¹ Nini, David ipieta iwaketaca pjiomi njaji owinai mashiaperripjaa Israelnai, namaimaca treinta mil. ² Nitse David iacao pjiomi napiya njaji lrinaikite lrinaiperri ajii Baala-lricoitse Juda shaca nadecarro lriaji Dios iarcan, icasha lripitana lriaji Dios napiyetsedalri pjiomi njaji oowinai naofalri nawapa njaji angelenai mashiaprri. ³ Nini lriaji Dios iarcan nacadacani apafiaa warifiam nacarron lrico. Nini namotsoetacani lripana yoya lriaji Abinadab, adalripiaji jipananaco. Uza nitse Ahio, icasha lrienipeca, njasha ideca lriaji warlrifian nacarron. ⁴ Nini njasha jiita lriaji nacarron lripana ioya lriaji Abinadab adalripiaji jipanaco lriapiya lriaji Dios iarcan lrirricoda. Nini lriaji Ahio icasha ialrica napjeyalre. ⁵ Misha David nitse pjiomi njaji Israelnai catsimana nainita natocaca Dios irso, nafoiwitacacao nayoo njaji nanaitjaji jaicoitape natocacarro Dios irso, nacatsimatacacao narso njaji nanaitjaji jaicoitape. arpas, liras, panderetas shaca, cascabeles nitse cimbalos shaca. ⁶ Nitse naocacadaco ajii Nacon ikinkirrerrico, njaji nabueyes njewacao, nini Uza jietacaa icapi lripacarro lriaji Dios iarcan, nitse lripacani. ⁷ Misha lriaji Dios kerroacani Uza inaco. Nini Dios irroa jiwaca lrinaco lrima lriaji lrimjepacan ima corrin lrioma canotacanaan. Nitse mayamica lriaji Uza Dios iarcan icodapi. ⁸ Nitse lriaji David inonacan lrima lriaji Dios icadapoa mayamica lriaji Uza, nini lricadaca lripitanawa lriada Perez Uza Dios incarroni. ⁹ Nini lriadaa David ifiocao Dios iwana. Lriaco: "¿Coami notsaita nodeca lriaji Dios iarcan noinaiwa?'' ¹⁰ Nini corrinsha David ioma ideca lriaji Dios iarcan lrinaiwa ajii lriyacalrerrico. Nitse lricadacani paferrico, lridecani ajii lripanalricolje lriaji Obed Edom adalriji geteo. ¹¹ Nini lriaji Dios iarcan lriofacao Obed Edom ipanalrico madalripi kerri. Nini Dios ibendiciacani pjiomi napiya njaji lripanetsa. ¹² Nitse nacaitecadaco tsalricanatsi David irso: "Dios ibendiciaca pjiomi njaji Obed Edom ipanetsa nitse njaji lrirsoperri lricaotse lriaji Dios iarcan," nini lriaca lritanii lriaaji Dios iarcan Obed Edom ipanalricoitse lridecarroni catsima lriyacalrerrico lriaji David. ¹³ 13Nitse njaji idecape lriaji Dios iarcan nayacacadanacoena pema pacapii nitse apjewipjaa pema, icamisha lriaca mashiadalri lrimjaita yamana lripirra maficalri kepeperri. ¹⁴ Nitse David irrapaca catsima cjaidaa Dios irso; nini lrinacoca njaji shayaa mashiaperri. ¹⁵ Nini panaya, David nitse pjiomi njaji Israelistanai nacantaca nitse napjiaca natronpetan nadecapoa lriaji Dios iarcan. ¹⁶ Misha, acadanacoena lriaji Dios iarcan David iyacalrerrico, roaji Mical, Saul iito, ventana lricoitse rocapaa. Nini rocapaca lriaji tsalricanatsi David irrapaca nitse lriwashiajio Dios irso. Nitse mashii rocapaa rocaolrerricoitse lrirso. ¹⁷ Nitse nadeca lriaji Dios iarcan ajii nacadacawa lriofafa, nini nacadani ajii pamoyoa narso njaji lriyaroaji lritanipee rorso. Nitse, David iaca limjaitancada ofrenda lriaji ofrenda mashiacarroni Dios irso. ¹⁸ Nitse David itsaitacayamina iaca mashiadali lrirso lriaji lrimjaitanda ofrenda nitse lriaji apadaa ofrenda lriacarropjaa lriajikjeo, nini lribendiciana Dios ipitananaco. ¹⁹ Nitse lriniweta narso njaji inaiki naoyawaca, njaji Israelnai imaimaca, pjiomi njaji ashianai nitse inaitjepe shaca, apada pan, nitse padape lripe lriaji maficalri, nitse apaja pan potsiyadalri, nitse pjiomi njaji inaiki nadiacawa; nacoanamisha napanalricojle. ²⁰ itse, David idiawa ibendiciacaro njaji lrienipe lripanetsa. Mical, Saul iito, romotso rocoadatan lriaji David roaco: "¡ Coami pimotsoca mashiadalriso panaya pjiaa Israel itsalricana, pjiaa itsolroetacalri nacapawa njaji pirsoperri inaikite, caiji nacaisho njaji padapena capaimanaperri itsolroetacajicao!'' ²¹ Nitse David jiepaca Mical: ''Nonaitacani no Diote irso, ima lriacasha inimana noa pinirri jiapodan nitse pjiomi njaji pikiñape, icasha icadalrica noa caconetewa narso njaji Dio inaikite, nitse njaji Israelnai shaca. ¡Caidalrishaosha catsima noa Dio irso! ²² Ima caidalrishaosha namacoadataca noa nitse necaca noicao njomisha. Misha namaa njaji picaiterri notawiñacalrenai, mashiadalriwasha noa. ²³ Nini roaji Mical, Saul itoo, corrim kenepecano caisha mayamicano.