¹ VaGarata vo ugova-gova! Are gha rogho nwe? Ovi kwa kalire ko kumeho yo mantjo ghenu asi Jesus Kristus kwa monekire ko kehe uno asi kwa mupampalire asi sineghedito. ² Osi ntjo tupu sininke nasana kulirongera me ku kwenu: Anwe kwa tambura mpepo ku kuviruwana vya veta ndi ku mapuliro owo mwa yuva? ³ Anwe ugova-gova mwa kara nawo? Ovi kwa tamekire ku mpepo, weno ngoli anwe kuna kuyenda mu kamanite pa nyama? ⁴ Anwe kwa hepa ngoli kuvininke vyo vingi vyo mawoko-woko- sene vene kwa kalire vyo mawoko-woko? ⁵ Owo ngoli atapango mpepo ku kwenu ntani kuruwana vitetu mukatji kenu kwa ruwananga viruwana vya veta, ndi ko vyo mwa yuva mu mapuliro? ⁶ Yira Abraham "ghapulire mwa Karunga ntani kwa mupire ghuye ndjapo youhungami," ⁷ momo mu ndjira yimwe, mukukuyuva, nka asi ovo vakaliro nolipuliro mbo vana va Abraham. ⁸ Matjangwa, kwa monine asi Karunga nga vhura kumangurura marudi gha kukukarera mu lihuguvaro, yuvitenu mbudi yoyiwa kupitira mwa Abraham, no kughamba, "mu moye mo nga vakandayikera dimuhoko nadintje." ⁹ Mpo ngoli, Ovo volihuguvaro va vakandayika kumwe na Abraham, murume wo lihuguvaro. ¹⁰ Navantje ovo va dehemeno mu viruwana vyo veta kwa vafinga; ntani mo va vitjanga, "Lifingo ne kehe uno owo adirango kulikwatakana vininke ovyo vatjanga mu mbapira yo veta, ntani adi tikitemo," ¹¹ Weno vina kene asi kwato owo va mangurura mwa Karunga kupitira mu veta, morwa "uhungami ngauparuka mu lihuguvaro." ¹² Ene ngoli veta ne kapisi lihuguvaro, no nka, " muntu owo aruwanango viruwana vyo veta ana hepa kuparuka mu mwado." ¹³ Lifingo lyetu lyo veta Kwa lidimitire Kristus mu kukara uye lifingo lyetu-momo va vitjanga, "Lifingo ne kehe uno wo kulimangerera kusitondo" - ¹⁴ mpo si likandayiko lya Abraham kuvhura ngaliye ku vantu vakukarera mwa Jesus Kristus, mpo si mulihuguvaro atwe nga tuvhura kutambura mpepo oyo vatu twenyedera. ¹⁵ Vaunyande, Tanko ni nighambe pasi nauntu. Sene tupu siruwana somuntu a kuhamitira mu litoto lyo veta, kwato oyo ngava upako ndi kuwedako. ¹⁶ Weno litwenyidiro olyo vaghambire kwa Abraham ntani vo ntampuko yendi. kapi vina kutanta, "ku vakantampuko," vini tamba vavangi, ene ngoli kuhamena ku umwe tupu, "ntani ku ntampuko denu," uye ne ndje Kristus. ¹⁷ Weno ame kuna tamba vino: veta odo dayo kunyima mwaka 430, kapi da tura ntere ovyo atatekire Karunga kusiruwo pito. ¹⁸ Sene lipingokwa tundilira ku veta, ngoli kapi lya tundilira kulitwenyidiro. Ene ngoli Karunga kwa tapire matwenyedero kwa Abraham. ¹⁹ Nke, nane, vya kalire sitambo so veta? Ovi kwa viwederera morwa maseteko, dogoro va ntampuko ya Abraham nga vavhure kuya kowo vatwenyidira. Veta Kwa ditulire munkondo kupitira muva Engeli ku mugwanekiliti. ²⁰ Weno mugwanekiliti kuruwna unene kupitakana muntu, ene ngoli Karunga ndje mwene. ²¹ Ngoli veta ne kulirwanita no litwenyidiro lya Karunga? Kapisi mo! ndi veta kwa dipa vino ndi kuvhura kutapa liparu, ndi uhungami kwa vhura kuya mu veta. ²² Ene ngoli matjangwa kwa kwata navintje mu ndjo. Karunga kwa ruwanine vino si litwenyidiro ngali tuyowore mu lihuguvaro lya Jesus Kristus kuvhura nga valipe ovo va puro. ²³ Kumeho yo lihuguvaro liye weno, atwe kwa tu kwatire veta, kwa tukwata dogoro lihuguvaro nga limoneke. ²⁴ Mpo ngoli si veta kwa kalire mukengeli wetu dogoro liyo lya Kristus, mpo si nga tuvhure kushutuka mu lihuguvaro. ²⁵ Ene ngoli weno si lihuguvaro lya ya, atwe kapi tuna hepa nka mukengeli. ²⁶ ku kwenu namuvantje ne vana va Karunga kupitira mu lihuguvara mwa Jesus Kristus. ²⁷ Ku kwenu vovangi ovo va kusa mwa Kristus kwa kudwateka umwenu na Kristus. ²⁸ Vikare si vaJuda ndi va Greek, vikare vapika ndi vamanguruki, vikare va kafumu ndi vakamali, ku kwenu namuntje ne vamwe tupu mwa Jesus Kristus. ²⁹ Mpo ngoli sene anwe mwa Kristus, Anwe ne vantapuko ya Abraham, ntani vakupinga ku litwenyidero.