¹ Manasés jjaina doce (12) pa waybeje pakujinae tajjujjuaba pe reinabijawa; ajaraponü reinaba cincuenta y cinco (55) pa waybeje Jerusalén jawata. Hepsiba pejjünato. ² Ajaraponü ejjana pebisiakuene Dioso itajjutua, be pitsi pebisiakuene ejjana pa nakuanü jawa werena Dioso Israel tomara juta. ³ Tsipaji ajaraponü péjana kuenia nakueneba Ezequías pena wajükabiabi jawata, pajja, bijiana, ajaraponü nakueneba altar jawanü Baal nejja, nakueneba poste aserajawa, pakuenia Acab, Israel pija reynü, ejjana yajawa ajaraponü na büjjü tsuta itabajjo piji tulupu jawabelia yajawa nawajüta. ⁴ Manasés nakueneba pagano altariani Dioso pija bó jawata pikani Dioso jumaitsitsi pakueniaje: "Jerusalén jawata tawünü nakupatsiana dajjita matakabinejja." ⁵ Ajaraponü nakueneba altarianü dajjita atjübü tulupunejja anija panabotabeje Dioso pija bó jawata. ⁶ Ajaraponü pejjünato nakueto jeyabuelia isoto jawalia; ajaraponü ejjana peya ujübijawa yajawa penajorobijawa yajawa nataeya ejjanabiaba pe tüpaewi pe barü kuaikuaijaiwita yajawa espíritus pe barü kuaikuaijaiwita. Ajaraponü ejjana bitso pe bisiakuene Dioso itajjutua yajawa Dioso anaepanaya ejjana. ⁷ Aseranü ajaraponü pe ejjanaenü, ajaraponü nóta Dioso pija bó jawata. Ajarapa bó yabara Dioso sipaebatsi David yajawa Salomón, David pejjünato, ajaraponü pakuenia jumaitsi: "Pabó jawataje yajawa Jerusalén jawatalia, itapetajü dajjita Israel wirriawi, tawünü rutsianajü dajjita matakabinejja. ⁸ Jjanü apo kopatsinü tsane Israel peponaponae jawa pewajünae pijiwi ta rajutsi ira wekua, itsa ajarapamonae jjaniawaetsia ne jume kowünütsipa dajjita ta itorobijawa ajarapamonae, yajawa pe katsitekaejawa dajjita ley Moisés pe itorobijawa. ⁹ Tomara baitsijane apo jumetae, Manasés kujaruba pebisiakuene pe ejjanaenejja, bitso mata to jjenetsia Dioso pe werebiajjuabi nakuanü Israel tomara itajjutua. ¹⁰ Nejjata Dioso kuaikuaijai pija jiwi yabara, profetanüanü, jumaitsi: ¹¹ "Itasajjuajitisia Manasés, Judá pija reynü, ejjaname pebisiakuene jawanü, bitso matatojjenetsia pebisia kuene ejjana dajjita amorreo wiwekua pe jinawanapaewi ajaraponü pe wajünaeya, yajawa Judá pekabiaejjana pija idolowita. ¹² Akonojjaeta, Dioso, Israel pija Dioso, jumaitsi jjuaje: "Taema, jjanü karenanütsane pebisiakuene Jerusalén jawaberena yajawa Judá dajjita pamonae jumetaena, anija mujju wojotobeje mujju najumetsiana. ¹³ Jjanü buatsianajü Jerusalén jawata pe kaujübi cordel jjua usab Samaria wekua, yajawa pa plomada usaba Acab pija bó wekua; ¹⁴ Jjanü limpiabianajü Jerusalén pakuenia pebi ba limpiaba plato, jiaranapona atjübü wetsika irabetsika. Jjanü jjuabianajü tane rajutsi bitsauto rajutsianajü pekueyawi pekobeta. Ajarapamonae pija victimawi na ejjanaena yajawa saqueabianatsi dajjita pekueyawi. ¹⁵ Tsipaji ajarapamonae pe bisiakuene ejjana ta itajjutua, yajawa ne anaepanaeya ejjana, Egipto jawa werena pija salinaiwi pe pitsapae matakabi kujinae, ajena pa matakabi jawaberrena." ¹⁶ Abajjü kájena, Manasés jana kayajata pe anekoni jibiwi, belia baja Jerusalén wünüta welia kujinae itsa mujjunene jawabelia pe tüpaekuene. Jjua ramaje Judá pe pekábia ejjanaejjae ajaraponü pakujinae ajara pamonae ejjana pebisia kuene Dioso itajjua. ¹⁷ Itsakuene jawanü Manasés yabara, dajitta jjüa ajaraponü ejjana, yajawa pa pecado ejjana, ¿Dajjita jjuanü ejjana reyes de Judá pija librota apo yakinautsi? ¹⁸ Manasés majita pija salinaiwi yajawa, mutjütatsi pepo pija bó jardín jawata, Uza jardín jawata. Amón ajaraponü pejjünato, reynü naejjana pekowuta. ¹⁹ Amón jjaina veintidos (22) pa waibeje pakujinae tajjujjuaba pe reynabijawa; Ajaraponü reinaba dos (2) pa waibeje Jerusalén jawata. Pija mama pewünü Mesulemet; Haruz de Jotba pejjunatoyo. ²⁰ Ajaraponü ejjana pebisiakuene Dioso itajjüta, be Manasés, pajja, pakuenia ejjana. ²¹ Amón pajja pe tajjünamutua pona, yajawa adoraba pajja pe adorabi idolonuanü, jume kowünüta ajaraponüanü. ²² Ajaraponü nakofunta Dioso, pajja yajaba péna pija Dioso, yajawa apo ponaponae Dioso pija namütota . ²³ Amön peto nakuenebiwitsi barrajamatabü natsipaebatsi beyajjuaba reynü pepo pija bóta. ²⁴ Ajarapa ira pijiwi beyajeba dajjta pe barra jamatabünatsi paebiwitsi reynü Amón, Ajarapamonae reynü ejjana Josías, pajja pekowüta. ²⁵ Itsakuene jawanü Amón yabara, jaraponü jjua ejjana, ¿Dajjita jjuanü ejjana reyes de Judá pija librota apo yakinarutsi? ²⁶ Tomarra pijiwi mütjütatsi pija mütjüta Uza jardín jawata, yajawa Josías, ajaraponü pejjujnato, reynü naejjana pekewüta.