¹ Keo Naomi mwanakwata apa mukwaunthi wae,mulume no kwata ufuu ungi kutunda mulusika lwa Elimeleki,elithina lyae neli Boazi. ² Ruti,Omukanti no Moabi,Oambela Naomi, ''Tumone nithe nika pupulule enono ethithina siyala muilwa.Moni akon'ela oshe kupitela ni kawane oyu kaniyubela n'eke.'' Keo Naomi okwambela mu muchima wae ngao ''Othe mwanange.'' ³ Ruti keo otha kukapupulula eilya noisiyala muilwa anamana oku kutula. Mwana wiya kupupuula musilwa sa Boazi,oyuno tundelela mulusika la Elimeleki. ⁴ Mumanyima,Boazi,keo otundelela Betelehema kutha kukambela abeleki aya noakutuli ngao, ''Mulimu aikale nenu.'' Keo amutambula ngao, ''Mulimu akufuyole.'' ⁵ Keo Boazi oambela apika aye noakulu, ''Oyu mukathi atunda kupi?'' ⁶ Omupika waye omukulu keo omwalaba na kwamba ngao, ''Mukathi wa Moabi oyu na ku thiki na Naomi kutunda mu litunga lya Moabi. ⁷ Mwana niambele ngao, ''Nalomba kupupuula eilya nasiyi akutuli. 'Keo onatateke kupupuula masiku siku kuwiya kukuma thino nako,mwana pumulako kanako kanyonyo ambu munthiwo. ⁸ Keo Boazi oambela Ruti ngao, ''Onitethethe siwana mwanange? Konatha kukupupula musilwa saso,konasiya silwa sange.Kono oikale na kuthebetha na beleki ange no athithana. ⁹ Opakele onene ngana oku akutulela alume keo okon'ele ambu okaye akathi. Inalaele abeleki ange naolume ngao kana kukatatha? apa oyuba eliwila,othe mundondo mokawana mo meyu anapakamo abeleki ange no alume. ¹⁰ Keo otopela pashi poso tha Boazi nakutongwama pashi.Omwambela ngao, ''Kwawiya ngepi ngao niwane sishemo okoye omeno muthwaule. ¹¹ Boazi oalaba na kumwambela ngao, ''Ananibiyele ngao, yoshe eiona tende kutundela pa lifu lya mukwauthi oye.Onasiyi akainawoye,na litunga lyoye omu noelekeliwela ku kon'ela nyamunyoe kuwiya kwikala na anu anu. ¹² Mulimu akutuse yonene kumusebethi onatende. Otambule tifo thakumba kutundelela kwa Mulimu,wa Isilaele,oyo mumaunga aye ona mwa ku kuoleka. ¹³ Keo oamba ngao, ''Niwane uwa kutunda okoye,mo lyange,ona niomba ombo siwana,kame onamba siwana okwange,shuwangao kano mubeleki oye.'' ¹⁴ Panako nokulya Boazi keo oambela Ruti, ''Owiye,olye esisinkwa,osimbwateke muwaine tha Vinega.'' keo oikala pepi nakutuli,keo omupa mundele wa kupona.Keo olya nakuikuta mane keo osiyapo. ¹⁵ Apa awiya kumana nakutateka kukutula,Boazi keo olaela abeleki aya noandumbaana,ngao,''Mumusiye apupuule nakuaya omataka anatetiwa,kame komuna mukatatha. ¹⁶ Kame mu mukokele omatwi noubeke kutunda pama puta,keo muimusiyele aikutule komuna musheka mumusiye. ¹⁷ Keo opupuula kukuma singola ngola.Otwesa kupupuula omasita oshe no ubeke na mukokela,oubeke na wana neli ungi shemwa. ¹⁸ Keo okutweka na kutha mu tolopo.Nyamunyae apa awiya kumona eilya na pupuula Ruti keo otundisa ubeke waku pona nasiya kuilya yaye naku mupa. ¹⁹ Nyamunyae keo oamba ngao, ''Monaka pupuulela kupi pelo? Mona kasebethela kupi pelo? Omulume oyuna kutusu Mulimu amufuyawethe.'' Keo Ruti oambela nyaunyae ei no mulume oyu okwite eyanda ingi okunaka sebetha elithina lyaye Boazi.'' ²⁰ Naomi oambela nyamunyae ngao, ''Atusiwe kwa Mulimu oyu nakana okusiya esishemo saye kwafuna koku yoya. Naomi omwambela ngao, ''Oya mulume okwite tuso thikulu okwetu,kame muliululi wetu-akututusa emwa. ²¹ Ruti omukathi no Moabi oamba ngao, ''shemwa,oya mulume mwana niambele ngao, ''Naswanela kukon'ela abeleki aye noandumbana kupitela apa akamana okukutula. ²² Naomi keo oambela Ruti nyamunyae ngao, ''Kunawapa,nyamunyange ngao okon'ele oabeleki aye noa kathi,keo kana kulwisa apamutha musanda sikwaso. ²³ Keo oikala pepi naabeleki aye noakathi ngao akwanise kupupuula siwana kukakuma kuma feleletho no kutulo.Keo oikala na nyamunyae.