¹ Buke' ge aku urokng bebas? buke ge aku nyian rasul? buke' ge aku dah nanang Yesus diri? buke' ge kito' nyian asel pakarajaanku kadoop Tuhan? ² kade' ka dangan aku buke rasul, paling ano' aku nyian rasul kakau. Soale, kau koo meterai karasulanku ka doop Tuhan. ³ nyianlah pambelaanku ka ne'ido' nang marekso aku. ⁴ kami nyian ano' bahak ge' yak makot ba nyocok? ⁵ kami nyian ano' bahak ge' yak nabanan bini kami nang saiman, sabayo ba rasul-rasul nang lain, kamaru'-kamaru' Tuhan, ba Kefas ga'e? ⁶ mao'pun kahe Barnabas ba aku nang ano' bahak yak bakarajo ⁷ Sape ge' nang suoh mao jaji tentara pake ongkos sorokng? Sape ge ' nang nanami' kabon anggur lalu ano' makot buahe? sape ge' nang ngurus ayaman piaraan lalu ano' nyocok susu'e? ⁸ Aku ngatoot hal-hal nyian nurut manusio ge'? buke'ge' Ukum Taurat dah ngatoot ga'e hal-hal nang sabayo? ⁹ Soale, ado taconteng kadoop Taurat Musa. "amelah kau mare' panutup' idung lembu nang agi' ngirik gandum!" lembu ge' nang Allah paratiotn? ¹⁰ dah Io ngatoot ka diri' ge'? au', yak diri'lah jukut koo dicontengan makenyo nang namcok aruslah io namcok ka doop pangarapot ba nang ngirik arus lah io ngirik kadoop pangarapot yak napatot bagiatne. ¹¹ Kade' kami ngamur baboh rohani ka antaro kito', balabihot ge' aso kami bahanyi hal-hal barang nang ampat kakau? ¹² Kade' urokng lain biso barahak kakau, ano' ge' kami lebih barahak agi'? Kade' pun macam nyian, kami ano' magunaan hak koo. Sabalike, kami nanggong samuo jukut biar kami ano' majaro yak Injil Kristus. ¹³ Kito ano' nahui' ge' kade' ne'ido' nang ngarajaan jukut-jukut nang kudus koo, makot mangkanan ampat ka bait Allah ga'e? Lalu, ne'ido nang jaji pajajokng ka altar namu bagiotn ampat kakurban pabuisot koo? ¹⁴ Ayoo ga'e, Tuhan nyuruhotn ne'ido' yak maritoot Injil yak idup ampat ka Injil ga'e. ¹⁵ Tapi, aku ano' suoh sakai pun make hak-hak nyian. Lalu, aku ano' ga'e nyontengan jukut-jukut nyian dikarajaan angayo nyian ka aku. Soale, baik dehe' aku mati daripado kade' ado urokng nang muang nang aku tinggiot. ¹⁶ Kade aku maritoot injil, aku ano' baalasan yak ninggiot, Soale karajaan kito' ado ka aku. kade aku ano' maritoot injil. ¹⁷ Kade' aku maritoot Injil nuruti' kamaoanku sorokng, aku namu upah. Tapi, kade' nyian buke kamaoanku, nyian tugas nang dipicayoot ka aku. ¹⁸ Kade' banso koo, dameo nang upahku? upahku waktu aku maritoot injil, aku mulih maritoot Injil, ano' pake' upoh ba ano' masalohgunaan hak ku kadoop injil. ¹⁹ Kade' urokng lain biso barahak kakau, ano' ge' kami lebih barahak agi'? Kade' pun macam nyian, kami ano' magunaan hak koo. ²⁰ Sabalike, kami nanggong samuo jukut biar kami ano' majaro yak Injil Kristus. Kito ano' nahui' ge' kade' ne'ido' nang ngarajaan jukut-jukut nang kudus koo, makot mangkanan ampat ka bait Allah ga'e? Lalu, ne'ido nang jaji pajajokng ka altar namu bagiotn ampat kakurban pabuisot koo? Ayoo ga'e, Tuhan nyuruhotn ne'ido' yak maritoot Injil yak idup ampat ka Injil ga'e. ²¹ Tapi ka ne'ido' nang ano' make ukum Taurat, aku jaji angayo ano' baukum Taurat (buke' nyo ano' make ukum Allah, tapi kababoh ukum Kristus) biar aku biso manangan ne'ido' nang ano' baukum Taurat. ²² Ka urokng nang lamoh, aku jaji lamoh biar aku biso manangan ne'ido' nang lamoh. Aku dah jaji samuo jukut ka samuo urokng baragam caro aku ngarajaan biar aku biso nyalamatot urokng. ²³ Aku ngarajaan jukut nyian yak Injil biar aku namu bagiotn kadoope. ²⁴ Ano' nahui' ge kito' kade' dangan nang batalamo', tapi kahe seko' nang narimo adiah? jaji, batalamo'lah sidi-sidi biar kau biso namuan io! ²⁵ Tiap-tiap urokng nang batanding balatih doho' yak ngoasai diri'e ka doop samuo hal. Dangan ngarajaan io yak narimao' mahkota nang ano' kakal, tapi diri' yak mamuan nang kakal yak salama-lamae. ²⁶ Makenyo, aku ano' batalamo' angayo koo ano' ado nang dituju. Aku ano' ninju angayo urokng ninju angin. ²⁷ Tapi. aku ngalatih tubuhku batol-batol ba ngoasai biar waktu aku akok maritoot Injil ka urokng lain, aku sorokng ano' di tolak.