¹ Naomi nyamunyae,omwambela ngao, ''nyamunyange,nasaela kukuwaena lilapa ngao okuyube kulukuluha. ² Boazi,omulena no aya asithana no beleka no,oya molyetu?omone mwa tongomona enyimu thaye pelo ousiku. ³ Kutundapo okukushe,okuwese oli,okumange oito yoye iwa,keo othe kuya otomoenange oubeke,kono kona tongwamena mulume kondi apa mana kulya nakunwa. ⁴ Kono alala pashi,otokomele esibaka pelo alaela ili kuli nangu omuwiyele siwana,keo otabule omaulu aye,kame nawe olaleko,keo mwa kuambela einokutenda.'' ⁵ Ruti oambela Naomi, ''Monitenda yoshe yoamba.'' ⁶ Keo otha palisefelo no ubeke,nakukon'ela etaelo tha nyamunyae. ⁷ Apa Boazi namana kulya na kunwa kame omuchimwa waye uwapela,keo otha kukalala pashi pepi na libunda no ubeke.Keo owiya kanyo nyo,otubula oma kondo aye,na kulala pashi. ⁸ Keo mukachi no usiku Boazi pasumuka,nakupilukela kusilyo na kunthoto otosa ngao kwaikala mukathi kunyonga thaye oyu nalala kuma kondo aye. ⁹ Oamba, ''Owe ani? ''Keo omutambula'' Ome no Ruti,omupika omupika oye no mukathi. Oyandulule enako thoye ku mupika oye nomukathi,kakuli omutusi wa mulena. ¹⁰ Boazi oamba ngao, ''Mwanange no mukathi,Mulimu akufuyawethe. Onamonisa esishemo soye sikulu yonene kupita esino matangi,kabaken'isa ngao kowaiyembuluka naandumbana,ano kufuma kamba abotana. ¹¹ Cwale,Mwanange no mukathi konaiyapa! Moni kutendela yoshe otamba kwamba, kabaken'isa ngao amu alimuno mutolopo alimuka ngao omukathi wa utokwa. ¹² Nalimuka ngao, nomapao kono kwali mapo nokupita ome. ¹³ Oikale uno usiku, namasikusiku,haibandi mwatenda eiaswanela munu kutenda kwa mapae,keo kunawapa,mumusiye atende omusebethi aswanela munu kutenda kumapae. Haibandi nje kutendela,kutha mu upilo wa Mulimu.Olale kutwala peuntha. ¹⁴ Keo olala kutwala omasiku siku.Omeneka omasiku siku anu aiulwa kale kuinguka.kutha mumwambelo wa Boazi, ''Anu kana lemuha ngao kwali mukathi oyu nawiyi kulala kuno pashi.'' ¹⁵ Keo Boazi oamba, ''Olete omulepo woye apa oukwatelele,'' Apa mana kutenda ngeyo,keo otala mishelukela mutanu nakamweya omwaela pa sitenge,omanga siputu nakumutweka. Ofunduka kutha mutolopo. ¹⁶ Ruti apa naukela kwa nyamunyae,mwanamba ngao, ''Monatende ngepi,nyamunyange? Keo Ruti omutonoela eina-mwambela oya mulume. ¹⁷ Oamba ngao, ''Ethimishelukela mutanu nakamweya tho nyiwo ananipu mulume,monyiko anambelangao, 'Konatha ambu makaaka kwa ka nyamunyoye.'' ¹⁸ Keo Naomi, ''Oikala kuno,nyamunyange,kupitela apa owiya kulimuka siwana omuikaelo no apa munu katamba kupumula kondi apa amana kubeleka oshe omusebethi.