¹ Idup Nang Barahu Lewat Roh Jadi, karamo Kristus dah singsaro sacaro jasmani, cobalah kau basinjatoi diringu ba pikirot nang sabayo, sabab urokng nang dah dah suoh mandarita jasmani, dah baranti babuat doso ² jadie doop manjaani siso idup ka dunio nyian, Io inok agik nunaan kamaoan manusio, malainkan kahendak Allah ³ Sabab cukuplah waktu ka maso ngu daho' untuk ngambuat kabiasan urokng-urokng nang inok nganali Allah; idup doop hawo nafsu, kamabukngu, gawe ayok, nyocok-nyocok, ba nyamboh berhala nang baisi kajahatot. ⁴ Kanio na'ido' heran sidi kamie napati bahwo kau inok agik ampus doop kebejatan liar nang na'ido' ngamuat. Oleh karamo ko, na'ido' mamfitnah kau. ⁵ Tapi bo, na'ido' mok mare patanggung jawabpot ka Io nang mao menghakimi urokng nang idup ba nang mati. ⁶ Untuk alasan nyianlah, Injil di maritoot ka urokng-urokng nang kanio udah mati jadie ampamae na'ido' dah di ngahkimi ka dunio nyian ba standar manusio, tapi na'ido' idup sacaro roh nurut ukuran Allah. Pakelah Karuniongu Untuk Ngalayani ⁷ ahir ampat ka samue koo dah samak. Karamo ko, ati-atilah ba jago-jagolah supayo biso badoa. ⁸ Ka atas samue nyian , taruslah sabayo-bayo ngasihi ba sidi-sidi sabab kasih nutupi manyak sakai doso. ⁹ Pagariotlah karamo-tamohan ngu ka seko ba nang laine ame ngaluh. ¹⁰ Karmo satiap urokng dah narimo karunio, pake lah ko untuk ngalayani seko ba nang laine angayo palayan nang baik ka samue karunio ampat ka Allah: ¹¹ sape nang bakato, baiklah Io bakato angayo urokng nang nyampeoot Firman Allah; ba sape nang ngalayani, baike Io ngalayani ba kakuatan nang Allah mareot ka doop samue hal, Allah di muliot ngalalui Yesus Kristus. Ka Iolah kamuliot ba kuaso sampe salamo-lamoe. Amin. Singsaro Ba Pangikut Kristus ¹² Kamaruk-kamaruk nang kungasihi, amelah takajut ba api pancobaan nang atok untuk nguji kau, saolah-olah suatu nang aneh tajadi ka atas kau. ¹³ Tapi basukocitalah karamo kau ado ngicok bagiot doop singsaro Kristus jadie kau gae biso basukacita ba kaepoot pas kamuliot-E di nyatoot. ¹⁴ Barepo-repolah ampamae kau dimacat karamo namo Kristus, sabab Roh kamuliaan ba Roh Allah diop ka doop kau. ¹⁵ Tapi bo, ame ado nang ka antaro kau nang singsaro macam pambunuh,pangaet,palaku,kajahatot, atau macam urokng suko nyampuri urusan urokng lain. ¹⁶ Tapi bo, sape pun nang singsaro macam urokng kristen, amelah io supot sabalikke supayo io memuji Allah karamo nanggung sabutot ko. ¹⁷ ah waktue panghakiman di mulai ampat ka kamaruk Allah. Ba, ampamae panghakiman Allah di mulai ampat ka diri, jamaeke nasib urokng-urokng nang inok taat ka Injil Allah? ¹⁸ Ampamae urokng saleh ajok susoh untuk disalamatot, jamae ba urokng jahat ba urokng badoso?Amsal 11:31 ¹⁹ Karamo ko, biarot na'ido' nang singsaro karamo kehendak Allah, picayoot jiwoe ka nang nyiptaot nang setia, sambil tarus ngambuat dameo nang baik