¹ Nitse, pjiomi njaji Israel poco nawaketacao David iiderse ajii Hebronlrico nitse naco lrirso: ''Picapaa, fasha pikishiñape. ² Lriaca jiiyapalrio, Saul cadanacopia watsalricana, iima panaya pjiaca lriaji natsalricana njaji Israelnai iowitee, caii lriaco pirso lriaji waminalri: Pjiawasha iwapa njaji nonaikite Israelnai, nitse icashaosha pjia tsalricanatsiwaca narso njaji Israelnai.'' ³ Nini pjiomi njaji canaperri Israelnai nawaketacao ajii tsalricanatsi icaolre Hebronlrico, nini lriaji tsalricanatsi David lriepacana lrirso jliaji iacotsi Dios icadalri. Nini nacadaca lriaji David ima Dios casha iniwanani tsalricanatsicarron Israelnai irso. ⁴ David irsocadanaco padaa inaiki pamoyoa lrinita tsalricanatsican, nitse tsalricanatsican yamada inaiki icoa. ⁵ Misha ajii Hebronlrico tsalricanatsicani napiya njaji Judaitanai pemaa pacapi nitse yamefipjaa pemaa jaamolri nitse pemaa pacapii apjefipjaa pacapii pemaa kerri, nitse ajii Jerusalen lrico tsalricanatsicani apadaa inaiki pamoyoa apada nitse madalrifipjaa pacapjiwidaa jamolrii napiya pjiomi njaji Israelnai nitse Judaitanai shaca. ⁶ Nini lriaji tsaricanatsi lriacao napiya njaji lrinaikite Jerusalen lrico nacoema njaji Jebusitanai, icasha jipaii iminanaica.Nitse naco David irso:'' Corrisha pitsaitacarro pjiewacao imaa njetacaosha pjia pjiomiosha njaji memacapewa nitse matjiperrin shaca. Corricapoa naoma David idiaca jiewao ajii yacalrerrico. ⁷ Misha, David jipaca lriaji yacalree Jerusalen, icasha panaya David iyacalree. ⁸ Lriadapia David icaite: ''Nini jiaa iomacapee inoca njaji Jebusitasnai irso sha jiewacaoji ajii ooni jiewalrii nini iocacarro nanaco njaji 'memacaperrin nitse njaji matjipen shaca' icasha David jipondaca.'' Caishopaa nacaite njaji inaiki: ''Nini njaji matjiperrin nitse njaji memacarrin corriwasha njewao ajii lriofacarroda mashiacawa. ⁹ Nitse David iofacao ajii yacalreerrico icasha lriaji Davia iyacalree. Nini lrinaitaca lridanao, lripananomjetse pjiomica lriwawalricolree. ¹⁰ Cjaidaca lriaji David imaa lriacasha MAMINALRI, Dios casha lrinai caidalrisha. ¹¹ Nitse lriaji tsaricanatsi Hiram aadalriji Tiro- lrico lrimenaca idejicaope David irso, nitse nainaisha lrimenaca jaico cedronape, nitse idejicaopeo njaji jaico, nitse njaji irroetacaopeo lriwaiwa. Nanaitjacarro apadaa pantsii David irso. ¹² Imaa David iajipiasha Dios icadacarroni tsaricanatsiwa narso njaji Israelnai, imaa cjaidayamica lriaji tsalricanatsi naicjaoshe njaji lrinaikite Israel-nai. ¹³ Nitse David imotsocao Hebron-lricoitse nitse lriawa Jerusalen-lrico, nini lritapjaca lrininaiwa ajii Jesuralen-lrico, nitse aima imotsocao lrienipe aashianai nitse inaitjepe shaca. ¹⁴ Icasha njaji nepitanaca njaji lrienipee imotsocapeo ajii Jerusalen: Samua, Sobab, Natan, Salomon, ¹⁵ Ibar, Elisua, Nefeg, Jafia, ¹⁶ Elisama, Eliada, nitse Elifelet. ¹⁷ Nitse njimicadaco njaji filisteosnai David casha tsalricanatsi narso njaji Iraelistanai, naano naoman nainocarron, misha David jimicadanaco lrinacowaca lridiacao ajii yacalrerrico. ¹⁸ Nitse njaji filisteosnai naocacao ajii jalrapocolrico Refaim lrico icasha napocotacao nini. ¹⁹ Nitse David itsatjaca Dios ikishindacarroni. lriaco: "¿Capjaa notsaita noinoca njaji filisteosnai? ¿capaosha picadaca njoamacana? Nitse Dios iaco David irso:'' Pinonaa, ajadalri noashaosha icadaa pjiamaca njaji filisteosnai.'' ²⁰ Nini, David inocana ajii Baal Perazim- lrico, ninii lriwayaketana. Lriaco: pjiaa NOMINALRI oopi pjienitaa noya njaji nocoema caijii ooni cjaidadalri macapawam yamarraca pisho.'' Ninii panaya lripina lriaji nainoacarrom Baal Perazim. ²¹ Nitse napitocadanacoa njaji filisteosnai namaca njaji natopanam, nitse David pjiomi njaji lrinaikite napecocana. ²² Nitse njaji filisteosnai nadiawa ajii jalrapocolrico Refaim- lrico, nini napieta naofacao padapenaa. ²³ Nini lriaji David lripieta lriomaca Dios ikishindatacarron shenacjan, nitse Dios, lricaite lrirso: " Corrin pitsaita pjiewacao nacapawerrico, pirsosha picorratacana, nitse pitsaita piocacao nanaco pirsosha pjiewacao napjedalrico njaji jaico joiwipe itsam caiji balsamo. ²⁴ Nitse jimicadanacoasha lriaji lrimaolre caiji oowinai iacapisho lripiacadaco lriaji caolri nanaco njaji jaico, icashaosha inoacacao cjaida. Inaitjaosha cayo ima Dios cashaosha iawa ipjeyalree lrinocarro njaji filistosnai iowitee. ²⁵ Nitse David inaitja cayo Dios icaitecapisho. Nini lriinoca njaji filisteosnai Geba-lricoitse pjiomi ajii inipolrico lriocashao Gezer-lrico.