¹ Di Ikonium Paulus dan Barnabas taamok ka Sinagoge urokng Yahudi lalu bapindato sademikian rupo sampe akhire rami urokng Baek urokng Yahudi mao'pun urokng Yunani, jadi picayo'. ² Tapi urokng Yahudi nang nok picayo' ngasuti' ba ngaracuni pikiran urokng - urokng nang buke Yahudi supayo ngalawan ne'ido' nang dah picayo'. ³ Di koo Paulus ba Barnabas diop onto' waktu nang lamo sambel ngajarot ba nyaksiot barito anugerah Tuhan, Sarato ngarajaan tando - tando nang endoh ba muzijat - muzijat. ⁴ Tapi bo urokng - urokng di koto angkoo tabagi - bagi, Saparo bapihak ka urokng Yahudi saparoe agik ka para Rasul. ⁵ Urokng Yahudi mao'pun buke' urokng Yahudi ugo' ba pamimpin ne'ido' angkoo barusoho onto' nyangsaro ba nabaki' Para Rasul pake batu, ⁶ Lalu katahu'anan di Paulus ba Barnabas ne'ido' baduo pindoh ka Listra ba kaDerbe, koto - koto di Likaonia, Ba wilayah ka sakitare. ⁷ Di naan ugo' ne'ido' tarus ngabarot Injil. ⁸ Di Listra ado urokng nang pahae lamoh, Engkok mulai' ka doop buntik inu'e, io nok hane bajoot. ⁹ Io Nangarot Paulus bakato,Mato Paulus tatuju ka io, Paulus nanang ado iman urokng koo onto' samuh. ¹⁰ lalu Paulus bakato nang suaro nyarek, " Umpatlah ." Lantas urokng koo umpat,malompat sambel bajoot. ¹¹ Cakahan urokng rami nanang dameo nang paulus ngarajaan, Ne'ido' bakato doop Bahasa Likaonia, "Di tangoh diri dah turutn Dewa - dewa nang nyarupai manusio!" ¹² Barnabas urokng - urokng koo nyabut dewa Zeus, Paulus ne'ido' nyabut Dewa Hermes karano io nang tarus bakato. ¹³ Imam Dewa Zeus atok nabanan Lembu jantan ba Bungo nang di ngarangkai ka Pintu gerbang koto. Io ba urokng rami mao mempersembahkan korban ka Paulus ba Barnabas. ¹⁴ Tapi waktu Paulus ba Barnabas nangar hal angkoo io baduo ngarojek pakeanne io taamok ka tangoh - tangoh urokng rami sambel ngampak, ¹⁵ io bakato, " Saudara - saudara ngameo kito samuee babuat jaio ka kami,Kami nyian manusio biaso saabayo angayo kito ampayo ugo' kami nàbanan barito baik bagi kito supayo kito kembali ka Allah yang hidup, nang ngamuat Langit ba Bumi ba Laut ba sigale nang ado ka doope. ¹⁶ Di zaman nene' moyang diri Io miarot samuee bangso bajoot manurut maragae sandiri. ¹⁷ Tapi,Iopun anok miarot Diri'e anok ba saksie. Soale, Io ngarajaan nang baik ka kito, Io mare ujot ampat ka angit ba musim - musim babuoh nang muasi' ati kito' ba mangkanan ba kaasoot. ¹⁸ Biarpun rasul Paulus ba Barnabas dah bakato jakoo ne'ido' baduo kasulitot marantiatno' urokng rami nang mao mare korban angkoo. ¹⁹ Tapi, urokng yahudi nang atok ampat ka antiokia ba ikonium dah ngaimat urokng manyak koo ne'ido' nabaki' Paulus pake batu ba narikati' io ka luar koto. Ne'ido' koo nyangko' Paulus dah mati. ²⁰ Tapi, Waktu murid - murid ngulilingi' Paulus io badiri langsung taamo' kadoop koto agik. Ari barikute, io ampus barage Barnabas ka Derbe. MUOK TOMOK KA KOTO ANTIOKIA DI WILAYAH SIRIA. ²¹ Paulus ba Barnabas ngabarot Injil ka koto angkoo ba namu manyak Murid. Ne'ido' baduo muok ka Listra,Ka Ikonium ba ka Antiokia. ²² Sambil ngoatot murid - murid ba nasehati ne'ido' supayo bagiat ka doop iman, ba ngatoot ontok taamok ka karajaan Allah diri harus ngalalui' manyak kasangsaoot. ²³ Di tiap - tiap jemaat, Paulus ba Barnabas nojok Penatua - penatua ontok Jemaat, Ako' badoa nang bapuasa Paulus ba Barnabas nyarohot Para Penatua angkoo ka Tuhan nang jadi sumber kapicayo'ot diri. ²⁴ Ako' koo Para Rasul ngalewati Pisidia tarus ka Pamfilia ²⁵ Ne'ido' ngabarot injil ka perga, sampe ka Atalia. ²⁶ Ampat kanaun Ne'ido' balayar ka Antiokia. Di tampat koolah ne'ido' di nyarohot ka anugerah Allah onto' pakarajaan nang dah ako' ne'ido' ngaako'ot. ²⁷ Waktu ne'ido' nyampe tarus bakomo ba Jemaat Ne'ido' bacarito samuee hal nang dah Allah ngarajaan ba Ne'ido' jamae Tuhan dah muko' Pintu Iman onto' Bangso - bangso lain. ²⁸ Di koo Ne' ido' diop sabayo - bayo bamurid - murid onto' waktu nang lamo.