¹ Lriapodan, mayamicayan lriaji tsalricanatsi Amon lricodalri, Nitse lriaji Hanun, lrirri. icasha iofalrica tsalricanatsi lriapodan. ² Nitse David icaite: ''Nocañjataosha Hanun irso lriaji namashiaca, lrirri lriaji Nahas, ima lriaji linirri lricadapia norso lrimashiaca.'' Nini David imenaca njaji lrinaikite nacarro nakishindatani lriaji Hanun lrinirrinaconi. Nini njaji lrinaikite njewacao aji lriyacalrerico Amon llrico. ³ Misha njaji caconaperri ajii Amon rico naco Hanun irso, waminalri ''¿pjaa piwada ajadalrica David ifiopiaca lriwana lriaji pjinirri nini lrimenaca nakishindatarro pjiaa njaji lrinaikite? ¿corrina, David imenaca njaji lrinaikite nacapacarro lriaji yacalree nitse najicarro pjiomi coandalricasha, lrinacaroasha nawayaketani?'' ⁴ Nitse Hanun jiipa njaji David inaikite, nini lriyoaca nashinoma pamoyoape, nitse nayoashaca njaji nashaya naiwapji yocacao, nitse lrimenaca nadiawa. ⁵ Nitse nacaitecadano David irso, nini lrimenacashena cjanaa nacarro napieta, nitse njaji ashianai capaimanna jorre. Nitse lriaji tsalricanatsi icaite: ''Iofamitsoenao ajii Jerico-lrico, iwapa natawiñao njaji ishinoma napieta, nitsenaosha idiawa.'' ⁶ Nitse njaji inaiki Amon lricoperri nacapacadaco coanca mashidalri iitsan imotsocao David irso, nitse njaji inaiki Amonitanai namenaca iacaopeo iniweta njaji Arameosnai aperriji Bet Rehob lrico nitse njaji Arameosnai shaca Sobalricoperri, nini veinte mil namaimaca njaji owinai nitse njaji tsalricanatsi Maaca iyarrope mil owinai. nitse njaji lriowite lriaji Tob doce mil namaimaca. ⁷ Nitse David jimicadaco naconaa, nini lrimena lriaji Joab nitse padenirri njaji lriowite. ⁸ Nitse njaji amonistanai namotso padanalre nadanatacarro nema pacjao ajii yacalre ipananoma , misha njaji arameosnai Soba ricoperri nitse njaji Rehob ricopeshacja nitse njaji lriowite lriaji Tob nitse Maaca shaca, nemaca teecosha naoya. ⁹ Nitse Joab icapacadanaco nemaca njaji lricoema lripjeyalreo, nitse caishaca lriapotjetse, nini lriniwaca njaji lisholrodaonai Israelnai iajicape inoacacao, Nitse lricadacana nacoema njaji arameonai. ¹⁰ Nitse njaji nakishiñape lrisholrodaonai, lricadana Abisai iaji nanao, lriwerri, nini lricadacana nema pacjaape mayacan nacoema njaji Amon ricoperri. ¹¹ Nitse Joab iaco, ''cjaidacadaosha njaji arameonai norso, niniosha pjiaa, Abisai, pirsoshaosha pikishindaca noa. Nitse cjaidacada pirso njaji owinai Amonisha, nini noawasha nokindata pjiaa. ¹² Nini cjaidena pjia, nitse wacañata lriaji faida napiya njaji wanaikite nitse lriaji Dio iyacalre, ima lriaji Dio lrinaitjaosha mashia caiji lriomacapisho.'' ¹³ Nini, lriaji Joab nitse njaji lriowite nacao nainoacao arameonai icoema, misha napitocao cjaida Israenai ioya. ¹⁴ Nitse njaji owinai Amonitanai nacapacadaco napitocao njaji arameonai, nitse njaji Abisai iyarrope napishacjao, nini nadiacawa nayacalrerricolre. Nitse lriaji Joab lridiawa Amon lricoitse, nini lridia lriwa Jerusalen-ricolre. ¹⁵ Nitse njaji arameonai nacapacadanaco coami Israelnai ifietacana, nitse napieta nawaketacacao. ¹⁶ Misha lriaji Hadad Ezer lrimenacashenca papoco owinai arameonai pemjetseperri lrirso lriaji ooni Eufrates. Nini nawaketacacao pjiomi ajii Helam lrico Sobac icasha nacomadante njaji aramenai, Hadad Ezer natsalricana pjiomi. ¹⁷ Nitse lriaji David lrimicadanaco nacona njaji, icamisha lriwaketaca pjiomi njaji lrisholrodaonai Israelitanai, nini nayoetaca lriaji ooni Jordan, natsaitacarro naocacao ajii Helamlrico. ¹⁸ Nitse njaji arameonai namashietacacao nemao nacoetse mayacan pacjapee nainoacacarro David iyape icoetse. Misha njaji arameonai napieta napitocao Israelitanai ioya. Nini David isholrodaonai inoca setecientos mil owinai arameonai iajicapeo jii carruajerico nitse curenta mil owinai caballo nacoperri iajio. Nitse lriaji Sobac, nacomadanten njaji owinai arameonai oopi nayoani nitse mayamicani. ¹⁹ Nitse pjiomi njaji tsalricanatsi lrinaiperri piaa lriaji Hadad Ezer njemicadaco Israelista iwayacacana njaji arameonai, nadia shenacja nakishindata njaji Israelnai, Nini njaji arameonai nadia nafiowa corrisha naoma nakindata njaji Amonitanai.