¹ Kanio badasarkan isu-isu nang udah kau nulisot: " Kade' baik seorang angaki ino manyantuh seorang ambini." ² Tatapi garo-garo godaan-godaan manyak tindakan amoral, satiap angaki harus ado bini' sorokng, ba satiap ambini harus ado aki' sorokng. ³ Aki' harus mareot ka bini hak-hak ke', ambini pun jakoo ugo ka aki'e. ⁴ Bukenyo bini nang ado otoritas atas tubuh'e sorokng, melainkan aki'. Ba jaiyot ugo, aki ino ado otoritas atas tubuh e sorokng, melainkan bini. ⁵ Amelah nolak sege ba nang lain, kacuali ado pasatujuan timbal-balik untuk jangko waktu tatentu. Lakuotlah nyian supayo kau biso nyarohot diri ngu sorokng untuk doa. Kamudian kau harus barage-rage ago, biar setan ino mencobai kau sabab kurang nge kau mangontrol diri. ⁶ Tatapi aku bakato ka kau sabagai suatu kelongaran buke suatu parintoh. ⁷ Aku baharap kade satiap urokng ngayo aku. Tatapi satiap urokng ado karunio dari Allah. Nang seseorang ado karunio macam nyian, ba ado nang lain macam koo. ⁸ Kakito' nang nape panganten ba nang para janda aku bakato kade labih baik kito' tatap ame panganten, ngayo aku. ⁹ Tatapi kade' ne'ido ino biso mangontrol diri, ne'ido harus panganten. Jukut lebih baik ne'ido panganten daripado tabakar dengan nafsu. ¹⁰ Kanio kakito' nang udah panganten aku mareot parintoh nyian - buke aku tapi Tuhan- bini ino muih bapisoh dari aki'e, ¹¹ (Tatapi kade io bapisoh dari aki'e, io harus ino biso panganten atau badamailah ba aki'e) -ba aki harus ino mancarai'yot bini'e. ¹² Tatapi ka nang lain aku bakato- aku, buke Tuhan- kade ado seorang saudara ado seorang bini nang ino picayo, ba kade bini repo idup ba aki, amelah aki mancarai'yot bini. ¹³ Kade ado ambini nang ado aki ino picayo, ba kade aki repo idup ba bini, ame lah bini mancarai'yot aki. ¹⁴ Jukut aki nang ino picayo di kudusot sabab bini'e, ba bini nang ino picayo di kudusot sabab saudara. Kade -ano kamudo-kamudo kau ino jadi kudus, tatapi sasungguh'e koo kudus. ¹⁵ Tatapi kade buke pasangan Kristen bacarai, biarot lah io dari. Doop kasus-kasus macam nyian, saudara atau saudari ino diikat oleh janji-janji ne'ido. Allah udah nyaru diri untuk idup doop damai. ¹⁶ Sabab jamae kau nahu'i, ambini, apakah kau mao nyalamatot aki ngu? atau ge jamae kau nahu'i, angaki apakah kau mao nyalamatot bini ngu? ¹⁷ Kahe cobolah satiap urokng idup doop kahidupan nang udah Tuhan tantuot ka'io, jamae nang udah Allah nyaruot ka io. Nyian paraturanku ka saluruh jamaat. ¹⁸ Udah ge satiap urokng disunat pas io di nyaru untuk picayo? Io seharus se ino barusoho untuk tampil ino basunat. Udah ge satiap urokng nang ino disunat pas io dinyaru ba iman? Io seharus se ino disunat. ¹⁹ Jukut buke nang disunat atau ino disunat koo nang penting. Hal nang penting koo ngikuti parintoh-parintoh Allah. ²⁵ Kanio mengenai ne'ido nang nape suoh panganten, aku ino ado parintoh dari Allah. Tatapi aku mare pandapat ku sabagai seseorang nang, oleh kemurahan Tuhan, koo nang tapicayo'. ²⁶ Oleh kareno koo aku bapikir kade sabab kasulitan nang mao atokng, koo lebih baik untuk satiap angaki tatap macam mae keadaanne. ²⁷ Sidi ge kau tarikat ka seorang ambini? Amelah ngago kabebasan dari io. Sidi ge kau bebas dari seorang bini? Amelah ngago seorang bini. ²⁸ Tatapi kade kau biso panganten, kau ino badoso. Ba kade ambini lajang panganten, io ino badoso. Namun ne'ido nang panganten pasti ado bemacam persoalan pas mao idup, ba aku mao nyiapot kau dari hal-hal koo. ²⁹ Tatapi nyian nang aku matakot, saudara-saudara: Waktu koo singkat. Mulai Kanio, biarotlah barangsiape nang udah ado bini-bini angaplah ino ado. ³⁰ Barang siape nang nangis harus batindak ngayo ino nangis, ba barangsiape nang sedang bersuka cita ngayo ino bersuka cita, ba barangsiape nang mali sesuatu, seolah-olah ngayo ino ado barang damiopun. ³¹ Ba kade sapepun nang ba hubungan ba dunio amelah balaku saolah-olah ngalibatot diri saluruh'e ngalibatot dunio, sabab sistem dunio nyian mao barakhir. ³² Aku mao kau jadi merdeka dari samuo kakuatirot. angaki nang ino panganten mikirot hal-hal dari Tuhan, macam mae nyanangan Io. ³³ Tatapi angaki nang dah panganten mikirot hal-hal dari dunio, macam mae io nyanangan bini'e- ³⁴ io tabagi-bagi. Ambini nang nape panganten atau gadis mikirot hal-hal dari Tuhan, macam mae ka kudusot ka doop tubuh ba doop roh. Tatapi ambini nang dah panganten mikirot hal-hal dari dunio, jamae io nyanangan aki'e. ³⁵ Aku ngatoot nyian demi ka untungan ngu, ba buke untuk mare batasan ka kau. Aku ngatoot nyian untuk damio nang banar, sahingga kau biso mangabdi ka Tuhan tanpa gangguan damiopun. ³⁶ Tatapi kade saurokng bapikir kade io ino ngalakuot tunangan nge ino hormat -kade io nape cukup umur panganten ba harus lah macam nyian- io harus ngalakuot damio nang io mao'an. io ino ba'doso Ne'ido harus panganten. ³⁷ Tatapi kade io tatap- teguh ka doop ati'e, kade io nano tekanan tatapi biso ngontrol kainginan ne sorokng, ba kade' io udah mutusot doop ati'e sorokng ngalakuot hal nyian, untuk nyago kaparawan tunangan ne, io akan ngalakuot nang baik. ³⁸ Jadi kade' sape nang panganten ba tunangan ne ngalakuot nang baik, ba barang sape nang milih ino panganten ngalakuot hal nang jauh labih baik. ³⁹ Sa'urokng ambini tarikat ba aki'e salamo idup. Tatapi kade aki'e mati, ambini koo bebas panganten ba sape aja nang mao io pangantenni', tatapi kahe ka doop Tuhan. ⁴⁰ Namun, doop panilaian Ku ambini koo labih bahagia kade io idup aya mae ada'e. Ba aku bapikir kade Aku ugo' ado Roh Allah.