¹ Nainaitsa njaji iwacaacalrio, niini pia pada atsia joidalri mana ima nainoacacawa lriipitana Seba, Bicri irri nanakjoite njaji Benjamín poco. Niini lripjiaca lritrompetan njite lriaco narso: ''Cotsa cocaca jliaji warsolri David iinai, cotsa coca wawapalri lriinai jliaji Isaí irri, niini pjiomi shaa Iraelnai warsa idiawa iipana lricojle.'' ² Njite pjiomi njaji atsianai Iraelnai naawa David ioya Seba iinai, Bicri irri. Mitsa njaji Judánai naawa David iinai nacayawa inipolrico Jordán nakjoite Jerosalén lricojle. ³ David ioca-cadamacoa talricanaati dapana lricojle, Jerosalén lrico, lriwakeeta njaji die inaitjepe lrininaipemi lrirsoperri, njaji lrimacaji nawapá-carro jliaji talricanaati dapana njite lricadaa naofawa padapana lricotsana njite lricadaa iwapacapena. Lria narso pjiomitsa, mitsa corrinatsa lrimaaca naapiya. Lricadaa naofawa panti lrico, corrin namotoca njiteo; cayotsa mayamicana, naofawa madoiyoanaipemi sho. ⁴ Njite talricanaati iaco Amasa irso: ''Piwanaotsa pjiomi njaji atsianai Judánai nawacaaca carroa madalridaa naco jalredaoca, njite pirsotsa niinica pjia nainai.'' ⁵ Niini Amasa iaca iwana pjiomi njaji atsianai Judá lricoperri nawaaca carroa mitsa corrin lriocawa talricanaati icadacawa lrirso jlinaanawa. ⁶ Niini David iaco Abisai irso: ''Cafaina pjaaca warso jliaji Seba, Bicri irri Absalón ioya. Panaya, pidee njaji norsoperri tsolrodaonai piá-carro pipineta jliaji Seba, wadecatsa lriaca lrioketa yacaalre taimi dalri waoya njite corriotsa waoketá carroketsani.'' ⁷ Njite Joab iawa naapiya njaji tsolrodaonai lrinaiperri jliapodami. Lridee tsakja njaji pereteonai, cereteonai, pjiomi njaji tsolrodaonai kjaidaperri. Naawa Jerosalén lrikjoite naomá-carro Seba, Bicri irri. ⁸ Joab ioca cadanacoa lrinacojle jliaji jiipada macadalri, Gabaón lricoda, Amasa iawa Joab ikjaolre lricoadatá carroni. Joab shetampe cadana lrinacoa njaji lrinoaca shopawa oowi ricó, pakja cintoron njite paita matseeta lriarropa lricoda lripapinda lriiwalre nacó. Mitsa lriá cadanacoa Amasa ikjaolre, lri matsetani jiwa lrioya. ⁹ Niini Joab itatjani, lriaco: ''¿Matsiatsa pjiomi nokitsin?'' Niini matsiacalri ricó, Joab jipa Amasa itsinoma nacó lriyekema-sho lritsotso carroni. ¹⁰ Mitsa corrin Amasa icapa matsia Joab jipaca paita malriye inarroema-sho. Joab itoda Amasa iwawa naco niini lrishapi imotocawa pemajle jiipai nacojle. Corrinatsa Joab ipieta cantja itodacani, mayamiketsa Amasa. Njite Joab, lriwerri Abisai iapiya naawa Saba, Bicri irri shapodami. ¹¹ Njite pada nanakjoite njaji Joab inaidalri lriemawa amasa icodapi njite lriaco narso: ''Jliaji iomacada Joab njite david iinai tsakja, warsena iawa Joab shapodam.'' ¹² Amasa yoshoetaacawa cadanawa lriirrana lrico inipo pamoyoa, njite njaji inaiki Amasa inaiperri