¹ Tapi Roh sidi tagas ngataatn kade waktu-waktu ana, ada urakng nang murtad lalu ngikuti roh-roh panyasat ba ajaratn setan-setan ² oleh kana tipu daya pangalok-pangalok nang ati nuranie make cap mereka. ³ Mereka koa mai'an urakng panganten,ngalarang urakng makatn makanan nang di nyiptaatn Jubata Allah biar pangucapatn syukur di makatn urakng nang picayak ba nang kanal kabanaratn. ⁴ Padahal ahe nang di nyiptaatn Jubata Allah koa baik samua ina' ada sete' pun nang di haramkan, kade samuae koa di tarima dengan ucapatn sukur, ⁵ jukut samuae koa dah di ngudusatn oleh Firman Jubata Allah ba oleh doa. ⁶ Kade sau ngingat'tant pakara-pakara koa ka kamaru' page diri', kao bisa jaji palayan Jubata Karistus Yesus nang baik, ba pintar daa'mp pakara-pakara dasar iman diri' daa'mp ajaratn sehat nang kao nuna'an salama nyian. ⁷ Tapi jauhi tahiul ba curita ene'-ene' tuha. Latihlah dirik'nyu ba ibadah. ⁸ Latihan badan ta batas gunae, tapi ibadah koa baguna ka daa'mp samua hal, jukut ngicakng janji, baik idup angkin gek idup nang ka ana'e. ⁹ Pakataatn nyian banar ba patut di tarima' sa panuhe. ¹⁰ Koala sabab pe diri' susah payah ba juangk, jukut diri' narohatn harapan diri' ka Jubata Allah nang idup, Jurusalamat samua manusia, tarutama mereka nang picayak koa. ¹¹ Baritaa'tn lah ba ajaratn lah samua'e koa. ¹² Ame seko' pun ngangap kao babah jukut kao muda'. Jajilah contoh teladan ka urakng-urakng nang picayak, daa'mp pa kataa'nt nyu, daa'mp kalakuannyu, ka daa'mp kasih nyu, ka daa'mp ka setiaannyu ba ka daa'mp ka suciatn nyu. ¹³ Samintara koa,sa sampe aku atakng rajin-rajinlah maca kitab-kitab Suci, daa'mp mambangun ba daa'mp ngajar. ¹⁴ Ame lalai daa'mp ngunaan karunia nang ada ka kao, nang udah di mareatn ka kao oleh nubuat ba panumpangan kokot sidang penatua. ¹⁵ Paratiatnlah samua'e koa,iduplah ka daa'mp'e biar kamajuatnnyu koa ka teeatn nyata ka samua urakng. ¹⁶ Awasilah diri' nyu babaro ba awasi uga' pangajaratnyu. Sidi-sidilah daa'mp samuae koa, jukut kade ba kalakuan aya koa kao bisa nyalamatatn diri'nyu ba samua urakng nang nagaratn kao.