¹ Nitse David icaite: Capjaa nini apada Saul inacoitsedalri nocañjatacarro lriaji nomashiaca lrirso ima lriaji Jonatan nokishindajipiacani? ² Ninipia apada Saul inacoitsedalri, apada lrinaikite lripitana Siba, nitse nawacani lriacarro David iderse. nitse lriaji tsalricanatsi itsatacani jimioni: ''¿Pjaa pjiaca Siba?'' Nini lriepacani, ajaa, noasha lriaji, noa pirsodalri''. ³ Nitse lriaji tsalricanatsi lritsatjani: ''¿Corrisha pacapaa apada Saul inacoitsedalri noawada irso lriaji nomashiaca caiji nocaitecapisho Dio irso naitjaca?'' nitse Siba jiepacani lriaji tsalricanatsi: '' ajaa nini tsoaa apada Jonatan irri misha corrin lritsaita lriemacao''. ⁴ Nitse tsalricanatsi iaco lrirso: ''¿Kjerreniji?'' Nitse Siba jiepa lriaji tsalricanatsi: ''Picapaa, anijii lripanalrico lriaji Maquir lrirri lriaji Amiel Lodebar ricodalri iofawa''. ⁵ Nitse lriaji tsalricanatsi David lrimenaca naanjetan Maquir ipanalricoitse lrirri lriaji Amiel adalri iofacao Lodebar rico. ⁶ Nini lriaji, Mefiboset Jonatan irri, Saul ienipe, lriawa David iderse nitse lritodaca lriorjipadao jipairrico lriacarro mashiadalri David irso. Nitse David iaco lrirso: ''Mefiboset''. Nitse lriepacani: ''¡Picapaa, noasha pirsodalri!'' ⁷ Nitse David iaco lrirso: ''Mafioshao, ajadalri noawasha pirso lriaji mashiadalri ima nokishindapiaca lriaji pjinirri Jonatan, nitse washa nodietaosha pjiomi lriaji piferrin Saul jipaite, nitse piñjaosha noinai caidalrisha''. ⁸ Nitse lriaji Mefiboset lritodaca lriorjipadawa lriaco: '¿Cocao lriaji pinaikite 'ima noa Cainoaji shino mayandalrinsho, Corrin nowada mashiadalrica pjiaa noapiya?''. ⁹ Nitse lriaji tsalricanatsi lriwana Siba, Saul inaikiten, nitse lriaco lrirso: ''Pjiomi njaji Saul inani nitse njaji lrikiñape iyarro nodietaoshana lrirsona lriaji lridakerri lriji piminalri pjiaa. ¹⁰ 10Nitse pjiaa, pjiomi njaji pienipe nitse njaji pinaikite iapananaosha ipaniawa corricarroasha canacai irso iñjaodatsi, lriñjacaroasha caidalrisha lriaji piminalri idakerri. Misha lriaji Mefiboset, piminalri idakerri, adalrishaosha iñjaca noinai''. misha lriaji Siba lrisorpia quinceda lrienipe nitse veinteda lrinaikite. ¹¹ Nitse Siba jiepaca lriaji tsalricatsi: noa pinaikite nonaitjaosha pjiomi lriaji pimenacalri nonaita notsalricana.''Nitse lriaji tsalricanatsi lricaitepjaa: ¹² ''Misha lriaji Mefiboset lriñjaosha noinai caiji nacaisho njaji noenipe.'' misha lriaji Mefiboset lrirsopia apada lrienipe Micaia lripitana. Nitse pjiomi njaji iofacape Siba ipanalrico Mefiboset inaikitecana. ¹³ Misha lriaji, Mefiboset lriofacaoji Jerusalen-rico nini caidalrisha lriñjaca tsalricanatsi inai misha corripia lritsaita lriemacao.