¹ Kanio' nganai' makanan nang dinyambohot ka berhala: Diri' nahui' kade "diri samuo' ado pangatahuan." Pangatahuan ngamuat urokng sombong, tatapi kasih membangun. ² Kade urokng bapikir udah nahui sasuatu, urokng koo nape nahui macam mae ino harus nahui'. ³ Tatapi kade urokng tarus ngasihi' Allah, urokng koo udah dikanal oleh'E. ⁴ Jadi nganai' makanan nang dinyambohot ka berhala- diri' nahui' kade" berhala dunio nyian ino' - bararti damio pun "ba" kade ino ado Allah salain nang Esa." ⁵ Jukut manyak nang disabut ilah-ilah, baik nang ka angit atau nang ka bumi, ado' sidi manyak "ilah-ilah" ba" tuan-tuan"." ⁶ Tatapi bagi diri', "kahe ado sege Allah Bapa, nang dari Io barasal sigale hal, ba dari Io diri' idup, trus satu Tuhan Yesus Kristus, nang ngalalui Io sigale sasuatu ado', ba ngalalui Io diri' barado". ⁷ Namun- jakoo' pengatahuan nyian ino ado ka samuo urokng. Sabalik'ke, sa'urokng sanape'e udah maratekkot panyambohot berhala, ba ne'ido makot makanan nyian saolah-olah koo sasuatu nang di nyambohot ka berhala. Ati nurani nang lamoh dari ne'ido sorokng agi' di ngarusakkot. ⁸ Tatapi makanan ino akan ngadirot diri' ka Allah. Diri ino jadi labih buruk kade diri' ino makot, justru ino jadi labih baik kade' diri' makot io. ⁹ Tatapi ba'ati-ati lah supayo kabebassot ngu ino' manjadi satu alasan bagi sa'urokng nang lamah iman untuk tasandung. ¹⁰ Sabab kade' ado urokng nanang kau', nang mamiliki pangatahuan, makot makanan nang dari kuil bahala. Buke' ge ati nurani'e nang lamoh nang mao' di umpattot ngoan makot makanan nang di pasambohot ka bahala? ¹¹ Jadi garo-garo pamahaman ngu tentang sifat nang batol dari bahala-bahala, bagi nang lamoh, kamaru' nang ngalalui nyo Kristus udah mati, akan binaso. ¹² Jadi, pas kau' badoso ka kamaru-kamaru ngu' ba ngalukai ati nurani ne ido' nang lamoh, Kau' badoso ka Kristus. ¹³ Oleh kareno koo, kade makanan ngamuat kamaru'-kamaru' ku tasandung, aku ino mungkin makot daging agi', sahingga aku ino mungkin ngambuat kamaru' ku janto'.