¹ Yoshwa arambuka ngura-ngura yayinene, ava tundu muShittimu. Ava ya kuJordan, naye na vantu navantje vamu Israeli, ava rara mpopo kumeho yaku ruta. ² Kuruku rwa mayuva matatu, vampititi ava piti mukatji kalivango varalire, ³ ava rawiri vantu,'' Opo mumona shimbangu shamakupakerero shaHompa Karunga wenu, varuti vamwa vavaLevite vana shishimbo, muna kona kutunda po palivango lino. ⁴ Pakona kukara likugaunuko nanwe osho shina kutiko kumbandwa mafere maviri. Mwasha shishweghenena, muna kona kukenga ndjira oyo muyenda, morwashi kapi mwa yiyenda rumwe yino ndjira. ⁵ Yoshwa atantere vantu, 'ngamuku pongore yona, Karunga ngaruwana vitetu mukatji kenu. ⁶ Makura Yoshwa atantere varuti, ''damunenu shimbangu shamakupakerero, mupite kumeho yavantu.'' Vavo ava damuna shimbangu shama kupakerero ava piti kumeho yavantu. ⁷ Karunga atantere Yoshwa, ''Muliyuva lino Ame kuna kukutura ghukare muntu wamunene mumantjo ava Israeli navantje. Ngava yiva ashi ame nakalire pa Moses, ntani ngani kara nove. ⁸ Ngaurawira varuti vashimbe shimbangu shamakupakerero,'' Opo ngamu katika kuntere yamema kumukuro wa Jordan, ngauka yimane ndjikiti mumukuro waJordani.'' ⁹ Makura Yoshwa antantere vantu vamu Israeli yenu kuno, muya tegherere ku nkango daKarunga wenu. ¹⁰ Ngamuyiva ashi Karunga wanaruntje mpwali mumwenu ano ngoli, uye nga tjidamo vaCanaan, vaHittites, vaHivites, vaPerissites, vaGirgashitesi, vaAmoritesi, nava Yebusitesi. ¹¹ Kenga! Shimbangu shamakupakerero shaHompa waudjuni ghuye kwapita kumeho yenu kuvindakana mukuro waJordan.'' ¹² Ngoli toghororamo vakafumu murongo navaviri mumarudi ghava Israeli, muntu ghumwe mukehe rudi. ¹³ Opo ngava kalyata mpadi varuti ngava shimbo shimbangu shaKarunga, Hompa waudjuni nga kwata mema ghamu Jordan, makura mema ghamu Jordan ngagha kuteta, nampiri mema ogho a pupango mumukuro ngagha yimana kapi ngagha pupa ngagha ponga pamwe tupu. ¹⁴ Opo ngava ruta vantu mukuro waJordan, makura varuti ngava damune shimbangu shamakupakerero ngava pita kumeho ya vantu. ¹⁵ Opo tupu ngava katika ovo ngava shimbo shimbangu ku Jordan, mpadi davo ngava lyata mumema (Jordan kuhandja rwavo mu ruvede rwa Kuyangura), ¹⁶ mema gha pupango atunde kundundu asheghumuke ngagha ponge pamwe. Mema ngagha yimanena kughure-ghure. Mema ngagha shayeka kupupa kutundilira kwa Adamu, nkurumbara ya Sarethani, kutamekera kulifuta lya Negevi, lifuta lya mungwa. Vantu ngava rutira pepi naJeriko. ¹⁷ Varuti ngava damune shimbangu shamakupakerero shaKarunga ngauyimane palivhu lya likukutu pakatji kamukuro waJordan dogoro vantu navantje vamu Israeli ngava tauruke ngava katike paurundu.