¹ waktu, Saulus ampus ngadap Imam Besar minto surat sa' ngancami ba munuhi Murid-Murid Yesus. ² nang dinujuot ka Sinagoge-Sinagoge ka Damsyik, kade io batamu sape sajo nang picayo kajalane kowo baek angaki maokpun ambini, ne' ido dibabo sa' disingsaro ka Yerusalem. ³ salamo bajoot, mangkin samaklah io ka Damsyik, ⁴ lalu jantolah io ka tanoh lantas nangar suaro nang bakato ka io, "Saulus , Saulus , ngameo kau ngarongoi' Aku? " ⁵ batanyolah Saulus, "sape sabanare Kau, Tuan? Tuhan bakato, " Aku bo Yesus , nang kau ngarongoi. ⁶ coba umpat lantas taamo ka kota, supayo kau biso dibataki ameo nang patut di karajaan. " ⁷ Saulus badiri ano' bakato-kato nangarot suaro koo. tapi sapepun urokng-urokng nang barage Saulus io ano' gari nanang io. ⁸ Saulus badiri ampat ka tanoh, kade' pun matae tabuko, io ano biso nanang ameo-meo. lantas urokng-urokng ngiringan io bakokot nang dingikat ato dipinjaro. lantas mabo io taamo' ka Damsyik. ⁹ lantas, salamo talu ari, Saulus ano biso nanang lantas ugo' ano' makot ba nyocok. ¹⁰ waktu koo, ado seko' urokng murid ka Damsyik. ba damo Ananias. Tuhan bakato ka io ka doop mimpie, "Ananias!" lantas, Ananias bakato' "nyian aku, Tuhan." ¹¹ ako' koo, Tuhan bakato ka io, "umpat ako' koo ampus ka marago nang dimatak ocor, langsung ka rumoh Yudas, ngaoi urok tarsus nang banamo Saulus, tananglah, urok koo gi' ba doa, ¹² lantas io dah ako' namu sete' mimpi kade' seko' urok nang badamo Ananias koo atoko' marakati ngangkat kokote ka atas kapalae biar io biso nanang agi." ¹³ ako' koo, Ananias bakato, "Tuhan, aku dah manyak nangar jamae carito urokng nyian, sangape manyak kajahatot nang dah kau ngamuat ka samue' Urokng-urokng kudus-Ngu ka Yerusalem, ¹⁴ ako' koo ka sio io namu koaso ampat ka Imam-Imam Kapalo yak ngikat samue'e urok nang nyaru' dama-Ngu." ¹⁵ tapi Tuhan bakato ka io, "ampus bo ka na'an karamo urok nyian alat nang Kumilih nabanan nama-Ku ka adapot Bangso-Bangso lain, nang, ugo' Rajo-Rajo ba Bangso Israel. ¹⁶ nano, Aku pane magari'ot io sangape manyak io bajaro demi dama-Ku." ¹⁷ Saulus, Tuhan Yesus nang magariot dirie ka kau waktu ka marago nyuruh aku ampus ka rumoh nyian , Ananias marakati ngangkat kokote ka atas kapalo Saulus, biar io diisi' Roh Kudus, tarus biso nanang agi. " ¹⁸ waktu koo ugo jantolah jukut angayo sisik ikot ampat ka matae, io biso nanang agi, tarus umpat lantas dimaptis. SAULUS MULAI' NGABAROT KISOH YESUS ¹⁹ pas barage ba Murid- Murid ka Damsyik salamo sangape ari, io dikoati dah ako' makot. ²⁰ lantas, Lansung io nyarito'ot Yesus ka sinagoge-sinagoge sambil bakato, "Yesus angkowolah Anak Allah." ²¹ samue e urokng kamangapot nangar io bakato kade' Yesus kowolah Allah, nang io nyaritoot ka Sinagoge-sinagoge. urokng nyian waktu kowo bo nang atok nabanan niat ne' ido untuk disingsaro ka adapot Imam-Iman Kapalo. buke ke' io nyian nang munuhi ne' ido ka Yerusalem nang nyabuti namo koo. ²² ado bukti Yesus koo Anak Allah, Saulus jadi