4 ¹ Na ensel husait i toktok wantaim mi i tanim na i kirapim mi olsem man i kirap long slip bilong em. ² Em i tokim mi, " Wanem samting yu lukim?" Na mi tok; " Mi lukim wanpela stik bilong putim lam em i wokim gut tru long gol, wantaim wanpela dis i stap antap long en. Em i gat 7pela lam i stap antap long en na 7pela lam i gat wik i stap antap long wanwan lam. ³ Tupela diwai oliv i stap arere long en, narapela i stap long han sut bilong dis na narapela i stap long han kais. ⁴ Olsem na mi toktok gen long ensel husait i toktok long mi. Mi tok, " Wanem as bilong dispela ol samting, Masta bilong mi?" ⁵ Na ensel husait i toktok wantaim mi i bekim na em i tokim mi," Ating yu i no save long as bilong dispela ol samting?" Mi tok, " Nogat, Masta bilong mi" ⁶ Olsem na em i tokim mi, " Dispela em tok bilong God Yawe i go long Serubabel: Ino long strong o long pawa, tasol long spirit bilong mi, em God Yawe bilong kamapim i tok. ⁷ Wanem em yu, bikpela maunten? pastaim long Serubabel yu bai kamap wanpela gutpela hap graun na em bai i bringim ol gutpela ston long singautim marimari! na marimari long en!" ⁸ Na tok bilong God Yawe kam long mi, na i tok, ⁹ "Na han bilong Serubabel i putim as bilong haus bilong em na han bilong em bai i kisim kam long pinis bilong em." Nau bai yu save olsem God Yawe bilong kamapim i salim mi i kam long yu. ¹⁰ Husait i bin lukdaun long dei bilong ol liklik samting? Dispela ol manmeri bai i singsing na bai ol i lukim mak bilong ston i stap long han bilong Serubabel. (Dispela ol 7-pela lam em ol i ai bilong God Yawe em i save lukim olgeta hap bilong graun). ¹¹ Na mi askim ensel, "Wanem em dispela tupela oliv diwai i sanap long han kais na long han sut bilong stik bilong lam?" ¹² Wanpela taim moa mi askim em,"Wanem em dispela tupela oliv han i stap arere long tupela gol paip em i gol i gat wel i kapsait i go long ol?" ¹³ Na em i tokim mi, " Ating yu i no save olsem em dispela tasol? " Na mi tok, "Nogat, Masta bilong mi." ¹⁴ Olsem na em i tok, "Igat ol pikinini bilong nupela oliv wel em i save sanap pastaim long pes bilong God Yawe bilong olgeta hap graun."