¹ Karamo ko, buok lah samue kategettot, samue tipu dayo, samue kamunafikot, iri ati,ba samue macam fitnah. ² Angayo kamudo cooh nang baru dimaranakot, supayo kau maoot susu rohani nang jaranih supayo kau batumbuh doop kasalamatotmu, ³ Ampamae kau udah sidi-sidi ngarasoot bahwo Tuhan koo baik ⁴ Pas kau atok ka Kristus, Batu idup nang di nolak oleh manusio, tapi nang di milih oleh Allah ba di nganggap barago sidi ka-Io, ⁵ Kau gae angayo batu-batu idup, nang di mangun jadio segek rumoh rohani, imamat nang kudus untok mempersambohot kurban-kurban rohani nang patut ka Allah ngalalui Yesus Kristus. ⁶ Karamo Kitab Suci bakato, "tananglah, Aku muangan batu ka Sion, sege batu panjuru nang tapilih ba nang mulia, ba sape pun nang picayo ka-Io inok akan disupanan," Yesaya 28:16 ⁷ jadibo,batu ko mulia untok kau nang picayo, Batu nang di nolak oleh tukang-tukang rumoh, dah jadi batu panjuru,"Mazmur 118:22 ⁸ Ba jadi, Segek batu sandungan ba karang nang ngamuat urokng janto."8:14 Na'ido' tadandung karamo picayo ka Firman.Koolahjoot nang dah di nantuot untok na'ido'. ⁹ Tapi, kau adolah bangso nang dimilih, rajani, bangso nang kudus, umat Nek Allah sorok supayo kau namu maritoot kabaikot-kabaikot-Io, nang dah nyaru kau kauar ampat ka galapot notok ka tarok Ke nang ajaib. ¹⁰ Dahok, kau bukelah umat Allah, tapi kanio kau adolah umat Allah . Dahok, kau inok narimo balas kasihot, tapi kanio kau dah narimobalas kasihot Allah."Hosea 2:23 MAJAANAN IDUP NANG BAIK ALlAH ¹¹ Kamaruk-kamaruk nang kungasihi, aku mao ngajari kau angayo urokatok ba urokng asing ka dunio nyian untok jauhot kau ampat kamaoan hawo nafsu duniawi nang baparang ngalawan jiwongu. ¹² Jagolah tingkoh laku ngu nang baik ka antaro urokng-urokng nang nape picayo supayo ampamae na'ido' mamfitnahngu macam palaku kajahatot nanang pambuatanngu nang baik,ba mok mulioot Allah pas ari pelawatan. Turutilah ka urokng nang bakuaso ¹³ Atas namo Tuhan, tunduklah ka samue lembaga pamarentoh nang dinatapot oleh manusio, baik ka rajo angayo panguaso paling tinggi, ¹⁴ Atau ka samue gurbernur nang di utus oleh rajo untuk nghukum samue pambuat kajahatot ba mare pujiot ka urokng-urokng nang babuat baik, ¹⁵ Sabab , jakoolah kamaoan Allah: ba babuat baik, kau diam macam inok nahui urokng-urokng bodo. ¹⁶ Idup lah samacam urokng-urokng nang meredeka, tapi ame gunaan kemerdekaanngu ko samacam kedok bagi kajahatot. sabalike, iduplah angayo hambo-hambo Allah. ¹⁷ Hormatilah samue urokng. kasihilah kamaruk-kamaruk seiman, gaiklah ka Allah, ba hormatilah rajo. singsaro Kristus samacam Taladan Idup ¹⁸ Hambo-hambo, nunduklah ka tuangu ba samue hormat. Buke kahe ka na' ido' nang baik ba lamoh lamut, tapi ugo ka na'ido' nang inok adil. ¹⁹ Sabab merupaaot segek kasi karunio, ampamae demi kasadarote mao Allah , seko mao batahan doop singsaro karamo ka inokadilot. ²⁰ sabab ,ameoke upoh ngu ampamae tabah kau narimo pangkongan karamo pambuatotngu nang ba doso? tapi bo, ampamae kau singsaro karamo babuat baik ba kau narimoIo ba tabah, tindakanngu koo bakanan ka hadapot Allah. ²¹ Sabab ,untuk koolah kau di nyaru, karamo Kristus ugok dah singsaro ka kau ba ninggot taladan untukkau supayo kau nunaan jejak E. ²² Io inok ngambuat doso, dan tipu daya inok ado ka moottE. Yesaya53:9 ²³ pas Io di ngolokan, Io inok maas ba olokan ; pas Io singsaro,Io inok ngancam, tapi nyarohot diri-E ka Allah nang mok nyidang ba adil. ²⁴ Io sorok dah nanggung doso diri ka tubuh-E ka kayu salib supayo diri mati ka doso, ba idup untuk kasidiot. Oleh bilur-bilur-E , kau di nyambuhot. ²⁵ Dahook, kau angayo nang dimba-domba nang tarus-manarus tasasat, tapi kanio kau dah puook ka sang Gembala Palindung jiwongu.