¹ Icatsa njaji yacoti piketemperri David, Isaí irri icaiteji, jliaji atsia yenonrsedalri nacapacan njaji inaiki, jliaji Jacob iDote iniwananda, jliaji merroadalritsa icantacada Irael-dalri. ² ''Dio Icaolrini caacolri noikjaote, Jliatsa icadaa yacoti nonoma lrico. ³ Caacoca na-Diote njaji Iraelnai, Jliaji Jiipada Irael-dalri icaite norso cayoji: ''Niiniotsa pada matsiadalri italricanaataca nanaco njaji inaiki, jliaji yanjicada nanaco njaji ifiocape DIo iiwana. ⁴ Cayocani narso jeerri icananialre sho piyompinacodalri matsia-daoca cádanaco, matsiadalricaotsa narso pjiomi. ⁵ Cotsa cayoperrica njaji noopaneta Dio ipeyajle; mitsa, Lrinaitjaca noapiya pada yaacoti corridalrinatsa iwayacacawa, Lrimatsieta matsia pjiomi, nini corriotsa coca itaita imatsicacani. Niini ajádalrica jliaji Lricadaaca njoameta-carro pjiomi, Lricadaotsa namotoca norso matsia pjiomi njaji noomalri. ⁶ Mitsa njaji maatsiperrimi cayocaotsana patjaa capisho papeeco njaji doowirri corriperritsa pataiyta pjepacana pacaapi sho. ⁷ Corricapoa nataita njepaca nacaapi sho njepaotsa tsípalra sho o molroco iema-sho. Njite pamjaitana pataalritsa njitetena.'' ⁸ Icatsa neepitanaca njaji David itsolrodaonai naniwanaji: Joseb Basebet, Tacmonita. Icapiatsa njewidaapoca njaji tsolrodaonai naniwanaji. Lriino pia ochociento atsianai papia nacojle. ⁹ Njite lrinacojleda Eleazar, Dodo irri, ahojita dalri pada nankjoite njaji madalridadee atsianai kjaidaaperri, David irsoperri. David icapa piana nainai caojli pia nainoac-carro nakjoete njaji filisteonai njaji iwacaacalriwa oowi icaona njite Iraelnai iáa cádanaco naoya. ¹⁰ Eleazar jinicoa lrinoacá-carro fiklisteonai ikjoete, lricaapi irro tarrawa lrimatsetan nacó. Dio icadaa njaamaca nacoema jliadaa jeecoapi. Nadiá tsenakjawa njaji tsolrodaonai aimadan Eleazar ikjaolre napeeco carroenatsa nadadam njaji mayamperrimi. ¹¹ Lrinacojledatsa Sama, Age irri ararita-dalri. Nawacacawa njaji filisteonai papocotsawa lentejapji ricó njite njaji Iraelnai napito naoya. ¹² Mitsa Sama yema nakjoete lentejapji ipamoyoaca lrico. Lriinio njaji filisteonai njite wa-Minalri icadaa jliama-cana. ¹³ Madalrida atsianai nanakjoite njaji trentadee atsianai iorrocowa David ikjaolre, Adulam lricojle lridawaacacawa lrico jiipana lrico, naniwa cadana napania njaji inaiki. Njite njaji filisteonai nawacaacawa pacoacaita cawa lrico jiipai Refaim lrico. ¹⁴ Jliawajli pia David iofawa lriofa carroji manawa taimí-dalri, apapeco jalrapeco jiipai ricó, njite njaji filisteonai naofacawa Belén lrico. ¹⁵ Njite meeta David icaolre, niini lriaco: ''¡Pada yaacantja noirrao ooni njetanda njecaniapji rikjoite Belén lricoda, lri-rikjoite jliaji ooniapji pantinoma lricodatsa!'' ¹⁶ Niini njaji madalridadee atsianai kjaidaaperri naawa napecolricotsa njaji tsolrodaonai aimadan filisteonai njite njetaca ooni Belén lrico, lrioya jliaji ooniapji pantinoma lricodatsa. Nairra