'ido, sabayo nang dah ako Io ngarajaan ka diri', ⁹ lantas Io ano' medo-medoot antaro diri nang ne'ido. pas ako Io nyasoh ati ne'ido nang ba iman. ¹⁰ Jadi kanio, ngameo kau nyobai Allah nang naroh beban barat ka tege para murid, baek nenek moyang diri' mao'pun diri', ano' ihane sangupo nangungo io? ¹¹ tapi, diri picayo kade diri isalamatot lewat kasih Tuhan Yesus, sabayo nang ne'ido ugo." ¹² Ako' koo, saluruh urokng nang bakomo tadiam lantas ne'ido nangaraot Barnabas ba Paulus, samantaro rasul nang ba duo koo nyalasot samue' e tando nang mujizat nang Allah ngamuat ngalalui ne'ido ka antaro bangso-bangso laen. ¹³ ako' ne'ido baranti bakato, Yakobus nyawab, "kamaru'-kamaru', dangarot aku. ¹⁴ Simon dah nyelasot jamae Allah nang samulo dah ako' maratiot bangso-bangso laen, ngicoko umat ka antaro bangso koo unto' Damoe. ¹⁵ pakatoot para nabi satuju hale koo, sabayo hale nang dah dinulis, ¹⁶ ako koo, Aku pasti atok agi. lantas majawat tampat diop Daud samulo nang dah roro'. Aku pane majawat bangkorok-bangkorok koo agi, lantas Aku pane ngoatot io agi, ¹⁷ supayo umat manusio nang basiso biso ngagui Tuhan, samuee bangso nang dinyaru ngalalui dama-Ku, nang ngarajaan samuee nyian. firman Allah nang ngarajaan samuee nyian. Amos 9:11-12 ¹⁸ dah dinahui waktu jaman samulo. Yesaya 45:21 ¹⁹ diri ame terlalu nyusohot urokng-urokng ampat ka bangso laen nang dah bapalek ka Allah. ²⁰ tapi, diri haruse nulis ka ne'ido supayo ne'ido dijauhot ba hal-hal nang caco' ampat ka bahalo-bahalo, doso-doso babayo', ameo nang mati dinyakak, dan ugo daroh. ²¹ dari karunan nang doho Musa dah ado namu ka Kota, urokng-urokng nang makatoot koo karamo dimacoot ka sinagoge-sinagoge tiap ari sabat." SURAT UNTO' UROKNG PICAYO NANG BUKE YAHUDI ²² lalu, ditanang baek samuee rasul, urokng-urokng tuho, nang samuee jemaat, milih urokng-urokng dari antaro ne'ido unto' disuruh ka Antiokhia barage ba Paulus nang Barnabas. ne'ido nyuruh Yudas nang dinyabut Barsabas, dan ugo silas, samuee pamimpin ka antaro ayuk-ayuk saiman, ²³ ne'ido nulis surat nang kokot ne'ido, jakoiihanlah: ampat ka rasul-rasul nang urok tuho-tuho, ayuk-ayuk saimanngu, ka samuee ayuk saiman nang buke Yahudi ka Antiokhia, nang Siria, nang ugo Kilikia, salam! ²⁴ karamo diri dah nangar sangape manyak urok ampat ka antaro diri, nang ka ne'ido diri ano' mare parintoh, dah ngaco kau nang pakatoot ne'ido nang ano' ngoatoot jiwo ngu, ²⁵ hal koo ditanang baek unto' diri, dah ako jadi pakatot, unto' milih urok-urok lantas nyuruhot ne'ido ka kau barage nang ayuk-ayuk diri nang dingasihi, Barnabas ba Paulus, ²⁶ nang dah mataruhot idupe ne'ido demi namo Tuhan diri, Kristus Yesus. ²⁷ karamo koolah, kami nyuruhot Yudas ba Silas, nang ne'ido sandiri marenahui hal-hal nang sabayo sacaro lansung. ²⁸ tapi, alangkoh baeke onto' Roh Kudus dan onto' kami mapikutot beban nang ka atasngu supayo ano' talalu barat dari pado nang kanio nyian, ²⁹ kau nyauhot diringu dari ameo nang dinyambohot ka bahalo, nang daroh, nang mati dinyakak, dan ugo dari doso babayo'. kade kau nyago diri'ngu sandiri dari hal-hal koo, kau ngarajaan nang baek. sampe batamu agi." ³⁰ pas ne'ido ako' bapadoh, ne'ido turun ka Antiokhia, dan ako' ngumpulot jemaat, ne'ido nyarohot surat koo. ³¹ waktu urok-urok picayo maco io, ne'ido karepoot karamo iburan koo. ³² Yudas ba Silas, nang ne'ido sandiri adalah nabi, naguhot dan ngoatot ayuk-ayuk saiman nang manyak pakatoot. ³³ dan, waktu ne'ido diop ka koo onto' sangape ari, urok-urok picayo ngapasot ne'ido puok salamat ka urok-urok nang dah nyuruhot ne'ido. ³⁴ [tapi koo ihanlah, Silas matakot baek onto' tatap diop ka naun.] ³⁵ tapi Paulus ba barnabas diop ka Antiokhia nyambir ngajar lantas madohot firman Tuhan barage nang urok manyak laen ugo. PAULUS NANG BARNABAS BAPISOh ³⁶ dah sangape ari, Paulus bakato ka Barnabas, "je' diri muok agi lantas ngamusi ayuk-ayuk saiman nang ado ka kota, tampat diri madohot firman Tuhan onto' nanang jamae kaadaan ne'ido." ³⁷ Barnabas mao maboo Yohanes ugo nang dinyaru Markus. ³⁸ tapi koo ihanlah, Paulus ngangap ano' patut mabo urok nang dah ningoot ne'ido ka Pamfilia lantas ano' ampus barage ne'ido onto' karajaan koo. ³⁹ Jadilah patangkarot nang karas, makae, ne'ido bapisoh seko' ba nang laine. Barnabas nabanan Markus lantas balayar ka wilayoh Siprus, ⁴⁰ tapi Paulus milih Silas dan ampus, pas ako' dinyarohot nang ayuk-ayuk saiman ka doop kasih karunio Tuhan. ⁴¹ dan, io ngalewati Siria nang kilikia nyambir naguhot samuee jemaat.