¹ Ku limanguruko a turapo Kristus kwa tumangurura twe. Yimanenu ndjikiti, mposi, ntani kapisi nka nga vamuture mulikeverero lyo djoko yo upika. ² Kengenu, Ame, Paulus, nakumutantero nwe asi sene ngo tambure umwenu va muheve, Kristus kapi nga muneyeda mauwa mu kehe ndjia. ³ Ame kuna kutongonona nka ko kehe murume owo nga tamburo mwene asi vamuheve uye kwa mutwenyena mukutikitamo veta nadintje. ⁴ Anwe ku kuhupako kwa Kristus, anwe ngo muvhuro kusutuka ku veta; anwe kapi nka ngo mona nkenda, ⁵ Kupitira mu mpepo, mu lihuguvaro, atwe nga tuvura ku taterera mu kuhuguvara mu uhungami, ⁶ Mwa Jesus Kristus vakare vo kuheva ndi vo kudira kuheva kapi vya kutanta vintu, ene ngoli mulihuguvaro tupu muliruwaneno lyo kupitira musihoro. ⁷ Anwe kwa dukire nawa. Are amu swenekiro nwe kutikitamo usili? ⁸ Oli lisongawiro kapi lya tunda kwendi owo amu yito nwe! ⁹ Ka fulito ku renkita mburumera nayintje yi yeruke. ¹⁰ Ame kwa kara no mukumo mwa Hompa asi anwe kapi ngo wupanka mafanayiko wopeke. Owo ana ku muyitiro udito nga kafuta matengeko, akare ndje re. ¹¹ Vaunyande, ame sene ani yuvita kuheva, ame nke simpe vaka vhulira kumpangura? Asi mu sorokwa so liwe lyo sikuruse va lihupako. ¹² Yira ko vo vana kudjonganito nwe, Ame kuva hayarera nga va vhure ku kurutura umwavo! ¹³ Ku kwenu nwe vaunyande vayita ku limanguruko, ene ngoli kapisi ngo mu ruwanite siruwo so limanguruko asi ntundiliro yo ndjp; ngoli, kupitira musihoro ngo liyowora umwenu. ¹⁴ Ku veta nadintje kwa dikwatakanita mu murawo umwe: "Una hepa ku hora musinda woye yira umoye." ¹⁵ Ene ngol sene nwe ngo lisume ntani ngo lilye na umwenu, ngo mukengurure nawa asi kapisi ngo mu ku mane na umwenu. ¹⁶ Ene ngoli Ame kuna kutanta, yendenu mu mpepo ntani nwe kapisi ngo musimbe lirwameno lyo ntundiliro yo ndjo. ¹⁷ ku lirwameno lyo ntundiliro yo ndjo kulirwanita no mpepo, ntani lirwameno lyo mpepo ku lirwanita no ntundiliro yo ndjo. ku vininke vino kumwe ne ku kurwanita vene, mpo si anwe no kuruwana si ovyo muna sana. ¹⁸ Ene ngoli sene kuna ku mupititira mpepo, anwe kapisi va ka veta. ¹⁹ Weno viruwana vyo ntundiliro kwa vi mbangipara: rusonda rokuswaukita, likunyateko, likutavakano, ²⁰ vikarunga vyo vipempa, sinyenganyi, likusentjo, likukondjero, mfudu, ugara, una nkore, likusentjo, likuhanguro, ²¹ likunyengo, unkorwe, makusambrero ho unkorwe, ntani vininke yira mbyovi. Ame kuna ku murondora nwe, yira momo namurondorwire pamuhovo, asi ane mwa ruwanango vininke yira vino kapi ngo mukapinga untungi wa Karunga. ²² Ene ngoli nyango yo mpepo ne sihoro, ruhafo, mpora, lididimiko, ulimburukwi, uwa, llihuguvaro, ²³ lifumadeko, ntani likukeverero umoye; vyo ku rwanita vininke vino ne veta. ²⁴ Ovo va hameno kwa Jesus Kristus kwa pamparera ntundiliro yo ndjo kumwe no ruhafo ntani lirwameno. ^{25 26} Sene atu paruka mu mpepo, renkenu nka tuyende mu mpepo,renkenu asi atwe kapisi nga tukunenepite, ku kusadura mu katji ketu, ku kunyenga mukatji ketu.