¹ Keo Boazi otha kusikwalo no lilapa ku kaikalako.Angi angi,keo omapae aya anatoyo Boazi nowiya.Boazi omwambela ngao, ''Muonyi,owiye otomane kuno. Ike mulume owiya kuikala pepinae. ² Keo Boazi oimba andumbaana akukwana likumi kutundeela mutolopo na kwamba ngao, ''Owiye oikale kuno. ''Keo aikala. ³ Boazi keo oambela mapae ngao, ''Naomi,oyu nakuthiki kutunda mulitunga no a Moabi,aulisa ekalulo no mumvu wa manthetu Elimeleki. ⁴ Nahupula kwalula omutwi oye nakukwambela ngao, 'Ouule pakachi no anu ayoya muno, kame pakachi no akulu etu. Haibandi emwa wasaela kuimba,ouimbe,kono haibandi ksasaela kuimba,keo oniambele,ngao ni limuke,kabaken'isa ngao njeko oyu swanela kuuimba kondi owe,kame nakuimaena.'' Keo mulume mukwae oamba ngao, ''Moni uimba.'' ⁵ Keo Boazi oamba ngao, ''Eliiwa mboula omumvu kutunda muma kaa a Naomi,waswanela kuimba na Ruti omukathi no mushobo wa Moabi,ombelwa wa mulume mofa keo kukulisiwe elithina nonfu muku yoliwa kwae. ⁶ Keo omapae no pepi oamba ngao, ''Koni twese kuuimba nofochi ina ikana kuumbulula okuyoliwa kwange. Ouule owe,ome koni twese kuula. ⁷ Ou onyiko omukwa mu Isilaele kwamana na muikaelo no ku kulisa kamba kukuchichanisa esinu. Pakuku kolwisisa,munu aswanela kutubula esieta sae nakusipa oyu anatungu nae kunyonga,Ewo wonyiwo omukwa no kutenda tamahano mu Isilaele. ⁸ Keo omapae no pepi omwambela ngao, ''Ouule owe, ''Kame otubule oma katulo oaye. ⁹ Keo Boazi oambela akulu na anu oshe, ''Mwapaki pelo ina einu yoshe ya Elimeliki,nainu yoshe ya Kilioni na Maloni kutendeela mumakaa a Naomi. ¹⁰ Na Ruti omukathi no Moabi ombiyama ma Maloni,oyu ina imbi kupilula mbiyama wange, ili kuli ni kulise elithina nonfu mu unuwae, kame elithina koli nasinyiwa kwa mathaye kulendeela muselo no sibaka soo. Pelo mwaapaki.'' ¹¹ Oshe anu naikala muselo na kulu oshe, ''atambula ngao twa paaki. Twalomba kwa Mulimu apilule omukathi na wiyi muupilo woyo wendi Raele na Lea,mu wiili na umba enthuwo tha Isilaele,opiluke fumu mu Eferato kame otume yonene mu Betelehema. ¹² Enthuwo thoyo thiyiikale wendi nthuwo tha Perezi, oyo Tamare na eleka noyu mwaikana no munthithana. ¹³ Keo Boazi oimba Ruti,oikala mbiyama wae,otha okwae,Mulimu keo omutusa olemupa,nakweleka mwana wa mulume. ¹⁴ Keo musali muhulu oambela Naomi, ''Mulimu afuyoliwe,oyu nakuupula apelo oku no mbula mapoe,oyu mbututu. Elithina lyae lilimukiwe yonene mu nomu Isilaele. ¹⁵ Nangu aikale muyoyisi wa myoyo thaanu kame nangu akubabalele muuchembele woye, kwa nyamunyoye,no kukuwapela,oyu lisiwana okoe kupita ana no alume noku kwana mutanu na twiili,oyu no mwelekela. ¹⁶ Naomi oimba omwaikana,omupaka mwili waye,nakumubabalela. ¹⁷ Akathi aikala nae pepi amuta lithina,amba ngao, ''Naomi ona eleke mwana wa mulume,''Keo amuta lithina la Obedi.Keo owiya kwikala Iwa Jesse,oyu nowiya kuikala iwa Davida. ¹⁸ Olu lonyiwo olusika lwa Perezi,Perezi owiya kwikala iwa Hezironi, ¹⁹ Hezironi owiya kuikala iwa Rami, Rami owiya kwikala iwa Aminadabi. ²⁰ Amanidabi owiya kuikala iwa Nashoni,Nashoni owiya kwikala iwa Salimoni. ²¹ Salimoni owiya kukala iwa Boazi,Boazi owiya kwikala iwa Obedi. ²² Obedi owiya kwikala iwa Jesse,Jesse owiya kuikala iwa Davida.