¹ Misha lriocacadanacoa lriaji camoi, nini njaji tsalricanatsinai nacadaa lriaji camoi nanaitacawa oowi nacoetsewaca, nini David imenaca lrirsodalri Joab pjiomi napiya njaji lrisholrodaonai Israelistanai. Nitse nawayaketaca njaji Amon isholrodaonai nitse lriashaca nacorarata icao lriaji Raba. Misha lriaji David asha lriofawajii Jerusalen-rico. ² Nitse apapia deepi caafi lriaji David nini lrinico lriemaji ajii lripana iwaida, nitse lriemajicadanaco nini lricapa apama inarro ipitaca ropana icodapi nitse roaji inarro mashiadarroca lricapacano. ³ Nitse, David imenaca apada idecaoda iacotsi nitse lritsatjarro lrimio apadapena inaiki inai coandarroca roaji inarro nainai njaji iajicape ronaco. Nini apada icaite: ''¿Corrina icasha Betsabe caa rjorraji, Eliam iito, rjoasha Urias hetita iino?'' ⁴ Nini David imena lrirsodalri iacaoda jitano nitse lridecano. Nini rjoewaca lricaolre, {nitse romaa lrinai roaji canopadarrotsoa}. Nitse lriapodan rodia ropanalricolre. ⁵ Nini romenaca apada idecaoda iacotsi lricaitecarro David irso: ''Kenepecano.'' ⁶ Nitse David imenaca apada idecaoda iacotsi Joab irso lricaitecarro: ''Pimenaca noicjaolre lriaji Urias hitita.'' Nini Joab imenacaca lriaji Urias David iderse. ⁷ Nini Urias iocacadanacoa, David itsatja jiimio coanpjakena Joab nitse pjiomi njaji lriowiti shaca nitse coami kena nacao nacoema njaji nacoema. ⁸ Nitse David iaco Urias irso: ''Piatsoena pipanalricojlee, nitse piwafetao mashia padaa deepi.'' Nini Urias imotsocao tsalricanatsi ipalricoitse, nitse lriaji tsalricatsi lrimenaca apada idecaoda lriapodan apada macoadadalrisha Urias irso lridiacadanacoena. ⁹ Misha lriaji Urias lrimaca nanai njaji iwapacape lripananoma lriaji tsalricanatsidapana, nini corrin lridiawa lripanalricojlee. ¹⁰ Misha nacaitecadanaco David irso, ''corrica Urias idia ipanalricojlee,'' nitse David iaco Urias irso, ''¿coada corrin pidia pipanalrijlee lriapodan piacayamio viawa? ¿Pirso shantja pidiaca picapaa pipanalrijlee?'' ¹¹ Nitse Urias jiepaca lriaji David, Lriaji arca, nitse njaji tsolrodaonai Israelistanai nitse njaji Juda poco naofacao asha jii pantsitape wemetaji ricoda, nitse lriaji nominalri Joab nitse njaji lrirsoperri lriaji nominalri naofaca mawaicawasha. ¿Coajinta noewacao nopanalrico noiñja nitse noirra, nitse noma noino inai nomawadaca acadansha njaji nosholrodanai pemajlee cafaina? Ajadalri norsosha nowapacapia ima caficatsoa piaa, nini njoa corrin notsaita nonaitjaca cayo.'' ¹² Nini lriaji, David lricaite Urias irso, ''Panaya piofatsoawa panaya, nitse tjewa shaca nitsenaosha nocada piawa.'' Nini Urias iofacatsoawa yamada jalredaoca Jerusalenrico. ¹³ Nitse David iwanacani, lriñjacarro lrirracarro lriapiya, nitse David idewanetacani. Misha depirrico, lriaji Urias lriaca lrima nanai njaji inaitjepe idejicape lrirso lriaji naminalri; corrin lridiawa lripanalricojlee. ¹⁴ Nitse piyonpinacoena David idana apapjee paperra Joab irso nini nomenacaca lriaji Urias pirso. ¹⁵ Nini David idanaca lriaji paperra lricaitecawa: ''Picadaosha lriaji Urias napjeyalre nainoacacawa mashinja nitseosha picaitewasha njenacarro lrioya njaji pisholrodaonai namolrocopitaca roashani nitseosha nainocan mayamini.'' ¹⁶ Nitse Joab icapacadaco coanca nacorarataca lriaji yacalree nini lricadaca lriaji Urias ajii lriajicawa cjaidaca njaji nacoema cjaidacawa nainoacacao. ¹⁷ Nitse namotsocadanacoa njaji sholrodaonai nayacalre ioya nitse nainoacacao nacoema njaji Joab isholrodaonai, nini njaji padapena David iowite mayamicana, nitse lriashacja lriaji Urias hitita naino shacjani nini. ¹⁸ Nini Joab imenaca lrirsodalri iacaodao icaite David irso pjiomi lrinaco lriaji lricadalri noaji inaco ajii nainoacalri nini, ¹⁹ lrimenaca lriaji lrisodalri lricaitecarro: ''Picaitecayaminaosha pjiomi lrirso lriaji tsalricanatsi lrinaco lriaji nowapalri jiyapalrioji nainoacalrinini, ²⁰ Wadeshaosha kerroaka pirso lriaji tsalricanatsi, niniosha lricaite pirsdo: ¿Coada piawa shomi lrioya lriaji yacalre pitsaitacarro pinoacacao? ¿Corri piajii natsaitakesha nayavitaca pjiaa napana idanamjitse? ²¹ ¿Iwaopia coami nainoca lriaji Abimelec, Jerobaal irri? ¿Ima apama inarro ipecoca yenonjitse apada molino idakepe jamiñadalri lrinaco lriwainacoitse lriaji nadana, mayancarroni ajii Tebes rico? ¿lrima lriaji pishomitacakesha lriaji nadana? Nitse picaiteosha cjaa: ''Nitse lriaji pinaikite Urias hitita njitedalri oopishacja mayamini.'' ²² Nini apada idecada iacotsi lriacawa David iderse nitse lriaa lricaite pjiomi lriaji Joab imenacalri lricaite. ²³ Nini lriaji idecada iacotsi David irso: ''Njaji wacoema cjaidapja waoyana wanitacadanaco, nini namotsoa padanaljee wacoema, misha wadietacana lripananomalre lriaji yacalree ²⁴ Nini nayavitaca njaji pisholrodaonai lriwai nacoitse nitse apadapena njaji tsalricanatsi iowite oopi nainona nitse lriaji pirsodalrishaca Urias hetita njitedalri lriashacja naino.'' ²⁵ Nini David iaco lrirso lriaji idecada iacotsi: ''Panaya piaa picaite Joab irso lriaji nocaiterri: 'Macadasha lrimashica piwaopiakje ima pjiaa inocada mashetasho natsaitashaca nainoca lrisho pjiaa pacoaca shaca mayamica pjia owirrico. Nini panaya picjaidatapja pinoacao lricoetse lriarra yacalree, piwayaketani.' Nitse pjiaa pikishindata lriaji Joab.'' ²⁶ Nitse, romicadaco lrinaco lriaji roinirri Urias oopica mayamini, nini roiyaca caiwirricosha lriaji roinirri. ²⁷ Nini coyolree rowaopiaca pjiomo lriaji jiyapalrio, nitse David imenaca apada lrirsodalri lriacarro lritano lridecarro rofawa ajii lripanalrico, nitse lritacano lrinowa nini kenepecano lrirso apada achia. Misha lriaji David inaitalri lrikerroata Dio aima.