¹ Tohma akishkiwá Cristo, náari eshtu amor, ah wa aschu ih kúasa yo, Asná chuma ternura ayeh tishkari oy siriya. ² Inkakes achorma tahma ararih akari askeh arike, Amor kakachuwá, achawari akuasa yo, takachuras anchi yo pirúnpa. ³ Ishkutihiwá ah sukapashta ah warkúh eka akachituwá. Awarke wesh ih chahkaupe toh akuayo ekama eñaih pake. ⁴ Kah ás ás tah hupi churwá kachu ih chohkahu toh áspe toh yawá untas takachitu ih, toh wá kakachituwa. ⁵ Amesh kuwa toh astama Cristo chi ih Jesús ⁶ Atah tuh krima toh patatishtari toh maha chahkauh as kénri ya Patatishta yo toh ken ka ah. ⁷ Ah katawartuka, hi kachiwa ekama, toki toh katushta toh voni ah karih toh arwá toh ma paskri arta ki toh awake. ⁸ Ekama ayeh tishki akake tohma anish toh anniche, ¡toh onni prah pish ya!. ⁹ Toh kema Patatishtawá ahkaki ih amakiih, toh api' wish ki insa toh api' insatoh pi'. ¹⁰ Ekana ki ih tohma api'ro Jesús ih kri yo patachan ma tonapa, toh achán ma to ah leri ih toh piriya, toh' kuhkiya kuh awah kiari. ¹¹ Ekama ki ih toh kriro patauwá uñeh lepe toh Jesucristo yo ekama patatishta hi, toh gloria yo patatistari atusri. ¹² In kitama, tah amados, toh ma pakawá tis weshkapa ãspama a yesh, katipe toh in kitama weri untas yo yorhi, katush ku wa pahi salvasión ta su ku huri, akatiawa apenwa. ¹³ Tohma patatishta hi taro katush kash kuasa paya wa ish kapiro toh katush kapiro eña ish ku kah paro. ¹⁴ Toh kri ro yas ka uh kriro yas ñaña huti ñahutipe. ¹⁵ En ish ku inke amakeh warkua ish kuti eña ish ku, Patatishta ayer wa ah kamakuti, inka ish kuwa kamas ku wa wi akayno ku kuhkia, toh arakiya torh peski toh pesh warkike. ¹⁶ Akasuku hu wa apura toh aña hi ta pesh ya, tosma ta ka chipiro ñahtuhu gloriarme tahra ri ah astarima Cristoyo, inkanima ari hawa oh tari toh yari ih tohrarinewa pakrirowa. ¹⁷ Tas toh kenarima taspu karima toh ofrenda ke aña amakri ih toh katush ki ih toh fe yo pawa hi, tah rarinewa, toh rarinewa pakrirowa. ¹⁸ Akesrima, pawa hi toh wá pi'rahne wa wi, wartipe he tah rari newawi tas yo. ¹⁹ Awakawá Señor Jesús wartapé hi tu pawa Timoteo, akestasma tasmas tamuhtari inkeariharas yas ih eriapayowa. ²⁰ Tasma asnanitoka chituwa ekama cheh ish kuaras, kremayahriras chohtashkuaras payo wa. ²¹ Toh krihro Ekama prohlera Eka pecheras chelera toh yas ih de Jesucristo. ²² Akesma pama arileras pitapun ih, akes pama cheh ke chewa atusro, Ekama che ih tas yo toh Evangelioyo. ²³ Akes tasma awaka wa katun paro warki toh mo cheleras yas ih tosyo. ²⁴ Tasma akawa Ekayo Señor tasma naawa warto pehi. ²⁵ Tasma amesh kawa toh yar ih katunpawa wartapehi Epafrodito. Ekana ta arkii toh wari katushrara toh wari pita sah yo ñañewa pa yo katushkua tas ma takachituras. ²⁶ Ekama ameh akiri pa kri rowa, akes pama wesh kri archanawari. ²⁷ A eh kakes ñama akri archana wari ontish ki patatishtama asawatuki eka yo, Eka petoh ri, akesma taswa, tos ma ih taka chitipiri toh ameshyo. ²⁸ Akema pi'rari akiras toh tuha ih, wartapehi toh wehkayo, ah rari ahpa ih takachituras oh rari ah pas. ²⁹ Sukuwa Epafrofito Señor yo toh krihro ahrari, pesh leras Ekake. ³⁰ Akes ma katush kua Cristo Ekama eria akri toh onnaña Ekama aisitishki toma cheh ka payowa kih letipirishkri tos rish kahpa.