8 ¹ Taim dispela Pikinini Sipsip I opim namba seven mak, Long heven ingat nois long liklik taim. ² Bihain mi lukim ol 7-pela ansel husait i bin sanap long ai bilong God na ol i bin holim 7-pela bikul. ³ Narapela ansel i kam na i holim wanpela gol plet bilong givim gutpela smel na i sanap lo alta. Em i kisim planti moa smel samting bilong givim olsem ofa wantaim prea bilong ol bilip manmeri long gol alta igo long sia king bilong Bikpela. ⁴ Smuk bilong dispela smel samting wantaim prea bilong ol bilip man i bin go antap long God long han bilong ansel. ⁵ Dispela ensel i kisim paia long alta na putim igo insait long plet wei i gat gutpela smel i stap long em. Bihain em i tromoi dispela plet i kam daun long graun na bikpela tanda i pairap wantaim laitnin na graun i guria. ⁶ Ol 7-pela ensel husait i holim 7-pela bikul i redi nau long winim. ⁷ Namba wan ansel i winim bikul bilong em na narakain ren wantaim paia na blut. Em i tromoi i kam daun long graun na i bagarapim wanpela bilong tripela hap, na wanpela bilong tripela hap diwai i bagarap, na tu olgeta gras i bagarap. ⁸ Namba 2 ansel i winim bikul na wanpela samting olsem bikpela maunten wei i gat paia long em i pudaun igo insait long solwara. Wanpela bilong tripela hap bilong solwara i tanim kamap blut, ⁹ wanpela bilong tripela hap bilong ol samting wei i gat laip na i save stap long solwara i dai, na wanpela bilong tripela hap bilong ol sip i bagarap. ¹⁰  Namba 3 ansel i winim bikul bilong em na wanpela bikpela sta i pundaun long skai i kam daun olsem paia long wanpela bilong tripela hap bilong ol wara blong graun. ¹¹  Nem bilong dispela sta em wara i pait nogut. Wanpela bilong tripela hap bilong ol wara i kamap wara i pait nogut na planti man meri i dai long dispela pait wara nogut. ¹²  Namba 4 ansel i winim bikul bilong em na wanpela bilong tripela hap bilong sun i hait, na olsem tasol long mun na sta i kamap tudak; na wanpela bilong tripela hap bilong de na nait i nogat lait. ¹³  Mi lukim na mi harim wanpela tarangau i palai antap tru long skai na i bikmaus olsem "lukaut lukaut" ol lain manmeri husait i stap long graun, bilong wanem ol narapela tripela bikul I redi i stap long tripela ansel bai i winim".