¹ Amelah kao karas ka urakng tuha, tapi tagurlah ia aya' apa'k. Tagurlah urakng-urangk muda' aya adi' ba radi'nyu, ² nang bini-bini tuha aya uwe' nyu ba nang bini-bini muda' aya adi'nyu nang sidi murni. ³ Hormati uga' janda-janda nang batol-batol janda. ⁴ Tapi kade ada seko' janda nang ba anak gek ucu', biarlah mereka koa pertama-tama balajar berbakti ka kaum kaluargae sandiri' ba malas budi urakng tuha ba ene'-ene'e, jukut koa nang gagas ka Jubata Allah. ⁵ Kade ada seko' janda nang banar-banar janda, nang di nigaatn babaroe, nang narohatn harapane ka Jubata Allah, bertekun ka daa'mp pamohonan doa siakng ba maa'm. ⁶ tapi janda nang idup mewah ba idup balabih-labihatn,ia dah mati sa agik idup, ⁷ Paringatilah pakara-pakara koa ka janda-janda koa biar mereka idup inak ba cacat cela. ⁸ Tapi kade ada seko' urakng nang ina' mihara page waris'e apalagi' sa insi' rumahe, urakng koa murtad ba labih jahat agi' dari pada urakng nang ina' ba iman. ⁹ Nang di daftaratn janda koa, mereka nang ba umur kurang labih anam puluh tahutn , ba kahe sakai panganten. ¹⁰ Kade ta bukti pakarajaane baik, aya ngahoan kamuda' mare tumpangan, nyasah paha page waris'e nang sa iman, nolong urakng nang idupe ka susahatn, poko'e mereka magunaan samua ka sempatan koa untuk babuat baik. ¹¹ Amelah daftaratn janda-janda muda'. Jukut kade' mereka di gairahatn mo panganten agi' koa nang bisa minjawat'e jauh ba Jubata Karistus. ¹² kade ngianati kesetiaan mereka nang awale ka Ia, mereka koa bisa ngatangan ukuman ka diri'e sandiri'. ¹³ Kade pun mereka koa kaluar masok ka rumah urakng, mereka koa dah biasa malas-malas kahe, buke' kahe pamalas tapi uga' baleter ba nyampuri' soal urakng lain ba ngataatn hal-hal nang ina' pantas. ¹⁴ Maka'e aku mao' biar janda-janda muda' koa panganten agi', namu anak, mimpin rumah tangga'e biar ame sampe mare alasan ka munsuh nang bisa muru'katn dama diri'. ¹⁵ jukut sagahe eko' ada janda nang ta sasat nunaan iblis. ¹⁶ Kade ada seko' nang laki gek nang bini nang picaya' namu anggota kaluarga nang janda, maka ia mantu' mereka biar mereka ame sampe jaji beban bagi jemaat. Ayakoalah jemaat bisa mantu' mereka nang batol-batol janda. ¹⁷ Penatua-penatua nang baik ba pamimpin'e patut di hormati' dua kali lipat, terutama mereka nang susah payah kotbah ba ngajar. ¹⁸ Buke' ge kitab suci ba kata: " Amelah kao mampaamp moot sapi nang ba garet," ba agi' " saurakng pakaraja pantas narima upahe." ¹⁹ Amelah kao narima tuduhatn atas penatua kacuali kade ada ba dua gek ba tiga saksi. ²⁰ mereka nang ba buat dosa haruslah kao tagur ka muha samua urakng biar nang lain pun gai' ²¹ Ka adapant Jubata Allah ba Karistus Yesus ba malaikat-malaikat pilihan'E kumasaatn sidi ka kao: dangaratnlah patunjuk nyian ame ba buruk sangka ba tindaklah ka daamp sasuatu ame sampe barat sabalah. ²² Aemlah kao babakant nadahatn kokot ka atas kapala urakng ba amelah ikut-ikutan ka daa'mp dosa urakng, jagalah kemurnian diri'nyu. ²³ Ame agi' kao kahe nyocok aik' putih tapi tamahi' sadikit anggur, jukut pencernaannyu sadikit taganggu' ba tubuhnyu suka lamah. ²⁴ Dosa sangahe urakng ka teeatn, seakan-akan ngadohoi'k mereka ampus ka pengadilan,tapi ada dosa sagahe eko' urakng ana baru' nyata ka teeatn. ²⁵ Ayakoa uga' kalakuan baik koa bijak kateeatn, soale yakoa ina' bisa di taporatn.