¹ mulo-mulo, aku nasehati kau onto' nyampeot minto doa, doa syafaat, lantas mengucap sukur onto' samuae urokng, ² onto' rajo-rajo, lantas samuae urokng nang dodok kapamarintoh supayo diri biso nyaati maria marago na ng nyaman lantas aman doop samuae kataatot nang kahormatot. ³ hal nyian baek lantas disukai kaadapot Allah, sang panyalamat diri, ⁴ nang maoe nyalamatot samuae urokng lantas nang nahui kabanarot. ⁵ karamo, kahe ga seko Allah lantas seko parantaro antaro Allah nang manusio, iyolah manusio Yesus Kristus, ⁶ nang dah mare diri-Nya sandiri onto' nabus samuae urokng. katarangan nyian dimadohot pado ari nang dinatapot Io. ⁷ onto' koolah, aku dinatapot onto' pangabarot injil nang rasul, aku bakato banar, aku ano' pangaok, lantas aku ugo guru doop iman nang kabanarot onto' bangso-bangso laen. KALAKUAN ANGAKI-ANGAKI NANG AMBINI DOOP JEMAAT SAMBAYANG ⁸ lantas koo, aku mao angaki-angaki kamae tampat badoa sambil ngangkat kokote nang kudus tanpa baberai nang batangkarot. ⁹ jakoo ugo, aku mao ambini babaju nang baek, baradat, lantas ngandaliot dirie. pariasan buke book nang dingolong-ngolong, amas, mutiara, pakean moho, ¹⁰ malainkan babuat baek jamae pantase ambini nang setia. ¹¹ sebagai ambini harus balajar tenang lantas patuh doop segalae. ¹² tapi aku ano' ngijinan ambini ngajar ato marintoh angaki-angaki. makenyo, ambini harus tenang ¹³ Adam nang doho dinyiptoot, ako koo baru Hawa, ¹⁴ lantas buke Adam nang dinipu, malainka ambini nang dinipu lantas janto kadoop doso. ¹⁵ tapi, ambini tatap disalamatot ngalewati kamudo nang dimaranakot kade ne'ido tarus idup doop iman, kasih, lantas nang ngandaliot dirie.