¹ Caipia lrinitacao, lriaji tsalricanatsi iofacadanacoena lripanalrico taimi, nitse Dio iwayaketacayamina pjiomi njaji lricoema mashipepia lriapia. ² Nitse lriaji tsalricanatsi lriaco Natan irso lriaji inoparrotacada: ''Picapaa panaya, oopina nofawa apadapa pantsi mashiadalri tarradalri nanaitjanda jaico cedro sho, misha lriaji Dio iarcan acashaniji nerricoda njaji pantsi pamoyoaperri wemetaji sha. ³ itse Natan iaco tsalricanatsi irso: "Piawa, pinaitja caiji piwaopikee iomacapisho, ima Dio casha pinai." ⁴ Misha lriadasha depii caco Dio Natan irso lriaco: ⁵ Piawa nitse picaite lriaji David, norsodalri, 'Icasha lriaji Dio icaiterrica pirso: --¿Capaosha pinaisha apadapana pantsi nofacarrodao? ⁶ Ima corritsoa nofawa apada pantsirico njotacayami njaji Israelnai Egipto lricoitse panayetse; nini noa, nadejicasha noa apada njenitajinda sha pantsi, pantsi njenitajinda sha Dio ipana. ⁷ Nini nadejicasha noa pjiomi akjerrecasha naaji noapiya njaji Israelnai, ¿ima corrisha coancaolreca notsatja apada nainai njaji nocadaji Israelnai caconaperri napacarro njaji nonaikite Israelnai, nocaitecantja narso: ¿Coanda corri pinaitja norso apada pantsi cedrodapanaa?'' ⁸ Nini panaya, picaite lriaji nonaikite David: Icasha lriaji Dio icaiterrica pirso: Njotapjia jaitseji piofalripia pitaviña nini, njaji pipirra ovejas, pjiacarro natsalricana njaji nonaikite Israelnai. ⁹ Ima njoacasha ikishindata pjia piawerrico akjerrecasha nitse noenitensha pjiomi pioya njaji picoema. Nitse nocadaa mashia piacona iawa, ajii jalredaocalrico ¹⁰ Niniwasha nomacaosha apafe iofacarrodao jia nonaikite Israelnai nitse cashaoaha iofaca nini caidalriwesha, itsaitacarroasha iofacao imawadaca iyaroaferico coriwasha cocaa imaa icaoca. Ni tseosha njaji inaiki pashiperisha corishaosha namaa icaoca, ¹¹ caiji nanaitjacapisho irso initacadanaco, caipia jii nanaitjacapisho irso lriadapia njoetaca njaji iapiyawalrenaiwa iwacaope jiaa nonaiki Israelnai. Misha panaya. Njoashaosha idanata jia naoya pjiomi njaji icoema. Alripjaosha panaya, noa iDiote, nocaite jimi nonaitjawasha ipanao. ¹² Nitse coancaolre caosha pjinana iocao mayamicaosha pjiaa nainai njaji pjinirrinai, nitseosha njoretawasha apada pinacoishedalri pjiapodandalriwa, apadaosha pinacoitsedalri, nitse nocadawashan tsalricanatsicarroni. ¹³ Nitse lriawasha inaitjaosha apada pantsi norso, nitse njoawasha icada tsalricanatsicarroni caidalriwesha. ¹⁴ Njoawasha caiji lrinirrisho, nitseosha lriaa caiji noenipesho. Imaosha lrinaitjacadanaco mashii, njoashaosha imayacalrecani lrisho lriaji njecoapo njaji ashianai lriaji neñashopasho nenepe. ¹⁵ Ima corishaoha nocashatacaroca pia, caipia jii nonaitjacapisho Saul, njoenitalri pipjeya. ¹⁶ Lriaji pipanawa nitse tsalricanatsica piaa oopina nocadani caidalriwesha . tsalricatsicaosha piaa caidalriwesha. ¹⁷ Nitse Natan iaco David irso lricaiteca pjiomi njaji iacotsi, nitse lricaiteca lrirso pjiomi njaji lricañatalri lricapa. ¹⁸ Nitse David, lriaji tsalricanatsi, lriewao nitse lricañatacao Dio irso; lriaco: ''¿Cocao noa, niminalri Dio, ima noa nitse njaji nokiñape corrin mashiaperricafa piacarro warso lriaji pimashiaca? ¹⁹ Nini panaya, icasha lriaji apada nonaitjalri shodalrisha picapa, nominalri Dio, ¡Ima picaiteca narso njaji pinaikite ikiñape apapiaosha jalredaoca, picañatacasha njaji imotsolrioshao apapia jalredaoca, nominalri Dio! ²⁰ ¿Corrisha cocapja nocaite pirso noa, David, nocaite pirso? Opina pimashieta lriaji pirsodalri, nominalri Dio. ²¹ Lricaotse lriaji picaiterri pinaitaca, nitse pitsaitacarro lriaji piwaopialri pinaitjaca. Pinaitjenina caiji piomacasho nitse pimotsoetjenina lrirso lriaji pinaikite. ²² Nini panaya, icasha Pjiaa macadalripjaa, Dio nominalrii. Ima corrin pacapaa apada caidalriji picaisho, nitse corrishacja pacapaa apada Dio pioya tecolre, caiji femicapishoena pinaco. ²³ ¿Corrin pacapa apana inaiki icamisha njaji pirsoperrina Israelnai, icamisha pinaikiteca ajii jipainaco njaji piaji pjitaa, Dio, piaji pidieta pirsowawa? Nini Pinaitjaca lriaji pipadametacarro pirsowawana, najicarro pjiomi lriaji pinaitalri naicaotse, ima pinaitaca manaitjacanadalri narso njaji pinaikite. Ima pitaca njaji papoco inaiki napiya njaji natopanan napjeya njaji pinaikite, njaji pjitaji Egipto lricoitse. ²⁴ Nini picadaca njaji Israelnai pirsoperricana caidalriwesha, nitse Pjiaa, NOMINALRI, icasha pjiaca naDiote, ²⁵ Nini panaya, NOMINALRI DIO, pjiomi lriaji picaiterri norso napiya njaji nokishiñape corrisha coancaolreca lrienao. Pinaitjena caiji picaitecasho. ²⁶ Picadena lriaji pimashiaca caidalriwesha, natsaitacarro nacaiteca njaji inaiki, lriaji NOMINALRI icasha Israelnai iDioteca; misha njaji nokishiñape, noa David, pirsodalri idejica, adalrina njoaji picapirrico nini noa pirso mashiadalri. ²⁷ Ima Pjiaa, NOMINALRI, naDiote njaji Israelnai, oopina picañata lrirso lriaji pinaikite Pinaitacaosha apadapana pantsi. Icasha lriaji nomalrica, noa pinaikite, ima corrin capaiman notsatjaca pinai. ²⁸ Panaya, nominalri Dio, icasha Dio capjia, nitse lriaji piaco mashadalrica lriaji picaiterri, nitse Pinaitaca lriaji picaiterri mashia lrirso lriaji pinaikite. ²⁹ Nini panaya, nocatsimataca pjiaa lricaotse lriaji pimashiaca narso njaji nokiñape, nitse caidalrishaosha piaca lriaji mashiadalri narso, ima pjiaca lriaji, Naminalri Dio, ima picaiteca mashadalri, nitse lriaji pimashiaca narso njaji pinaikite ikiñape picadawasha caidalrisha lriaji mashiadalri narso.''