1
Roh ngatoot nang jalas kade pado ari-ari terakir, saparo urokng pasti ningaati imane tarus nyarohot dirie ka roh-roh panyasatot nang ajarot antu-antu.
2
ne'udo dingalabui lewat munafik samuae pangalok nang ati nuranie dah dingacap nang basi angat.
3
ne'udo merai urokng panganten lantas merai makot mangkanan nang dinyiptoot Allah, nang saharuse ditarimo nang ucapan sukur dari ne'udo nang picayo lantas nganal kabanarot.
4
makae, samuae nang dinyiptoot dari Allah koo baek lantas ano' ado nang haram kalo ditarimo nang ucapan sukur,
5
karamo samuae koo dingudusot nang firman Allah nang doa.
PALAYAN KRISTUS YESUS NANG BAEK
6
nang ngajarot hal-hal nyian ka kamaru-kamaru saiman, kao pasti jadi palayan Yesus Kristus nang baek, sajamae kao ako dinidik doop pakatoot-pakatoot iman nang ajarot sehat nang dah ako' kao ngikuti.
7
jauhi carito-carito pangalok nang singkaro-singkaro urokng tuho, coba latih diri'ngu onto' idup setia.
8
ngalatih tubuh ado batas ngunae, tapi kesetiaan baguna doop samuae hal ngandung sumpoh onto' kaidupot kanio lantas ugo kaidupot nang akan atok.
9
kato nyian biso dipicayo lantas patot ditarimo sapanuhe.
10
onto' koolah, diri bakarajo barat lantas bajuang. makae, diri naro arapan diri ka Allah nang idup. nang iyokoolah panyalamat samuae manusia, labih agi ne'udo nang picayo.
11
parintohot nang ajarotlah hal-hal nyian.
12
ame sampe ado urokng nang ngarendohot kao karamo kao mudo, tapi jajilah contoh bagi urokng-urokng picayo doop pakatoot, kalakuan, kasih, iman, nang kasuciot.
13
sampe aku atok, batekun doop maco kitab suci, doop mare nasehat, lantas doop ngajari.
14
ame nyia-nyiaot karunio rohani nang ado ka kao, nang dimareot ka kao ngalalui nubuat pas dewan panatuo ngangkat kokote ka atasngu.
15
amuatlah hal-hal nyian nang rajit, barelah diringu sautuhe onyo' ngamuat hal-hal nyian supayo samuae urokng biso nanang kamajuanngu.
16
paratiot sidi-sidi jamae kao idup lantas ameo nang kao ngajarot. batekunlah kadoope karamo nang babuat jakoo kao biso nyalamatot, baek diri'ngu sandiri maopun ne'udo nang nangar ajaratngu.