ooni niini njite nadee tsakja David iirrao, mitsa corrin David iirra jliaji ooni nadenda lrirso, icaamitsa lriarrocani Dio irso. ¹⁷ Njite lriaco cayoji: ''No-Minalri, pipeco teeco noya noirrá carrontja jliaji ooni. ¿Corritsantja noirraca nairrana njaji icadaacacapewa naino cana noikjaote?'' Nacadaaca capoa lrikjaote nainó carrona, niini corrin lriirraca napjeya. Icatsa jliaji nanaitjalri njaji madalridadee atsianai kjaidaperri. ¹⁸ Abisai, Joab iwerri, Sarvia iwerri, icapiatsa nacapitamaca njaji madalridadee atsianai kjaidaperri. Papia pia lriino treciento atsianai lrimolrocon sho. Icatsa padaca nanakjoite njaji madalridadee tsolrodaonai. ¹⁹ Nanakjoite njaji madalridadee atsianai kjaidaperri, aima pjaa jliaji lrinaitjalri naoya njaji lrikitsiñape, niini nacadaacani nacapitamani. Corricadanatsa pada cantja nanakjoitedalri, caconaadalri cantja nacayosho njaji lrikitsiñape caconaperri. ²⁰ Benaía, jliaji Cabseel-dalri, Joiada irri, pada atsia kjaidadalri, aima njaji lrinaitjaji mataitacanaaperri. Lriino pia njaji yamadade Ariel yenipe Moab lricoda. Lriorroco tsaca piawa tjewacajle ricojle njite lriino apana yaawi macani itamana jiwa cadana niini. ²¹ Lriino tsakja pada Egicio macani, irsocada yamaita metro njite yamaita pja pacaapi jliwalripaca. Jliaji egipcio lrirso pia lrimolrocon macaapo, mitsa lriemaca lrikjoete apaapo jaicoapo shotsa. Jlita egipcio yooya lrimolrocon njite lriinoni lrishotsa. ²² Benai, Joaida irri inaitja njaji lrinaitjalri, niini nakeepitanatani nainai njaji madalridadee atsianai kjaidaperri. ²³ Icatsa jliaji najinda pjaaca naoya njaji trentadee tsolrodaonai kjaidaperri, mitsa corri cantja najicani nacoyoshoca njaji madalridadee atsianai kjaidaperri. Mitsa cayocadanatsa David icaaani jlia-carro njewidaapo njaji iwapacaperri David. ²⁴ Icapiatsa neepitanaca njaji trentadee atsianai kjaidaperri: Asael, Joab iwerri; Elhanan, Dodo irri Belén dalri; ²⁵ Sama, harodita dalri; Helica, harodita dalri; ²⁶ Heles paltita dalri; Ira, Iques irri, tecoita dalri; ²⁷ Abiezer, anatotita dalri; Mebunai, Ahohita dalri; ²⁸ Salmón Ahohita dalri, Maharai netofatita dalri; ²⁹ Heleb, Baana irri, netofatita dalri, Itai, Ribai irri, Benjamí nakjoite-dalri, Guibeá lricoda, ³⁰ Benaia, piratonita dalri; Hildai, pacoacaita cawa lricoda jiipai Gaas dalri, ³¹ Abi Albon, arbatita dalri, Azmavet, barhumita dalri, ³² Eliaba, saalbonitadalri, njaji Jasen yenipenai, Jonatan, Sama irri, ararita dalri; ³³ Ahiam, Sarar irri, ararita dalri, ³⁴ Elifelet, Ahasbai irri, maaca dalri, Eliam, Ahitofel irri, gilonita dalri; ³⁵ Hesrai, Carmel dalri, Paarai, arbita tairri, ³⁶ Igal, Natán irri, Soba dalri, Bani, nanakjoite dalri njaji Gad poco, ³⁷ Selec, Amón dalri, Naharai, behorita tairri, jliaji idejicada Joab, Sarvia irri idanaita, ³⁸ Ira, itrita tairri, Gareb, itrita tairri, ³⁹ Uria, hitita tairri. Trenta sei namaimaca padeenirri.