¹ pakatoot nyian batol, "kade urokng kamaoane tugas pangurus jemaat, io mao karajaan nang gagas." ² karamo koo, pangurus jemaat harus urokng nang ano' basaloh, aki dari seko' bini, taliti, nguasai diri, diningiot, suko mare tumpangan, lantas pane ngajar, ³ buke panyocok, buke urokng nang karongo ⁴ io harus pane ngurus rumoh tangoe sandiri nang baek lantas nyago anak-anake onto' patuh nang raso hormat. ⁵ makenyo, kade io ano' nahui jamae ngurus rumoh tangoe sandiri, jamae ugo ngurus jemaat Allah? ⁶ amelah io urok nang baru batobat supayo io ame jadi sombong lantas janto kadoop ukuman antu. ⁷ ditamboh agi, io harus urok nang banamo baek ka antaro urok-urok luar supayo io ano' janto ka doop hinaan antu. SARAT-SARAT MAJELIS JEMAAT ⁸ jakoo ugo palayan, io ugo urok nang diormati, jiohe ano' bacabang, ano' kacanduan nyocok angur, lantas ano' ngago kauntungan nang ano' jujur. ⁹ ne'udo arus biso ngarahasiakan kabanarot iman nang ati nurani nang barasih. ¹⁰ ne'udo ugo arus diuji doho lantas kade babukti ano' basaloh, ne'udo biso ngalayani angayo palayan. ¹¹ jakoo ugo palayan ambini-ambini, ne'udo harus urokng nang dihormati, buke tukang mitnah, tapi biso nguasai dirie lantas biso dipicayo doop samuae hal. ¹² palayan harus angaki dari seko ambini, biso ngatur anak-anake nang rumoh tangoe nang baek. ¹³ makae, ne'udo nang dah ngalayani angayo palayan nang baek pasti namu kahormatot onto' dirie ne'udo sandiri lantas kapicayoot nang ayo' imane doop Yesus Kristus. RAHASIA KESETIAAN DIRI ¹⁴ Aku baarap aku biso atok ka kauu, tapi aku nolesot hal-hal nyian ka kauu supayo ¹⁵ sandaie aku talambat, kauu dah nahui jamae ne'udo harus idup doop rumoh Allah, iyolah garejo dari Allah nang idup, tihok panyangkok, lantas dasar dari kabanarot. ¹⁶ diri ngakui sangape ayoe rahasia kesetiane koo: "io, dimadohot doop dageng, Roh nang manarot, dinanang malaekat-malaekat, dingatoot ka antaro bangso-bangso, dimicayai kadoop dunio, dingangkat sampe dinyamboh.