¹ I akes, tá arkiwá, arrari tishkuwa en el Señor, inkatosmá in wartepehí kakoskaí intaki'tuwá inka inma chéña chaupiwai. ² Ahiro'pe paku wri'ayo ahiro'pe katu ishta warkuayo ahiro'pe pitaskeryo. ³ Inká untas robará toh circuncisión untas rabará toh ayeshbarí toh patatishtá akuasayó, untas rabarávtoh enorguce akabarrí Cristo Jesús yó turoh on untakachitowá unta pesh akaoya. ⁴ Inka taswá confianza takacha ahí Pata peshyó taró ameshkuamá confianza akachukencheí apeshyó Taróh kresh takacha aí. ⁵ Tasmá circunsida takiri ân owá ché, toh Israel akaañá, Benjamín a tribú, hebreos de hebreos; toh a ley yó Fariseo as. ⁶ Inka tasma akati'wa kaa arachaharí ala Iglesia; tis erah toh Justicia ley akachií tohmá tisnaní warkuatarí. ⁷ Inkariké toh krí'rerií tastihi'tishkri, kachaari toshkrike Cristo rishkra. ⁸ Tohkaro tasma a tewatá ñaha kuaakawá toh kri'yas toshkaké toh ata Jesucristo asamaña eñapé ne'warishka Jesús mi Señor, to'rishka artakawá kri'yas, tasma vasuraké chaawá i tas to'kashka aru'paró a Cristo. ⁹ I ekaña tawaskepiro, tasma Justicia tastihi'chani takachituwá toh ley yomá. Akashkua tasmá, Justicia takachua inma Cristo afé yopeí, toh Justicia patatishtá e'í toh fé maoh. ¹⁰ Inkatama tasmá ari'pen ishkawá ekaró i toh poder akachuí i wartapeí wakatishkuaí i arwa'paró toh oisí tishkuaña, tasma akuatish Parishkawá toh onna a'karipiñá. ¹¹ Akes tas to'ké ari'paró toh onrerí wartapehí wakatishkerí. ¹² Yartatí toh tas inkri sukuharí o tas kri'na toká a akarikená ankarike naawá tatapun sukuhá, toh aké arumparó toh ata tarunhi'í Cristo Jesusña. ¹³ Tá arkiwá, ameshkamá tasña aru'harikená ate watá inkarike as chua: Tasmá tartoshkua toh su'ña aakimá i tapun sukuhi naawa toki aakiró. ¹⁴ Tasmá naawá toh nabonatá arumparo toh premio toh untarwa'ta ta'wá chui toh patatishtá en Cristo Jesus. ¹⁵ Toh untas krí tustirabari, inke ameshbra: I panawá akua ameshkiawimá toh yasró, Patatishtawá revela'kaki'pé paro'wá. ¹⁶ Akashkua, toh untas toh arumbriró, tuya'ro krẽsh artobrá. ¹⁷ Taske ishkuwa, ta arkiwa chauwá kiskuwaah toh ata tarteshku nereri tah ake ishkuwá kua akuwawí untasyo. ¹⁸ Wé ta'teshki nererá, toh ater ta'kakaawãshi, i inkatamá watiayó ta'kakaawá, toh atá enemigo lerké toh Cristo apra'pishka. ¹⁹ Eka pesh hi'ma warkuapeí akes pesh Patatishtamá sirá kaopeí. ²⁰ Inkakes unta kaama piriñá chuá toh taró tuña awa'bara Salvador as, el Señor Jesucristó. ²¹ Ekama akua untakipé untapeshkao untaki'pe eka apeshka oké, untaki'pe eka atapun akachuyo toh akes tu'teshkapiro to'yas kri untas eká ahorriá akuaras apeshwawá eka ameshkera inku'ña chuperó.