¹ Sikap Samue Bini ba Samue Aki Jaiyo lah kau, nunduklah ka Akingu, sabab, ampame ka antaro na'ido' ado nang taat ka Firman ,Na'ido' namu dimanangan oleh tingkoh laku bini inok kato-kato, ² Sabab na'ido' nanang sangape murni ba tahormate tinkoh lakungu. ³ Amelah kagagasotngu barasal ampat ka hiasan uas, misale ampat ka miit buuk, make pariasan amas, atau make baju nang moho-moho. ⁴ Sabalike, hendaklah kagagasot barasal ampat ka doop batinmu, iolah kagagasot nang inok biso ayu', nang barasal ampat ka roh nang lamoh lambut. koolah nang barago ka mato Allah. ⁵ sabab macam nyianlah ambini-ambini kudus pas zaman bahare, nang nohani pangarapan na'ido' Ka Allah, gagasi diri na'ido; iolah ba tunduk ka aki na'ido. ⁶ macam nyian lah sara taat ka akiE, Abraham, ba nyaru Io'tuan'. adolah anak-anak Sara ampamae kau babuat baik ba inok di nguasai oleh raso gaik pas ngamuatIo. ⁷ Jaiolah gae kau, hai Angaki-angaki, iduplah sabayo ba biningu ba sapanuh pangaratiot ka na'ido' kaum nang labih lamoh. Hormatiah na'ido' sabayo-bayo ahali waris doop narimo anugrah idup supayo doa-doangu inok tahalang. Singsaro Karamo Babuat Banar ⁸ Akhire, supayo kau samue ado kasegeot pikirot, balas kasih, kasih sakamaruot, ati nang lamoh lambut, ba karendahhot ati. ⁹ Amelah mambalas kajahatot ba kajahatot, atau mapasi ba mapasi. sabalike, supayo kau mare barakat sabab untuk koolah kau di nyaru, yaitu supayo kau mewarisi barakate ¹⁰ sabab kitab Suci bakato, "Sapeajo nyintai idup, ba mao nanang hari-hari nang baik, Io arus nyago jiohngu ampat kakajahatot , ba bebere dah ngucapot tipu muslihat. ¹¹ Io ugok harus jauhot dirie ampat ka nang jahat ba ngalakuot nangbaik. supayo Io ngago kadamaian, ba barusoho neleh Io. ¹² sabab ,mato Tuhan maratian urokng-urokng nang gagas, ba tarenyek- E nangarot doa-doa na'ido'. Tapi, muho-E nantok urokbg-urokng nang ngamuat kajahatot. Mazmur 34:13-17 ¹³ Sapeke' nang mao nyalakai kau kirae kau rajit ngamuat jukut nang baik? ¹⁴ Tapi, andaikato kau arus singsaro untuk kabanarot, makae kau pasti namu barakat. " Ame gaik ka na'ido' nang ngamuato' singsaro." ¹⁵ Tapi bo, kudusotlah Kristus angayo Tuhan ka doop atingu! siap sadiolah untuk nyahuti ka sape pun nang ngiringan ka pangarapan kau ado, ¹⁶ tapi ngambuat lah koo balamoh lambut ba hormat, sarato icoklah ati nurani nang jaranih supayo pas kau difitnah , urokng nang macat caro idupngu nang baik ka doop Kristus mao jadi supot. ¹⁷ Sabab ,labih baik sigsaro karamo babuat baik, Ampamae koo kamaoan Allah, daripado singsaro karamo babuat jahat. ¹⁸ Karamo Kristus ugok dah singsaro karamo doso-doso, sakaipun untuk samue urokng, nang banar mati untuk nang inok banar, jadie Io biso nabanan diri ka Allah . Dimunuh sacaro jasmani, tapi diiduppot ka doop Roh. ¹⁹ Doop Roh, Io ugok ampus ba ngalakuot pambaritaaot ka Roh-roh ka pinjaro, ²⁰ koo Na'ido' nang daho inok picayo pas Allah ba sabar nuggui Na'ido' pas zaman Nuh, samantaro Nuh membangun bahteraE. lewat bathera ko, Kahe sadikit, kahe lapan urong ajo, nang disalamatot oleh aik bah ²¹ Aik bah koo melambangkan babtisan nang kanio nyalamatotkau. babtisot buke untuk marasihot kotoran ampat ka tubuh , tapi marupakan pamohonan ka Allah untuk segek ati nurani nang murnih ngalalui kabangkitot Yesus Kristus, ²² Iolah nang kanio dah naik ka Sarugo ba ado ka sabaloh kanan Allah; dah samue malaikat, samue pamarentoh, ba samue panguaso di tudukot ka-Io.