¹ Waktu koo, ka Kaisaria,ado urokng nang badamo Kornelius urokng nyian Tentara nang dinyabut balo Italia. ² Uraknge taat nang gai' ka Allah, jakoo ugo ba samuo urokng nang ado ka rumahe, io mare' manyak sadakoh ka urokng-urokng nang biasae badoa ka Allah. ³ Waktu sore ari,kiro-kiro jam talu io nanag jalas sidi ka pananangane ado mamaekat Allah atokng lalu bakato ka io. Kornelius !". ⁴ lalu, io maratiotn Malaekat koo ado raso kagaianan sambil bakato "Tuan ge' nyian?" lalu malaekat koo pun bakato ka io, "doa-doa ngu ba sadakoh-sadakoh ngu dah naik jadi pankanang ka adapotn Allah. ⁵ kanio ihan, suruhlah urokng-urokng ka Yope saru' urokng nang badamo Simon, nang dinyabut Petrus, ⁶ io diop ba urokng nang ngarajaan kuit badamo Simon, nang rumahe samak ba sisi laut. ⁷ Waktu Malaekat nang bakato ka io dah dari, Kornelius nyaru' urokng nang bakarajo ka io ba seko agi Tentara nang taat ka antaro urokng-urokng nang karajae ngalayani' kaparluan dirie sandiri' ⁸ ako mataki' masalah dameo nang io ngalami' ka ne'ido', io pun nyuruh ne'ido' ampus ka Yope. ⁹ Ampagi arie, waktu ne'ido' gi bajoot nyamaki kota koo, Petrus naik ka atas rumoh, kiro kiro jam 12, langsung badoa. ¹⁰ lalu io taraso kaparotn taniti makatno', tapi, waktu urokng-urokng nyiapotn makanan, Petrus namu pananangan. ¹¹ io ningkadoh ka angit tabuko, jukut angayo saput nang ibar sidi turutn ka baboh ka ampat petoke sampe ka tanoh. ¹² ka doope ado samuo binatang nang ba poho ampat, ba binatang-binatang nang marayap ka dunio ba burukng-burukng nang tarabokng ka angit. ¹³ ako' koo, ado suaro nang bakato ka io, "umpatlah, Petrus, sambalehlah, ako' koo tajarlah!" ¹⁴ Tapi, Petrus bakato, "Ano', Tuhan. Soale, aku ano' suoh makotn dameo pun jukute nang haram ba nang najis." ¹⁵ Ako' koo, ka dua kaie suaro koo bakato agi ka io, "Dameo nang Allah taher otn, ame sidi kau sabuto' haram." ¹⁶ jukut nyian taulang, sampe talu kai, ako' koo tibo-tibo samue e jukut koo naik ka angit. ¹⁷ Waktu koo, samantaro Petrus masih kamangoan mikirot dameo ratie panangan nang ako' io nanang koo, gari'lah urokng-urokng nang diKornelius nyuruh agi' ngagoi' di mae rumoh Simon, io badiri ka muho pintu gerbang, ¹⁸ lalu io nyaru', ne' ido' batanyo' ado Simon nang dinyabut Petrus ge' numpang ka dikoo. ¹⁹ Samantaro petrus agi mikirot pananangane koo, Roh bakato ka io, "Tananglah, ado urokng batalu angaki samuo agi ngagoi' Kau. ²⁰ Umpat ako' koo turutnlah, ampuslah ba ne'ido' ame ragu-ragu soale Aku nang nyuruh ne' ido'". ²¹ ako' koo, Petrus turutn namui urokng-urokng koo, lalu bakato', "Tanang akulah uraknge nang kito' ngagui'. dameo alasan kito' ngagui aku?" ²² Ne' ido' bakato, "Kornelius koo Tentara, uraknge banar io pun gai' ka Allah, nang urokng kanal baik ka antaro bangso urokng Yahudi, nang ako' Malaekat kudus mataki yak nyuruho' kau atokng ka rumahe, yak nangaratno' kata- kata ngu". ²³ Petrus ngundang ne' ido' taamo' ba numpangi ne' ido'. Ampagie, io umpat, lalu ampus barage ne' ido', kiro-kiro basangape urokng page waris nang sete' iman ampat ka Yope ngayukngi' iyo. ²⁴ Waktu ampagie, ne'ido' taamo' ka Kaisarea. Kornelis dah ngantiotn ne'ido' dah io ngumpulotn page warise, ayukng-ayuknge samake. ²⁶ Waktu Petrus taamo' Kornelius namui' io, lalu batuut ka poho Petrus langsung nyamboh. ²⁵ tapi, Petrus ngangkat io badiri ako' koo bakato', badirilah! aku kahe manusio biaso gae'." ²⁷ Samantaro Petrus agi' bakatai' ba Kornelius. Petrus taamo' ka doop io napati urokng rami sabayo- bayo ba kumpul. ²⁸ ako' koo', Petrus bakato ka ne' ido', "kito' kan nahui' amai' anso urokng Yadudi kade baubungan mao' pun ba jajoi' ba urokng nang buke Yahudi, tapi Allah dah nojokotn ka aku sabanare ano' muih nyabut samuo urokng koo amai' ba najis. ²⁹ koo lah makae, aku ano' maraso tapakso, kade' kau nyuruh aku atokng. koo lah, aku batanyo' dameo alasan kau nyaru' aku?" ³⁰ Kornelius bakato, "Ampat ari nang lalu sampe jam kanio' jam talu, aku gi badoa ka rumahku, tananglah ado ba urokng, badiri ka adapatnku make pakean nang mangkilat. ³¹ ako' koo bakato, 'Kornelius, doangu dah didangar ba sadakahngu dah dingingatotn ka adapotn Allah. ³² Tagal koo lah, suruhlah ka Yope ba minto'lah Simon nang dinyabut Petrus atokng. Io agi numpang bamaam ka rumoh Simon, urokng nang panganit kuit, kasisi laut'. ³³ Tagal koo, aku mao' nyuruh urokng atokng ka kau, kito' pun dah baik ati mao atokng. Kanio', diri' samuo dah ado ka sio, ka adapotn Allah. yak nangarotn sigalo jukut nang ako' Tuhan dinyuruhotn ka kau." Petrus Maritootn Injil Ka Rumoh Kornelius ³⁴ o' koo, Petrus muko moote lalu bakato, "kanio', aku sidi-sidi ngarati, Allah koo' ano' nyabaloh. ³⁵ Tapi, ka samuo bangso, urokng nang gai' ka Io ba kalakuaan nang banar, nang bisa Io tarimo'. ³⁶ Fiman nang Allah sampeotn ka bangso Israel nang maritootn kabar gagas nyaman ba ringokng ado ka Yesus Kristus. Io lah Tuhan atas sagala- galae. ³⁷ kito' sorog pun nahui' dameo sajo' nang dah ta jaji ka binuo Yudea, mulai' ampt ka Galilea. Ako' koo babtis nang Yohanes maritoot, ³⁸ kito' nahui' Yesus, urokng Nasaret, ayamae Allah ngurapi' Io ba Roh kudus ba koaso gae. Io ampus bakuliling majawat kabaikot ba nyamuhot samuo urokng nang dinindas Roh nang jahat jukut Allah maragei io.