¹ Joacim piaja matakubimi, Nabucodonosor, Babilonia Juda siwanawajübütseiuta, Joacim no ejjanapiojo pioninü akuayabi puweiseje. Nejjata Joacim wekua natijjitakaewuu, siwu anaipana Nabucodonosor yabara. ² Dioso itoroba Joacim yabara, Caldeos bitseiüto, arameos, moabitas, amonitas nuu; bajaraponü yabara pewerebiabinejja. Majjüaje itsi pakuenia Dioso pejumetiwaisi, pukuencia to kue kuejei piaja pianiwita profetawi. ³ kaejanaraja jjanewaitsia, Dioso pekuibojotota tsiyajopatsi judá, wekua pitatsi pitajjuto wekua Manases piju nexoni, tajjita jjüu bajara ponüitsi. ⁴ yajawa peanekonijibijana, bajara ponü nawotsiejjana, tsipaji bajaraponü wünüta Jerusalen pianekonjibijana. Dioso apotsita jjanepanaitsi pebijio bitaenejja bajajjua. ⁵ Mapijinüe itsukuene jawanü jjua itsi Joacim, dajjita bajana ponü itsi, ¿apowunü yakinarubi bajara pamonae bajara pa libro pe ejjanaejawü Judá pija reyewi? ⁶ Joacim tüpa pija salineimi monaeta, Joaquín, pejjünato, naejjana reynü pekowüta. ⁷ Egipto pija reinü aposiwa nauajü bitseütsi tsi pa matsinuu pija ira wekua, tsipaji Babilonia pija rey wekua pitatsi dajjita ira, pijairami Egiptopija reinü, Egipto pija piupillo Eufrate pija mene kuijinae. ⁸ Joaquim jjeina dieciocho paweibeje itsa tajjüjjuaba pereinabijawa: bajara ponü reinaba Jerusalen Jawata akueyabi pajuametobeje. Bjaraponü pewünü pena raja Nehusta wunü wa, bajaroi powa raja pejjünatoyo Elnatam Jerusalen pijinü. ⁹ Bajaraponü itsi pebisiakuine Dioso pitabünyawa bajara ponü itsi dajjita jjuanü pajja pitsi jawanü. ¹⁰ Bajara pamata kabi Nabucodonosor pija waja butseü, Babilonia pija reinü, siwa nawajü oütseüta Jerusalem, tomara matatoyorotsia nubena. ¹¹ Nabucodonosor babilonia pija reinü, rena bojara patomara berena itsa abajjü pija wajubitseiüüi tomara matatoyorotsiu nubena. ¹² Joaquin, Judá pija reinü, pitsapa Babilonia pija reinü jawaelia, baraponü, pena, piaja pianiwi, piaja primeipewi piaja oficiales yajawa. Babilonia pija reinü waitaba bajaraponü bajara petavo weita piaja reinado wekua. ¹³ Nabucodonosor jutabujarajota wekua dajjita penamatamotsijawanü Dioso pija bowekua. Bajara JJuanü reinü pija palacio jawat, baara ponü ukubabia peepatojji tajjita orojawanü, Salomon, Israel pija reinü, pejebijawanü Dioso poijubota. Pina dioso jumaitsi pakueniu itsijitsia. ¹⁴ bajaraponü kapona dajjitajiwi Jerusalen pijiwi dajjita piju lideres winua, bajjota pebijiwi pema bewi, diez mil peteikawitsi. Dajjita petaratsiwi, hierro pema kuenabiwi, apónakopatsi kainü atawü jiwi apo pejjeinaiwi bajara pa iratu. ¹⁵ Nabucodonosorkapona Joaquin penanekomotsi nü kueniu Babilonia jawabelia, bajara pakuenüa matakaitorobiwi bajara pa ira pijiwi. bajara ponü kapona dajjita penanekonitsiwi Babilonia Jawabelia. ¹⁶ Dajjita pebijiwi penabewwi bajarapa itaneto siete mil, mil pefaratsiwi, dajjita bajara pemonaepeyapütaiwi penabé nejja-- Babilonia pija reinü kapona bajara rapapebijiwi penanekonitsiwi Babilonia jawabelia. ¹⁷ Babilonia piju reinü itsi Matanias, quematapijinü pajja Joaquin, reinü pekowuta, wunü JJaneta pewunü Sedequias. ¹⁸ SEdequias JJeina veitiun años itsa tajju jjuaba pe reinabijicua; Bajaraponü reinaba once paweibeje Jerusalen jawata, bajara ponü pewunü raja hamutal; bajara powa raja pejjünatoyo Jeremias libna pijiwa. ¹⁹ Bajara ponü itsi pebisiakuone Dioso pitobünejewa: bajaraponü dajjita jjüanü Joacim pitsijawanü. ²⁰ Peanai Dioso, dajjita peitsijuwanü Jerusalen Juda jawata nejjata nawekua kapitsapa pitabará wekua. Nejjata Sedequias siwa hoyamatabü natsipaeba Babilonia pija reinü wekua