¹ Makura Yoshwa mona Num muumbembe atumu vakafumu vaviri vatunde mu Shittim vakare vakushana mbudi. Ghuye aghambire, ''yendenu, mukakengere shirongo, shinenepo Jeriko. Vavo avayendi na katika kundjugho yamusondedi walidina Rahaba, ntani ava karara nkoko. ² Vyo avi katika kwaHompa wamu Jeriko, ''kengenu, varume vamu Isaraeli vanaya muno mukuya shana mbudi mushirongo.'' ³ Hompa wa muJeriko ghatumu nkango kwa Rahaba nakughamba, ''Rupwita vakafumu ovo vanayo koye ovo vanangeno mundjugho yoye, momo vavo kunaya vayashane mbudi shirongo mudima.'' ⁴ Enengoli mukamali ghunya ghaghupu vakafumu vanya nakavahoreka. Ghalimburura, Nhii, vakafumu kavaya kwande, ngoli kapi kaniyiva oko kavatundu. ⁵ Vavo kavapiti opo kalitoko liyuva, opo karutiki ruvede rwakughara mavero ghankurumbara.Kapi nayiva oko kavayendi. Kuvhura mukavakwate ntjene mukwangure kuvashupura.'' ⁶ Ngoli ghuye ana vatwara kuwiru nakavavandeka mumushoni wadimucuko ovyo atura pawiru yandjugho. ⁷ Makura vakafumu avavakwama kundjira yakutamba ku Jordan. Dimuvero ava dipata mpopo tupu varupukire vashupure. ⁸ Vakafumu kapi shimpe vanarara po matiku, opo ayendire aronde pawiru yandjugho kukwavo pawiru yandjugho. ⁹ aghamba nayiva ashi Hompa ana mupa shirongo ntani ghoma wetu unaya pakatji ketu. Navantje ovo vatungo mushirongo ngava gcughuruka kumeho yenu. ¹⁰ Twa yuvire omo Hompa ghakukutitire mema gha mumukuro wambu mukonda ashi mutunde mu Egypte. Twa yuva nka ovyo mwaruwana kuvaHompa vaviri vava Amorite kuruha rumwe rwa Jordan-Sihon naOg ovo mwamanine kuvipita . ¹¹ ''Mpopo tupu twa viyuvire, dimutjima detu ghadi tukuka unene ntani kwato ogho akalire namukumo- momo Hompa Karunga wenu, ghakara muliwiru napaudjuni. ^{12 13} Weno ngoli, ghanenu kukwande mulidina lyaHompa ashi, momo nakara unongo kukwenu, ngamukara nanwe unongo mundjugho yavavava. Mpenu shiyivito shaushiri Ashi ngamukashuva monyo wavavava, vanane, vakuruvande naliro lyavo nalintjeya, ntani ngamutupopera kumfa.'' ¹⁴ Vakafumu ava ghamba kwendi, ''liparu lyetu lyoye, nampiri kumfa! Nampiri kapi ughamba kuhamena vinka vyetu, Ngoli opo ngatupa Hompa shirongo shino ngatukara nankenda nalipuro kukoye. ¹⁵ Mpo ava dumpwitire vapitire palikende kuruwanita rughodi, Mundjugho omo atungire kwa yidikilire kulikuma lya nkurumbara. ¹⁶ Aghamba kukwavo, yendenu kumandundu mukavande kuvamuwana vavareli. Kayendenu nkoko mayuva matatu dogoro vavareli ngava kavyuke. Makura ngamuyende nandjira yenu.'' ¹⁷ Vakafumu avaghamba kukwendi, '' kapi ngatukwaterera kumatwenyidiro kudimughano odo anaturenke kughane, ntjene kapi ngauruwana vino. ¹⁸ Opo ngatuya mushirongo, una hepa kumanga runo rughodi kupitira palikende opo una turupwitiri, ngamu kupongeka mundjugho ya vasho navanyoko navakuru voye naliro lyoye nalintje mundjugho yavasho. ¹⁹ Kehe uno ngarupuko mulivero ayende mundjira, honde yavo ngayikara mudimutwe davo vavene kapi nga tukara naundjoni. Ngoli ntjene kehe uno ngaya kwata mukatji ogho muna kara navo mundjugho, honde yendi ngayi kara mutwe wetu. ²⁰ Ngoli ntjene ghaghu ghambe kuhamena vininke vyetu, ngatukara tuna manguruka kuhamena mughono ogho wakurenkitire tughane .'' ²¹ Rahaba a limburura, ovyo muna kughamba vikare vinapu.'' avatumu vakaye ntani ava shuvu livango linya. Makura a manga rughodi runya mulikende. ²² Ava yendi vakaronde kumandundu nakakara kunya mayuva matatu dogoro vavareli vakavyukire. Vavareli vawanineko. ²³ Vakafumu vaviri avakavyuka nakuya vindakana vavyuke kwa Yoshwa mona Num, ntani ava mutantere navintjeya ovyo vya kashorokiro. ²⁴ Avaghamba kwa Yoshwa, ''Ushiri Hompa akupa shirongo shino kukwetu. Vatungi navantje vamushirongo kuna kuyengumuka mukonda yetu.