¹ Banarlah pakataatn nyian:" urakng nang mao' nuduki jabatan pangurus jemaat nang mao'an pakarajaatn nang gagas ." ² maka koa pangurus jemaat haruslah urakng nang inak ba cacat cela, aki dari seko' bini, bisa nahan diri'e, bijaksana, baradat, suka mare tumpangan, pintar ngajari urakng. ³ buke panyocok, buke pamera malah bisa ngarataatn, buke amba duit ⁴ saurakng kapala kaluarga nang baik, di segani ba di hormati anak-anakke, ⁵ kade ia inak bisa ngapalai' kaluargae babaro, ayamae ia bisa ngurus jemaat Jubata Allah? ⁶ Amelah ia urakng nang baru' uga' ba tobat, biar ame ia jaji sombong lalu kana ukuman iblis. ⁷ ia uga'k urakng nang ba dama baik ka luar jemaat, biar ame ia di pakara urakng ana lalu jantu'k ka daamp dosa. ⁸ Aya koa uga' diakon-diakon haruslah urakng nang terhormat, ina' ba cabang jiah, ina' suka nyocok anggur, ina' tama'ah ( serakah), ⁹ tapi urakng nang mihara rahasia iman ka daamp ati nuranie nang suci. ¹⁰ mereka koa uga' harus di uji doho', baru' di tatapatn ka daamp palayanan koa kade' batol mereka inak ba cacat. ¹¹ Ayakoa uga' nang bini-bini ka koa haruslah urakng nang terhormat, ina' pa nyabungan, biarlah mampu nahan diri'e ba bisa di picaya ka daamp sagala hal. ¹² Diakon biarlah aki dari seko' bini ba ngurus anak-anak ba kaluargae baik-baik. ¹³ soale mereka nang ngalayani baik-baik namu ka dudukatn nang baik ka daamp iman ka Jubata Karistus Yesus bisa bebas ba saksi. ¹⁴ Samuae koa ku nulisatn ka kao, sabanare ka maoanku koa bisa ngatakngi kao. ¹⁵ jaji kade aku nape atakng, kao udah nauan ayamae urakng idup nang udah jaji kaluaga Jubata Allah, yakoa jemaat umpat ka Jubata Allah nang idup, tihakng panopakng ba alas ka banaratn.