¹ Apa varutire navantje Jordan, Hompa aghamba kwa Yoshwa, '' ² Toghorora vakafumu murongo navaviri kwana ghumoye mukatji kavantu, muntu ghumwe mukehe rudi. Vape muragho ghuno: ³ Ghupa dogoro mawe murongo namaviri pakatji ka Jordan mpopo vana yimanene varuti palivhu lyakukuta, nakukaghayita kumwe nove nakuya gha yara mulivango omo ghurara namuntji.'' ⁴ Makura Yoshwa ayita vakafumu murongo navaviri ava atogholire murudi wa Israeli, ghumwe kehe rudi. ⁵ Yoshwa a ghamba kukwavo, ''kayendenu muvindakane kumeho ya wato wa Hompa Karunga ghoye mukatji ka Jordan. Kehe ghuno papenu aghupe liwe aku kambeke pashipepe shendi, kutwara mu nomora yarudi rwa vantu vamu Israeli. ⁶ Oshi ngashikara shiyivito mukatji kenu kwenu apa ngava kamupura mumayuva ana kuyoko, vinke atanta ghano mawe kukwenu? ⁷ Makura ngamu kaghamba kukwavo, Mema ghamu Jordan agha kugaunuka kumeho ya wato walikukwatakano lya Hompa. Apa sha rundakanine Jordan, mema gha Jordan aghaku gaghunuka. Ngoli mawe ghano ngagha kara shivurukito kuvantu va Israeli naruntje.'' ⁸ Vantu va Israeli ava viruwana yira momo ava rawilire Yoshwa, ntani ava damuna mawe murongo namaviri pakatji kaJordan, yira momo aghambire Hompa kwa Yoshwa. Ava ghatura mawe kukwama munomora ya rudi rwa vantu vamu Israeli. Ava gha shimbi mawe, kulivango olyo vakalire shitanda nakaghtura nkoko. ⁹ Makura Yoshwa atura mawe murongo namaviri pakatji ka mukuro waJordan, mulivango omo vayimanine varuti ovo vashimbiro shikesha shadimuragho dalikukwatakano shineghedito mposhili mpopo nakuliyuva lino. ¹⁰ Varuti ava vashimbiro likesha sha dimurogho ava yimana mukatji ka Jordan gha tantere vantu avipu, kutwara ku navintje evi arawire Moses kwa Yoshwa. Vantu avakwangura nakurundakana.'' ¹¹ Apa vamanine vantu navantje kurundakana, shikesha sha dimuragho da Hompa navaruti ava rundakana kumeho ya vantu. ¹² Rudi rwava Reuben, rudi rwava Gad, naghukahe warudi rwaManasseh ava piti kumeho ya vantu vaIsraeli ava kutungu yira vakavita, yira momo tupu aghambire Moses kukwavo. ¹³ Kutika mayovi dimurongo ne da vakafumu va kutire mukurwa ava piti kumeho ya Hompa, mukukarwa muliyana lya Jeriko. ¹⁴ Paliyuva linya Hompa Karunga kwa renkitire Yoshwa vamumone una nkondo mumantjo ghava Israeli navantje. Ava mufumadeke yira momo tupu vafumadikire Moses mumayuva ghendi naghantje. ¹⁵ Makura Hompa Karunga aghamba kwa Yoshwa, ¹⁶ Rawira varuti ovo vashimbiro shikesha sha ghumbangi vaya ghukire muJordan ¹⁷ Makura, Yoshwa ara wiri varuti, ''yaghukenu muJordan, ¹⁸ ''apa vayaghukire varuti vanya vashimbiro shikesha sha dimuragho pakatji kaJordan, ntani mpadi da kehe ghumwe wavo mpadi dendi kwadi damwine palivango lya likukutu, makura mema gha Jordan a gha vyuka palivango na kupupa akugwanekere, yira momo akalire mayuva mane. ¹⁹ Vantu avakanduka vatunde ku Jordan muliyuva lya murongo lya mumwaka wakuhova. Avakara muGilgal, kughupumeyuva waJeriko. ²⁰ Mawe murongo namaviri vaghupire mu Jeriko, Yoshwa a kaghature muGilgal. ²¹ Aghamba kuvantu va Israeli, ''Apa ruvaro rwenu ngava kapura vasha vavo mumayuva aku meho,'' Gha nke ghanya mawe?'' ²² Tantera vana voye, ''Apa mpo varutilire Jordan vayende ku livango lya likukutu, ²³ Hompa Karunga ghoye ana kukutikiri mema gha Jordan, dogoro muna rutu, yira momo tupu Hompa Karunga ghoye aruwanine kulifuta lyaMbu, olyo atupwililitire dogoro twa pitire, ²⁴ mpo ngoli shi vantu navantje vapa livhu vayive ashi lighoko lya Hompa lya kara naunankondo, ntani mposhi ghaghu fumadeka Hompa Karunga ghoye narutjeya.