¹ Nejjata Rey itorroba baja raponü pekáe tuatsí nejja dajjita ancianawi judá Jerusalen pijiwí yájawa. ² Dejjüá kuijinaé tayójopaya rey Jehová piaja boyábetsia dajjita judá pijíwi, pejinawa. paewi Jerusalen jawata Sacerdote, profétawí,dajjita tomarra pijiwi tsikrri nüjji velia kuijinae. Ata pena verretsi nÜanü bajara jüa kuijinae yorroba pena kae tuatsí javata dajjita pejume bájjato pejume kowünütsi nejjaDioso pena matajjüna Dioso piaja bota. ³ Nonatapuna Rey nuka columna pemujjú neneta jumaitsi Jehová jawábelía, kajume kowünü tsianatsí dajjita matakabi nejja; jai Jehová jawabelía, bá rajané maje paka punaya jinawana paenatsí, paka jume kowünü tsianatsí paka nawajü kaenatsí jjamü jababelia rabaja ápo panawaü tsane, pataja jamatabü ütüto wetsina, dajjíta jumali wetsina kuijinae, ü pejüme kowünütsi nejja pajume beje kuaíkujai Jehová jawabelía, nejjata dajjita jiwiyóbeje najamatabíí jüpampejjaniá jaí kuene. ⁴ Rey nuta a Hilcia reye monae pitórrobinü nejja, baupa ewetsiwi pijinenia, pejukaenejja dioso píaja templo werrena dajjita pá wajji yóbeje Baal nejja Acera béje. dajjita pá estrella beje atjübütatsia rubeña. nejjata tó tajuita tajü Jerusalen wekua itsa unuábelia, cedron büjjü Fotuanü jawabelia, bajará werrena pepaju kapona Betel jawabeliá. ⁵ Nejjata wekua pitsapa sacerdotewi piaja Dioso nüjji pejjai naewi, bajará pamónae reyewi judá pita petajuitsí nejja tsakiá pajitsia tujjü juyi java, pejúma tsató nüjawa pamarranü jjaina Judá pijineniá matá toyó rotsía Jerusalen. ⁶ júkae ejjana Asera dowati pejumape Dioso piajabó, wekua Jerusalen tajjü wékua cedrón bujjü toluanü javabelia tajuita baja rájota tajuita pebeno nákopata baja pa benota tsimata otoka daipa mutjuanú. ⁷ Irrajueta pemajita biábi jawata pebijiwi piajawa jawata bé pamóna taejitsia. Diosonü saikaya jota piajabo, jóta jjataba biaba petirriabi jjata bijitsia Asera. ⁸ Junata dajjita Sacerdote niyobejé Judá pijiwi bijiana petsútuanü itsa jota sacerdotewi tajuita biaba, Geba werrena kuijinae áta Beerseba jawata; tojjobaba penúbenaejawa baupa jawá penamata jjainae baupata Josué piaja baupata, pitórrobinü tomarra penukaejawa petsaweno neniá tomarra. ⁹ Itsiata baja rá secerdotewi apo tó kopatsitsi petajuitsi nejja Dioso piaja altar Jerusalen jáwata, bojará pamonae malicika jjaine ü nakae monae ¹⁰ Josias Jofet Jamabü bijiana,Ben Hinom bujjü fotuanü javatalia pena kijji rajutsi neniva isotuá belia be dajubi peto tajuitsi yeniva moloc nejja. ¹¹ Baja rá ponü kapona caballo bitsaüto reye mónae Judá pé rajutsijawa mata kabi piaja juameto Baja rá pamónae nübena imojjoyo baupa baupa wekua Dioso piajabó, imojjoyo jota majita biaba Natan Melec wajabitsaünu Josías tajuita mata kabi piaja jumaneto piaja carruanü. ¹² Josias reinü tojjobabia jota tajuita biaba penübi java bó juma vetsika itsajota majita biaba Acaz, Judá piaja reyevi peto ejjanae javatsi, petajuita biabi javabeje Manases pitsi java ajinia javabeje Dioso piaja bota. Josia tojjobabia pepanü penerreka cedrón bujjü fotua reka. ¹³ Reinü Verrebiaba tajjü tajjünaenü itsa vetsina pitsapa biaba juameto pevajünae vetsina wauyá betsiá pá unuanü abeje ejjana, Salomon Israel piaja rey, petó nakuenebí java Astoret nejja apo pita jipae jumapianü sidonio p jijivi; quemos nejja, apo pita jitsipaé jumapianü Moab; pijinenia Milkon nejja apo pita jitsipae jumapianü Amon piaja omara puivi. ¹⁴ Ponetsia pejumape nüanü ponüta nawajuka biaba baja rá pamonae pürrü bába pejumapíanü, Asera baja rá pakowúta najumá kaetua tejeba jiwisi. ¹⁵ Josias ata tójjo bába pejumapíanü, Asera baja rá pakowuta najumá kaetua téjeba jiwisi Josias ata tojjo bába altar penúbe naejawa Betel jawátalia, penúbi jawuanü pijinenia Jeroboam, pejunato Nabad (pemáta kaponaenü penawajükaé nejja dowati jawábelia) pé máta kobi jawa piaja altar tó tajuita déjota nawajüka biaba ata ü ipumana nakopata. pejjumapenü Asera tajuita buata pona. ¹⁶ Josias naita weneta, tane jiwi mütünü unütaliá, jiwi itorrobalia mutjü wetsia juka jiwisi tajuita Altar jumawerreka tó bijianá jitsia , pakunia Dioso piaja profetanü tsipaeba pewajú naya má jjua tane. ¹⁷ Baja rá jjüá kuijináe jumaitsi: dé