mangkin koat. lantas urokng-urokng Yahudi nang diop ka Damsyik pun jadi ka mangoan. SAULUS LAPAS DARI SANGAPE UROK YAHUDI ²³ pas genap sangape ari, urok-urok Yahudi ba pakat munuho Saulus, ²⁴ tapi ne' ido bapakat kowo katauan ka Paulus. ne' ido ngawasi pintu-pintu siok, ma'am supayo ne' ido biso munuh io. ²⁵ tapi, murid-murid Saulus nabanan io pado ari ma'am lantas nurunan ngalalui dinik ngu'urot io kababoh ka do'op sete karanjang. SAULUS KA YERUSALEM ²⁶ pas Saulus sampe ka Yerusalem, io nyobo sa' bagabung ba samue' murid. tapi, ne' ido samue' gai ka io karamo anok picayo kade io koo lah murid. ²⁷ pas Barnabas ngerengan Saulus lantas nabanan io ka samue e Rasul abis koo jnyarito'ot kasamu e ne' ido jamae io nanang Tuhan kamarago, lantas Tuhan dah bakato ka io jamae io barani ngato'ot namo Yesus ka Damsyik. ²⁸ lantas, Saulus barage-rage ne' udo waktu ne' ido taamo lantas kauar ampat ka Yerusalem sambil barani bakato namo Tuhan. ²⁹ Io bakato lantas bapakaro nang urokng Helenis, tapi ne' ido barusoho munuho io. ³⁰ waktu kamaru-kamaru saiman nahui masaloh kowo. ne' udo nabanan io turut ka Kaisarea lantas nyuruh io ka Tarsus. ³¹ Roh Kudus ngibur samuae jemaat ka Yudea, Galilea, nang Samaria namu kaamanan lantas batumbuh. Batamboh manyaklah ne' ido. PETRUS KA KOTA LIDA NANG KOTA YOPE ³² Pado ari koo, Petrus ngulilingi samuae lokasi, io ugo ngampusi urokng-urokng nang diop ka Lida. ³³ petrus napati seko urokng nang banamo Eneas, io lumpuh salamo 8 tahut ka tampat tidure. ³⁴ ako koo bakatolah Petrus ka io, "Eneas, Kristus Yesus nyamuhatno kau. umpatlah tarus rapiot tampat tidurngu! "lantas, Eneas umpat. ³⁵ samuee urokng nang diop ka Lida ba Saron nanang io lantas ne' ido bapaling ka Tuhan. ³⁶ waktu koo, ka Yope, ado seko urokng murid ambini banamo tabita, nang kade diartiot baarti Dorkas. io suko babuat baek lantas basadakoh. ³⁷ jadi pado ari-ari koo, io sakit tarus mati. pas, urokng-urokng dah ako mani'i io , ne' ido nedorot io ka loteng atas. ³⁸ karamo Lida basamakot ba Yope, Para murid, dah nangar kade petrus ado kanaan, dingirim dua eko' urokng ka Petrus lantas basujud ka io, "ampuso katampat kami ame ditunda!" ³⁹ tarus, Petrus umpat lantas ampus barage ne'ido. io nyampe, ne' ido nabanan petrus ka rungan atas. samuee jande badiri kaseket petrus sambil nangis, magariot pakean-pakean doop nang pakean-pakean laine yang biaso dimanjawat Dorkas waktu io masih ba ne' ido. ⁴⁰ Petrus nyuruh ne' ido samuee kauwar, lalu balutut dan badoa. ako koo io ba paleng ka bangke Tabita dan io bakato, "Tabita, umpatlah!" lalu ambini koo muko matae dan waktu io nanang Petrus , io duduk. ⁴¹ tarus, Petrus maamas kokote ka io dan mantu io badiri . ako' koo, sambil nyarui urokng-urokng kudus dan para jande, io magariot Tabita idup. ⁴² dan kajadiot koo tasabar ka samuae urokng Yope, dan manyak urokng picayo ka Tuhan. ⁴³ Petrus cukup lamo diop ka Yope ba urokng nang banamo Simon, urokng panyamak kuit.