¹ Karamo ko, Sabayo-bayo penatua ba saksi mato singsaro Kristus, gae samacam urokng nang mao ampus ngicok bagian doop kamuliaan nang mao dinyatoot, aku nyorog para penetua nang ado ka antaro kau: ² Gembaloot lah domba-dimba Allah nang ado ka kau! Ame karamo dimakso, tapi rela, angayo nang Allah nghendaki; Ame ngambuat untuk namu kauntungan nanghina, tapi karamo, kamaoanmu, ³ Ame ugok pane-pane macamo panguaso ka Na'ido' nang dimicayoot ka doop tanggong jawabngu, tapi jadilah taladan untuk kawanan ko. ⁴ macam nyian, pas nano Sang Gembalo Agung atok,kau mao narimo mahkota kamuliaan nang inok biso layu. ⁵ Jaiyo lah ugok kau, nang labih mudo,nunduklah ka nang tuho-tuhongu; ba supayo kau samue ado karendahot hati, nang seko ka nang lain ne ⁶ Karamo: Allah nantok urokng nang sombong, tapi Io mare anugrah ka urokng nang rendah ati. Amsal 3:34 Sabab ko, rendahot lah diringu ka baboh kokot Allah nang baisi kuaso. Makae,Io mao ninggiot kau ka waktue. ⁷ Bareotlah samue kasusohot mu ka Allah karamo Io nang miharo kau. ⁸ aspadolah ba bajago- jagolah! musuhngu, si Iblis, bajoot mondar-mandir angayo singa nang mengaum, ngago mangso sak io tootnok. ⁹ Lawanlah Iblis! Badirilah teguh doop imanmu karamo kau nahui bahwo ka saluruh dunio, Kamaruk-kamaruk saimanngu ugok nanggong singsaro nangkau ngalami. ¹⁰ Pas, akok kau singsaro untuk samantaro waktu, Allah sumber samue anugrah nang dah nyarukkau untuk ikut ngicok bagian doop kamuliaan Ne nang kekal ka doop Kristus mao nyambuhot, menaguhot, menguatot, ba mambangun kau. ¹¹ Bagi Iolah, kuaso untuk salamo-lamoe. Amin! Salam Panutup ¹² Aku nulis surat singkat nyian ka kau lewat Silwanus, nang kaukenal samacam kamaruk saiman nang satia. Aku mao mare samangat ba kasaksian ka kau, bahwo nyian adolah anugrah nang sejati ampat ka Allah. Badirilah taguh ka doop anugrah ko. ¹³ Jemaat nang ado ka Babilonia , nang ugo umat pilihot Allah, nyampeot salam ka kau. Markus, anakku doop Kristus, ugok nyampeot salam untukngu, ¹⁴ Barelah salam seko ka nang lain ba idungan kasih. Damai sajahtra ka samue nang ado doop Kristus. Amin. [[ayt.co1Pt]]