pitsi monumento má nejjata ma taniji? júme kanawiatatsi tomarra pijiwi: Dioso rá piajiwitónü Juda werrena peponaenú pemütü Juda werrena peponaenú, pekatsi paebinü pewajü náya Dioso piaja jiwitonü abajjü tajuitsi nejewanü altar júma wérreka Betel jawáta. ¹⁸ Josías jumaitsi: "jimá táema. kaenü ata ápo tijjibi tsane pejuma werreka pebobé náe sí, profetanü pesi bobena Samaria werrena peponaenü. ¹⁹ Dajjita bonü petsuto jumá tomarra pijiwi penube naewi Samariata pé werreba bejawa reyes mónae Israelewi anaya ejjanaejitsia, tijjiba pijinenia Josias pakuénia itsí Betel jawata". ²⁰ Beyejeba dajjata sacerdote beje niyó petsúto umá penube náowimi kaetuata tejewa pema tsünü werreka pesí tajuitijitsia baja rá pamónae. Baja rá jjüá kuijinae naita wenta Jerusalen jawabelia. ²¹ Nejjata itórroba rey dajjita jiwi, jumaitsi: fiesta jawata pa barruyá mürre pane tó kapane paejjae a Jehova wajja Dioso, pakuenia najume yakina ruta ley bájjüta pane júme kowütsinejja . ²² Kaeto ata ápo tó ejjanae fiesta pé nakanabi jjae Dioso pewünüta jueces matakabi jebi keujinae itorroba wanapa Israel, reyes monae ata ápo itsi Israel Judaánü. dieciocho ²³ (18) pá waibeje jjaina rey Josias pakujináe tó ejjana fiesta Jehová Jerusalen jawata ²⁴ baja rá pakuenia werrebiaba Josias pejorrobiwi pékana üjübiwi atjübü pijiwi, dajjita waja ita júnawi jawanú waja taejawa Judá piaja irrata, Jerusalen, waja jume kowünü tsinejja ley bajjüto pajumé yakina ruta, pá bajjüto pitabuata sacerdote Hilcia Jehová piajabóta. ²⁵ Ajibi itsa rey pewajú naya, pejume kowünütsinü a Jehová pejamatabü ütüto werrena dajjita jumalita, dajjita saüta pakuenia itórroba Moises ley bájjuto jawáta; baja rá Moises kuijinae itsanü áta abajü ápo naitajütsi pakuenia Moises. ²⁶ Baja rá pakueniá áta . Jehová ápo jamatabü anáe werrewerrékae pkuijinae bitso anaepana pakuijinae anaya ejjantsi barrá anaepana Judá pena wajükaéjjae dowati jimapewi jawabelia Manasés kujarruba nejjata baja rá ponü anaya ejjana. ²⁷ Bajará pakuenia Dioso jumaitsije: Juda rabaja ápo natáe tsane awünüjibia ejjanae najü taíta barrá wekua, pakuenia tijjita jjüabajü Israel, jjuabianajü ma pa tomarra taita petsiwi a Jerusalen, pabó pikaní jjanü jumaitsinü má jota jjanü Nawünü rutsiá najü. ²⁸ Itsa penakuenebi jawanü Josías, pesaúta, ápo tóna yakina ponaetsi itsa jota reyewinawü yakina pona biaba , apo ná wünü rúbenae baja rá palibrota rey Judá jawata? ²⁹ Baja rá pamatabi jawa Faraon Necao rey Egito pijinü barrü pona piajiwi tseko naejitssia rey Asirianü Eufrate mene jawabeliá Josias rey copiá pilia Necao pena tseko nae jawata, Necao bejjuaba Meguido jawata. ³⁰ Josias piájiwi kaponatsi petúpaenü Meguido jawa werreina Jerusalén jawa barrena mütütatsi piaja irrá berrena. baja ra jüa kuijinae pá tomarra pijiw itapetsi Joacaz pejjunato Josias. unjibatsi rey tsanukae pekowüta pajja ³¹ pawai béje jjaina pakujinae tajjüjüaba pitó róbi jawa Jerusalén. itorroba akueyabi pá waibeje penami pewünü Hamutal; pejjunatoyo Jeremias Libna pijinümi ³² Baja rá ponü pebijia kuene tó tanetsi Jehová, pakuenia piaja monaemi kuijirru tane. ³³ Nejjata tó nanekonita Faraon Necao ribla Nakuatta Hamat piaja irrata pená itorrobi yeniba Jerusalén; baja pa irrá multá biá ejjana pewekua pitsi nejja cien (100) talentos plata kae oro pijinenia. ³⁴ Nejjata Farón necao nuta rey a Elia pejjünato Josias. Josias kowüta pájjami, wünü kambiaba baja ra jjüájittsia ajena Konajjae pewü Joasim; wáetaba a Joacaz kápona Egipto Jawabelia baja ra jótalia tüpa. ³⁵ Joasin matamota palat, orota a Faraón baja ponü matamo juta de' pakuenia namatámota baja pá írra pematanejja. Pakuenia Faraón jumaitsi jukáya ejjana palala, oro baja ra pa nakua írra jawata itirroba baja ra nakua írra jawata itorroba baja rá patomarra jiwi kaenü kana kuijitsiá jutapona pe rajutsi nejja a Faraón Necao. ³⁶ Joasin pakuijinae jjaina 25 pawai beje tajjü jjuaba pitó róbijawa (11) pawaiyobeje ná itorroba Jerusalen. penami pewünü. Zebuda pedias pejjinátoyo ruma jawata pé pónaponaenü. ³⁷ baja ra poyó ná akuiji rúbeje pakuijina'e Jehová yajáwatsi. Baja poyó ápo kuene jjüába póna ponae pakunía piaja monaemi jina wanapa.