¹ Ame kuna tanta asi mupingwa, Kehe pano paruvede ngokora asi uye mwanuke, kapi alisuva no mupika, mpili momu asi uye ndje mwenya viweka navintjeya. ² Ene ngoli uye akara munda yolikeverero no vayenditi dogoro muliyuva vaturapo vase. ³ Mpo nka asii, opo twakalire tuvanuke, twakalire muupika wa viviyaura vyo veta doudjuni. ⁴ Ene ngoli opo rwayire ruvede roku tikiliramo, Karunga atumine monendi wamurume, asampuruka mukadi, vasampurukira muveta. ⁵ Uye kwavi ruwaninine vino muukuparura ova vakaliro muveta mpo asi twe tutambure upinga yira vana vovarume. ⁶ No mbyevi asi anwe muvana vovarume, Karunga atumu mu dimutjima detu mpepo yo kwamonendi womurume, owu akuwanga,''Abba, Vava.'' ⁷ Mposi ove kapisi umupika ene ngoli mona womurume, ano nenge mora wamurume, mpo ngoli si novenka umupingwa kupitira mwa Karunga. ⁸ Ene ngoli paruvede runya, opo mwapilire kuyiva Karunga, vamu tulite muupika kombavanya, munkondo davavenene do ntjitwe, kapisi da Karunga mpili kadidi. ⁹ Ene ngoli weno nwe munaya yiva ngoli Karunga, ndipo anwe kuna kuvyuka kuudwa noveta dokunyata? Muna sana nka anwe kuvarekerako kumuweka? ¹⁰ Anwe kudimburura mayuva no tukwedi totupe no vinema no mwaka! ¹¹ Ame nakara nauntjitwe wenu asi nopa-nopanya viruwana vyande, kumwe nanwe kuvura vyakalire mumawoko woko. ¹² Kuna kumu kwambera anwe, vakuru vande vavo rume, litjindjenu yira ame , mposi name nalitjindja yiira anwe. Anwe kapi mandjonena ame. ¹³ Ene ngoli anwe mwayiva asi viino kwakalire mukonda yolihamba lyo panyama olyo nayuvilire ame mbudi yoyiwa kukwenu sikando sokuhova. ¹⁴ Kupitira panyama yande anwe ngava mutura mumaseteko anwe kapwi mwantjwaulire ndi muntjwene ame.Ene ngoli anwe kwa ntambwire nawa yira nimu engeni waKarunga nakaliro, yira Jesus Christusa mwene nakaliro. ¹⁵ Kuni ngoli una kara upongoki wenu weno? Mposi ame kuna kumbangipara kukwenu asi, ndivya kalire ureru ndi mwatambiwire mo mantjo anaumwenu noku ampa ame. ¹⁶ Mo akara ngoli weno, nkore yenu mbyevi asi nakumutantera usilindi? ¹⁷ Vana tokora wakumu funda anwe, enengoli vyahana kuyitapo sitambo sosiwa. ¹⁸ Viwa kehepano kutora mumotokoro womawa nositambo sosiwa. no kapisi mpopo tupu nikaranga kumwe nanwe. ¹⁹ Vana wona vande, Simpe ame kuna kura mukukora koruvaro rovana venu dogoro christus nga moneke mumwenu. ²⁰ Ame kuna kulivera asi, ndi mpongani kara kumwe namwe weno noku tjindja liywi lyande, mbyevi ame kuna kutamangera kuhamena kukwenu. ²¹ Ntanterenu ame, anwe va mwasano kukara munda yo veta, kapi mwa teyereranga kuvetandi? ²² Vyavyo vyapwa kutjanga asi Abraham kwa kalire nova vovarume vavili, umwe wokumukadona womupika umwe wokumukadi wokumanguruka. ²³ Umwe kwa musampurukire mukadona womupika kutwarra po nyama enne ngoli umweya kwa musampurukira kumukadi woku mannguruka kupitira mulitwenyedero. ²⁴ Vino vininke kuvura kuvura kuvi faturura yira matimwititi, kovano vakadi kuna kwatereremo malikwatakano mavili. Umwe wavo woku tunda ku ndundu ya Sinai uye kwasampurukira vanuke muupika. Ouno Hagar. ²⁵ Weno Hagar kuna kwateremo ndundu ya Sinai mu Arabia, no uye kunakwateremo mu Jerusalem, mposi uye mpwali muupika novana vendi. ²⁶ Ene ngoli ro Jerusalem yokuwiru yayo yamanguruka no uyenka nyokwetu atwe. ²⁷ Vyavyo vyapwa kutjanga,'' Hafenu anwe vangandje mwa pirango kusampuruka. Lirenu no kuyiyira mu ruhafo , anwe kapi muna kupwa kuhepa kukora kolisampuruko, mbyevi vana vovanya vakadi vatulira ntere vavuka unene kupitakanena vanyo vo vakadi vakaro novavyo vavo. ²⁸ Ene ngoli vinke, vakuuru vovarume, yira Isaac, muvana vo litwenyedero. ²⁹ Paruvede runya umwe owu va sampurukire kutwara pa nyama ahepekire umwe owu vasampuruka kutwara pa Mpepo. Vina lifana ngoli weno. ³⁰ Ene ngoli vinke anakutanta matjangwa? Tjidenu mukadi womupika namonendi wamumati. kumona wo mukadona womupika kapi aligaununa mu upingwa kumwe na mona womurume asampuruka mukadi wa kumanguruka.'' ³¹ Mpo ngoli asi vakuru vovaruume, atwe kapisi tuvana vo mukadona wo mupika, enengoli vavo vo mukadi wokumanguruka.