¹ Kerroa tsenakja Dio Iraelnai ikjoete niini Jliatsa icadaa David yemaca nakjoete, lriaco cayoji: ''Pia piniweeta coshoca namaimaca njaji Iraelnai njite njaji Judánai.'' ² David inaaca Joab njite njaji tsolrodaonai icomandantenai cayoji: ''Warsa yaawa iniweetá-carro coshoca namaimaca njaji iraelitanai pjiomi Bersebá nakjoite, Dan nacojle; njiteotsa idee norsona noajíi-carro coshoapaca namaimaca pjiomi njaji atsianai itaitacapena inoacacawa oowi ricó.'' ³ Njite Joab yaaco: ''Wa-Minalri icadaantja cien inaiki pada nakjoitetsa aimacarro njaji tsolrodaonai naoya njaji warsolrina, nominalri talricanaati icapá carrontja lritjisho caatsa. Mitsa no-minalri, talricanaati, ¿Coada lrioma lrinaitjaca jliaji?'' ⁴ Mitsa pikeetem, talricanaati yaacoam-tsa kjaida Joab yaaco ioya njite naoya njaji tsolrodaoanai icomandantenai iaco ioya tsakja. Ikena Joab njite njaji comandantenai naawa talricanaati ioya naniweetá-carro pjiomi Iraelnai. ⁵ Nayoeta jliaji Ooni Jordán njite naa nemaa tsomi Aroer ioya, atsialriema nacojle lrirso jliaji yacaalre pacoacaita lrico jiipai. ⁶ Naawa Gad ipecolrico Jazer lricojle. Naocawa Galaad lricojle njite Tahtim Hodshi jipaite lricojle, njite naawa Dan Jaan lricojle njite Sidón iwaida nacojle tsakja. ⁷ Naocawa naofacawa lricojle taimídalri, Tiro lrico njite pjiomi nayacalre lricojle njaji heveonai njite njaji cananeonai. Naa pjawa Neguev lriojle Judá lrico, Bersebá lrico. ⁸ Nataita cayamina nayofietaca jliaji jiipai, nadia tsenakjawa Jerosalén lricojle noeve keerri jiapodam njite vente jalredaoca pjaa lrinacojle. ⁹ Njite Joab icaite David irso coshoapaca namaimaca njaji oowinai David irsoperri. Niini lriniweetaca ochocientom mil atsianai itaitacape inoacacawa oowi ricó matseeta sho. Judá irsopia quiniento mil atsianai. ¹⁰ David iniweeta cayami njaji atsianai iinona lricaolre, niini lriaco Dio irso: ''Nonaitja aima nomatsicanao lrikjaote jliaji nonaitjalri. Panaya pjita nooya jliaji maatsirri ima nonaitjaca cayoji majicadalrim sho.'' ¹¹ David icafia cádanacoa piyompinaco toa, Dio iaco Gad irso, inoparrotacada David irso, Lriaco lrirso cayoji: ¹² Pia picaite David irso cayoji: ''Nocadaotsa pirso madalri iwaopiakjeti, piniwanaotsa pada nanakjoite.'' ¹³ Ikena Gad iawa David iderse, njite lriaco lrirso: ''Madalrida oonia watsa maawitacaica pjipaite ricó, madalripi watsa picoema ipinetaca pjia, o madalridaa watsa piito iñjaca ikinkerre pjiomi Irael jipaite ricó. Panaya picaite njomi condalrica piniwana pinaitjá carro nodiá-carro nocaite lrirso Jliaji imeenacalri njoa piderse.'' ¹⁴ Njite David yaaco Gad irso: ''Norso aima maatsidalri. Picadaa Dio-carro yaaji nonaco wadentja atsianai cantja njaji jirrapiteetalri njoa, ima macadalrica jliaji Dio ipeyopa faa.'' ¹⁵ Niini Dio imeenaca pada imatsiketacada njaji Iraelnai piyompinaco nakjoite atee nainoma nacojle cayotsa Lricaite capisho, njite mayamica setenta mil inaiki Dan nakjoite, Bersebá nacojle. ¹⁶ Njite wadeepe cádanacoena agele imatsiketaca Jerosalén, Dio itecojleta lriwaopiakje ima aima calretsantja lrimatsiketacana, niini Lriaco lrirso jliaji angele imatsiketacada njaji inaiki: ''¿Ajena pjia, ajena piinoca njaji inaiki.'' Jliada naco wa-Minalri iangelen lriemacawa Arauna ikinikerreapji rico jliaji Jebuseo tairri; lrimatsietacawa lrico njaji lripania iinaca. ¹⁷ Njite caaco David wa-Minalri irso lricapa cádanaco angele iinoca njaji inaiki, lriaco lriso: ''Njoa jliaji irso maatsicalri ima njoaca jliaji inaalri naniwetaca njaji tsolrodaonai, niini njoaca irso jliaji imatsicanaati. Njite njaji inaiki kjenaperri cotsa coca nanaitjalri. Pinaitja matsiacalri, njaa Pjirrapiteeta njaji njonirri ikitsiñape njite njaji noyape.'' ¹⁸ Njite Gad iawa DEavid ikjaolre jliadaa, lriaco lrirso: ''Warsa piawa, pinaitjá-carro apana altar wa-Minalri irso lripiyo cawa lrico lripania jliaji Aruana, jebuseo tairri.'' ¹⁹ Ikena David yaa inaitja cayoji Gad icaite capisho, Dio inaa capishoni. ²⁰ Aruana icapa pemajle niini lricapa David inoca lrikjaolre lrirsoperri iapiya. Ikena Aruana inotocawa lricoadatá carroni, lricoajawa, jiipai nacojle lriecoa pripeyajle jliaji talricanaati. ²¹ Njite Auram iaco lrirso: ''¿Cocao pioma pirsodalri iinai, pjia nominalri talricanaati?'' David shepani: ''Nonoca nowenta jliaji pipiyocawa njaji pipania iinaca notaitá-carro nonaitjaca NoMinalri irso pada altar Jlienitá-carro njaji maatsirri naoya njaji inaiki aimadan.'' ²² Aurana iaco talricanaati irso: ''Pjipena pirsowaoni nominalri talricanaati. Pinaitejena njaji matsialri picapaca panaitjaca.''Anai njaji apanape buy ofrendawa pimjaitaope, anai tsakja njaji tabjanape wapiyo shopa njaji wapania njite njaji jaico wamoyeta shopa jiipai nanacoperri njaji buey tiyenawa. ²³ Aurana iaco, njoa Aurana, nocadaaca pirso, pjia notalricanaa.'' Njite lriaco talricanaati irso: ''Icaamitsa nooma pi-Minalri DIo icoadataca pjia.'' ²⁴ Njite David iaco Arauna irso: ''Corrina, pivendena norso coshocatsa lricoada. Corriotsa nomjaitá carroca ofrenda Dio irso corri cadatsa coca lricoada norso.'' Niini David iwentaca jliaji Aurana ipiyocawa lrico pia lripania njite njaji buy cincoenta moneda palrataitape icoa. ²⁵ David inaitja niini apana altar Dio irso njite lrimjaita njaji ofrenda niini njite njaji ofrenda imaodacakjeti nacope tsakja. Natatja ccaiwi ricotsa Dio iinai niini jiipai ikjaote, niini Dio iyaamitaca pjiomi njaji imatsikeetalri pia jliaji jiipai Irael lrico.