mananitsa neemacawa, njite jliaji atsia jlienita Amasa idakim teeco inipo ioya, njite lriitani ima coca cadaa jiyapawa lricodapi icaamitsa mananicatsa lriemawa. ¹³ Jlienita cayamina Amasa idakim inipo ioya, icaamitsa naacawa Joab shapodamiwa njaji inaiki naa-carro naoma Saba, Bicri irri. ¹⁴ Seba iawa pjiomi naofacawa lrico njaji iraelitanai Abel lricojle Bet Maaca lricoda. Jliyapa tsakjawa bicritanai jipaite lrico, njite njaa tsakja naawa naomá-carro Seba. ¹⁵ Naoca Seba nacojle Abel lrico Bet Maaca lricoda, icatsa nayofietacani niini. Nanaitja napjoa carrona lriwaida naco pjiomi jliaji yacaalre ikena nainita nabolrontaca lriwai. Pjiomi njaji tsolrodaonai Joab inaiperri nainoca jliaji yacaalre iwai napeecó carro jliwao. ¹⁶ Njite aapama inarro cajikje-darro iwana kjaida pemajle tacaalre irso, roaco: ''¡Inaitja matsiacalri, jimi norso, pjimica norso Joab! ¡Pitsomita njoa caaco-carro faa!'' ¹⁷ Niini Joab itsoomitano, njite roaco lrirso: ''¿Icatsa Joab-ca pjia?'' Njite lriaco: ''Aja, njoatsa.'' Niini roaco lrirso, ''pjimiotsa rocaiteca rsoaji pirsodarro.'' njite lriaco: ''Njomintsa pirso.'' ¹⁸ Niini roaco lrirso: ''Cayo pia nacaiteca oopi: Woma femica iacoti matsiadalri Abel lrico, ima lrimotoca matsia narso njemi cayami njaji iacoti. ¹⁹ Icatsa faa inaiki merroaperritsa lri-ricodape yacaalreca jliaji njite corrin coancaojli feenaca Iraelnai ioya. Njite pioma pimatsikeetaca jliaji yacaalre iwapacada njaji lrinaikite cayoji apama jidoati iwapa capisho roenipe. ¿Coadao pioma pimatsicaca wa-Minalri icadanda wayacalreo?'' ²⁰ Njite Joab iaco rorso: ''Teeco jliyapacawa nooya nooma cawa nopeecoca jliaji yacaalre. ²¹ Cotsa cayoca picaite capisho. Mitsa ape atsia nanakjoite njaji Efraín poco, inocada awacada nakjoite, Seba-dalri iipitana, Bicri irri, lriemaca talricanaati David ikjoete. Picadaa norsoni njite icaamitsa noacawa lrioya jliaji yacaalre.'' Niini roaco Joab irso: ''Awatsa wapeeco jliwida pikjaolre yacaalre iwai nakjoite.'' ²² Njite rsoaji iinarro canjikje darro roawa naikjaolre pjiomi njaji inaiki. Icaamitsa nayoaca Seba jiwida, jliaji Bicri irri njite napeeconi Joab ikjaolre. Ikena Joab ipjiaca trompeta, njite icaamitsa naacawa lrioya jliaji yacaalre naapana lricojle. Njite Joab idiawa Jerosalén lricojle talricanaati iderse. ²³ Joab ipieta tsenakja yaají nanaco pjiomi njaji tsolrodaonai aimadan Irael lricoperri, njite Benaia, Joiada irri, jlia yajíi nanaco njaji cereteonai njite peleteonai tsakja. ²⁴ Adoran yajíi nanaco njaji inaitjacape idejikjeti jamiñaperri, njite Josafat, Ahilud icatsa jliaji idanacada nanacoapana pjiomi. ²⁵ Njite Seva idanacada-cani, njite Abiatar, Sadoc sacerdotenaicana. ²⁶ Njite Ira, jliaji jaireo, icatsa njewidaapoca njite iwapacada pjiomi njaji David inaanipe.