¹ PETRUS PUOK KA YERUSALEM. Samantaro ko, Para rasul ba kamaruk-kamaruk saiman nang ado ka Yudea nangar bahwo urokng-urokng buke Yahudi gae ako narimo parintoh ² Firman Allah karamo ko, pas Petrus naik ka Yerusalem, urokng-urokng nang basunat ba bedo pandapat ba Io, ³ lalu bakato,"kau ampus ka urokng-urokng inok ba sunat ba makot barage na'ido'. ⁴ Ako ko, Petrus mulai jalasot sacaro urut ka na'ido', jare," ⁵ Aku agik ba doa ka kota Yope, ba ka doop ka adaan inok sadar, aku nanang seko pananangan, sasuatu angayo salembar kain ayok turut, nang taulur ka ampat etok angit kain ba benda ko samak ka aku. ⁶ Ako aku nanang Io, Aku maratiot ba nanang binatang-binatang ba poho empat ka bumi binatang-binatang liar binatang-binatang melata, ba burukng-burukng ka udara. ⁷ Aku gae nangar ado suaro ba kato ka aku, ' umpat, Petrus bunuh ba tajarlah!' ⁸ lalu, aku bakato,' inok, Tuhan, karamo, inok ado nang haram atau' najis suoh taamo ka doop mootku,' ⁹ Tapi, suaro ko nyawab nang kaduo kai'e ampat ka angit,' Dameo nang Allah tahirrot, ame sakai-kai kau sabut haram!' ¹⁰ Jukut nyan tajadi tiga kai', lalu samue'e di narik puok ka angit. ¹¹ Tananglah, ari ko gae, ado talu urokng nang di gutus ka aku, atok ka rumoh tampat aku dioop, ampat ka Kaisarea. ¹² Ako ko, Roh Kudus bakato ka aku unto' aku ampus barage na'ido' ba ino' gai'-gai'. Kaanam kamaruk saiman nyian gae ampus barage aku ba kami tamok ka rumoh urokng ko ¹³ Lalu, Io nyampeot kakami jamae Io dah nanang malaikat badiri ka rumoh e lalu bakato,' Suruhlah urokng ka Yope ba minto lah Simon nang di nyaruk Petrus atok ka sio, ¹⁴ Ba Io mao madohot pasot ka kau nang ba pasot ko kau mao si salamatot, kau ba samue e urok ba dioop ka rumoh ngu. ¹⁵ Samantaro aku mulai bakato-kato, Roh Kudus turut ka atas na'ido' Sabayo angayo pas pamulae' tajadi ka diri. ¹⁶ Makae, aku taringat ka kato Tuhan, Pas Io bakato,' Yohanes babtis ba aii' Tapi kau mao di babtis ba Roh Kudus'. ¹⁷ lalu, Allah mareot Karunia nang sabyo ka na'ido' angayo nang Io mareot gae ka diri ako picayo ka doop Tuhan Yesus Kristus, sape aku nyian anke aku biso ngahalangi Allah?" ¹⁸ Pas na'ido' nangar jukut-jukut ko na'ido' jadi tanang ba muji Allah, lalu bakato," kalo jako Allah, dah mengaruniakan ka urokng-urokng buke Yahudi Pertobatan nang nujui' idup. INJIL SAMPE KA ANTIOKHIA. ¹⁹ Ako ko', urokng nang tacarai-barai karamo panganiyaan nang tajadi kahadapot Stepanus nyabar sampe ka fenisia, Siprus,ba Antiokhia, ba inok maritoot Firman Tuhan ka sape pun kacuali ka urokng-urokng Yahudi. ²⁰ Tapi, ado sangape urokng ampat ka na'ido', iolah urokng Siprus ba Kirene, nang atok ka Antiokhia,ba gae ngatoot ka urokng-urokng Helenis, sambil maritoot tentang Tuhan Yesus. ²¹ Kokot Tuhan nyeretai na'ido', sajumloh manyak urokng nang jadi manyak picayo babalik ka Tuhan. ²² Barito na'ido' sampe ka tarenyek jemaat ka Yerusalem. ba na'ido' ngutus Barnabas ka Antiokhia. ²³ Pas Barnabas sampe ba nanang Karunia Allah, Io basukacita ba ngajari na'ido' samuae unto' tatap satia ka Tuhan ba ati nang teguh. ²⁴ Karamo Barnbas adolah urokng nang baik, baisi ba Roh Kudus nang Iman, Sajumboh ayok urokng di nabanan ka Tuhan. ²⁵ o ko, Barnabas ampus ka Tarsus unto' ngaggo Saulus. ²⁶ Ba, ako namui'Io, Io nabanan io ka Antiokhia. Salamo satahut, na'ido'batamu ba jemaat ba ngajari manyak urokng. Ba, ka Atiokiha, murid-murid unto'nang partamo kali di nyabut" urokng Kristen". ²⁷ Pas ari-ari ko, Sangape urokng Nabi atok ampat ka Yerusalem atok ka Atiokhia. ²⁸ Saloh seko ampat ka na'ido' banamo Agabus, badiri ba ngaramal ba patolongan Roh bahwo mao tajadi kaparot nang koat, ka saluruh dunio. kaparot ko tajadi ka maso pamarintohot Klaudius. ²⁹ Makae, para murid mutusut unto' ngirim sumbangan, sasuai ba kamampuan na'ido' masing-masing ka kamaru'- kamaru' saiman nang dioop ka Yudea. ³⁰ Ba gae nang na'ido' ngamuat, ngiriman sumbangan ko ka pentua malalui kokot Barnbas ba Saulus.