5 ¹ Bihain mi tanim na lukluk i go antap na mi lukim wanpela buk i flai i kam. ² Ensel i askim mi, "Yu lukim wanem samting"? Na mi bekim tok olsem, "Mi lukim wanpela buk flai, bikpela bilong em i 30 fit longpela na 15 fit sot. ³ Na em tokim mi, "Dispela yu lukim em belhat bilong bikpela i go long olgeta hap long dispela graun. Olgeta stilman God bai katim ol i go aut long wanpela sait na olgeta man i save tok giaman, God bai katim na rausim ol i go aut long narapela sait. ⁴ God Yawe bikpela i tok bai mi salim i go aut na em bai i go i stap long haus bilong ol stilman na ol man i save giaman long nem bilong mi. Na em bai kaikai ol diwai palang na ston ol wokim haus bilong ol long en." ⁵ Na ensel toktok wantaim mi i go autsait na tokim mi,"Yu lukluk i go antap na yu lukim wanem samting i kam"? ⁶ Mi tok "Em wanem samting," na em tok, " Dispela em wanpela basket i gat sit long en i kam. Dispela em pasin nogut ol i kam long olgeta hap long dispela graun." ⁷ Lid bilong basket ol apim na lukim wanpela meri i sindaun insait i stap. ⁸ Ensel i tok, " Dispela em pasin nogut tru," Em pusim meri i go insait gen na tromoi lid bilong basket antap long en. ⁹ Mi apim ai na lukim tupela meri i kam long mi na tupela i gat win long wings bilong ol. Tuplela i gat wings bilong flai olsem pisin i save i stap long raun wara. Tupela apim basket na i go antap long namel bilong graun na heven. ¹⁰ Na mi askim ensel husait i toktok wantaim mi, "Tupela meri i kisim basket i go we?" ¹¹ Em tokim mi na tok, "Tupela kisim i go long wokim haus lotu long ples Sina insait long Babilon. Taim haus lotu i pinis na redi tupela bai karim i go putim insait."