¹ Soale, aku bai' aso kito' ano' nahui' ,Kamaru-kamaru', aso nenek moyang diri', Semua koo ado kababoh amutn, samuo ngaintasi laut. ² samuo dangan bapani' kadoop Musa, ka doop amutn ba kadoop laut. ³ Ne'ido,' samuo mangkanan rohani nang sabayo, ⁴ Ba samue'e nyocok cocokotn rohani nang sabayo. soale, ne'ido' nyocok ampat ka batu rohani nang nunaan barage ne'ido', lalu Batu koo Kristus ⁵ kade' pun ayaiyo, Allah ano' tarimo' sabagiotn ayo' ka ne'ido'. Makenyo, ne'ido' koo dimunuh ka doop udas. ⁶ Kanio' hal-hal nyian dijajiotn conto ka diri' biar ciri' ano' jaji urokng nang baniat jahat angayo nang dah io mao'an. ⁷ Ame jaji panyamboh patung angayo dangan, angayo ado taconteng, "bangso koo duduk makot ba nocok, lalu umpat yak bamain." ⁸ Ame diri' suko babayo' angayo nang dah dangan ngarajaan, makae 23 ribu urokng mati doop sari. ⁹ Lalu, diri' ga'e ano' mulih nyobo Tuhan, angayo nang dah ado dangan nyobo lalu dibinasoot di uar-uar. ¹⁰ Ame ugo' kau bagarungut angayo dangan nang bagarungut nang diminasoot dimasukkan maut ¹¹ Jukut nyian dah ne'ido' ngarasai' jaji conto nang dah dinyontengan nang jaji pangingat ka diri', kasape ge pangabisan zaman koo mao atokng. ¹² Makenyo, biarlah dangan nang ngiro kade' diri'e dah badiri tagap nang ati-ati biar ano' janto'! ¹³ Ano' ado cobaan nang biso atokng kakau paling cobaan nang biaso ka manusio. Allah koo, Allah nang baik, Io ano' miarotn kau di cobai' ngalabihi kamampuanngu. Tapi, barage ba pancobaan koo, Io mare' diri marago ka masalah diri' biar diri' mampu ngalalui' cobaan koo. ¹⁴ Makenyo, kamaru'-kamaru' nang ku ngasihi', jauhot diri' ngu ampat ka panyamboh ka allah nang lain. ¹⁵ Aku bakato angayo kaurokng nang pane, ditimbang-timbanglah dameo nang dah ku ngatoot. ¹⁶ Buke ge' cawan barakat nang diri' syukuri' koo patamuan ka doop daroh Kristus? buke' ge' roti nang diri' macoh koo patamuan ka doop tubuh kristus? ¹⁷ Kahe ado sete' roti, makae diri' nang rami nyian kahe ado sete' tubuh; diri' samuo jaji bagiotn ampat ka sete' roti koo. ¹⁸ Paratiot urokng-urokng Israel, buke ge ne'ido' koo nang makot kolekte nang ngicokng kadoop altar? ¹⁹ jadi, dameolah maksudku? mangkanan nang dah dipasamboh ka allah lain koo ado ba jukut ge? berhala koo jukut ge?