¹ Pertama-tama aku nasehati: naikkatnlah pa mohonan, ba doa syafaat ba ngucapatn sukur untuk samua urakng, ² untuk na raja-raja, ba samua pamarentah, biar diri'k bisa idup tanang ba tentram daamp sagala ka salehant ba ka hormatan. ³ koalah nang baik ba nang ba kenan ka adapant Jubata Panampa, Jurusalamat diri'k, ⁴ nang mao' samua urakng bisa disalamatant biar namu pangatahuan ba kabanaratn. ⁵ Sabab Allah koa esa maka esa ugak Ia nang jaji pangantara antara Allah ba manusia, yakoa manusia Yesus Karistus, ⁶ nang udah nyarahatn diri' E jaji tebusan untuk samua manusia. koalah ka saksiatn pada waktu nang di nantuatn. ⁷ untuk ka saksiatn koalah aku udah di natapatn jaji pambarita ba rasul - ba jaji pangajar urakng-urakng buke Yahudi, ka daamp iman ba ka banaratn. ⁸ Maka koa aku mao', biar di mae-mae urakng nang laki ba doa nadahatn kokot nang suci, inak bera ba inak ba salisih. ⁹ yakoa ugak nang bini, biarlah ia ba rias nang pantas,sopan ba sederhana, bu'uke ame di pi'it-pi'it, ame make amas atau mutiara ataupun make pakean nang maha-maha. ¹⁰ Tapi biarlah ia ba rias ba kalakuan nang baik, aya nang pantas bagi nang bini ba ibadah. ¹¹ Saharuse nang bini ma diaman dirie ba narima pangajaratn nang patuh. ¹² aku inak ngijinan nag bini ngajar ba inak ngijinane marentah nang laki; biarlai ia ma diaman dirie. ¹³ Jukut Adam nang doho'k di nyajiatn, aka koa baru'klah Hawa. ¹⁴ buke Adam uga' nang doho'k tergoda tapi nang bini koa nang doho'k tergoda lalu jantu' ka daamp dosa. ¹⁵ Tapi nang bini akan di salamatant jukut maranakatn anak, asal ia tekun ka daamp iman ba kasih ba pengudusan ba sagala ka sederhanaan.