21 ¹ Taim mi lukim nupela heven na nupela graun, pastaim heven wantaim graun i pinis na solwara tu i no stap moa. ² Mi bin lukim holi taun em i nupela Jerusalem we God i bin salim i kam daun long heven, em i redim olsem meri laik maritim nupela man bilong em. ³ Na mi bin harim strong pela nek i kam long Sia King na i tok olsem,''lukim! Ples hait bilong God i stap long ol manmeri olsem na em bai stap wantaim ol.''Ol bai stap manmeri bilong em na God yet bai stap wantaim ol na em bai kamap God bilong ol. ⁴ Em bai rausim olgeta ai wara bilong ol na ol bai i no inap dai gen na bai nogat wari,nogat krai, nogat sik na olgeta olpela samting bai pinis. ⁵ Dispela man husait i sindaun long Sia King i tok," lukim! Mi wokim olgeta samting i kamap nupela" Na em i tok, makim dispela tok em bai i kamap ples klia. ⁶ Na em i tokim mi, lukim dispela olgeta samting i kamap pinis. Mi yet alfa na omeka na mi stat na bai mi pinis long bihain tu. Husait man o meri i hangre long wara bai mi givim em dispela hul wara i gat laip wei ol i no inap long peim wanpela mani long em. ⁷ Husait ol manmeri i strong na i win, ol bai kisim ol dispela samting na mi bai stap God bilong ol na ol bai i stap pikinini bilong mi. ⁸ Tasol long ol lain i save mekim pasin olsem, giaman na i no bilipim God na pasin bilong tingting nogut na pasin bilong kilim man i dai na pasin bilong mekim pasin pamuk na pasin bilong poisinim arapela man na pasin bilong lotuim giaman god na pasin bilong tok giaman, ol dispela kain manmeri bai i go long ples paia wei ston salfa, dispela em i namba tu dai. ⁹ Wanpela bilong ol 7- pela ensol i kam long mi wantaim 7- pela dis i pulap wantaim samting nogut na i tok olsem, kam long hia na bai mi soim yu meri bilong maret, em bai maretim pikinini sipsip. ¹⁰  Na em i kisim mi insait long Spirit i go antap long traipela maunten na i soim mi bikpela holi taun em Jerusalem God i salim i kam long heven. ¹¹  Dispela Jerusalem i gat glori bilong God i stap long em na i lait bikpela olsem gutpela ston jewel na i olsem dast bilong ston jaspa i kamap ples klia tumas. ¹²  Em i gat bikpela banis na i gat 12-pela dua i stap long em.12- pela ensol i sanap long wawan dua na long dispela dua ol i bin raitim nem bilong 12- pela lain bilong Isral. ¹³  Ol i bin wokim tripela dua long fo-pela kona bilong graun, tri-pela dua long hap wei san kamap, tri -pela dua long san i go daun, na tri-pela dua long narapela kona, na tri-pela dua long arapela kona. ¹⁴  Long banis bilong bikpela taun i gat 12- pela as bilong em, antap long dispela pos ol i bin raitim nem bilong t12-pela aposel bilong pikinini sipsip. ¹⁵  Man husait i toktok wantaim mi, em i holim stik wei ol i bin wokim long gol na em i makim dispela bikpela taun na dispela banis na ol dua bilong em. ¹⁶  Fo-pela hap kona bilong dispela bikpela taun i bin gat wankain sais bilong em, tu-pela sait wantaim arapela tu-pela sait i bin stap wankain tasol, em i makim na kisim olsem long pela bilong em, em 2,200 kilo mita long dispela bikpela taun wantaim stik bilong makim na olgeta hap bilong em i wankain tasol. ¹⁷  Em bin makim dispela banis inap long 144 mita na ol man i bin makin tu na (ensol i bin makim tu) ¹⁸  Dispela banis ol i wokim long wanpela ston we kala bilong em i grin, ol i kolim jaspa na bikpela taun ol i wokim long gol na em i klia tumas olsem glas. ¹⁹  Ol i wokim as bilong dispela banis wantaim ol ston i dia tumas long em, namba wan ston ol i kolim jaspa, namba tu ston ol i kolim safea, na namba tri ston ol i kolim akata namba 4 ston ol i kolim emerad. ²⁰  Na namba 5 ston ol i kolim onix, na namba 6 ston ol i kolim kanalian na namba 7 ston ol i kolim krisolait na namba 8 ston ol i kolim beril na namba 9 ston ol i kolim topatz na namba 10 ston ol i kolim krisopras na namba 11 ston ol i kolim jasint na namba 12 ston ol i kolim ametist. ²¹  Ol i wokim 12 pela cel long 12- pela dua, na wanwan cel ol i sanapim long wanwan dua. Ol liklik taun insait long dispela banis ol i wokim wantaim gol na em i olsem glas. ²²  Mi no lukim haus lotu long bikpela taun insait long dispela banis tasol mi lukim Bikpela God i gat olgeta strong. Em wantaim Pikinini sipsip i stap pinis olsem haus lotu. ²³  Dispela bikpela taun ol i no gat lait, long wanem ol i gat glori bilong God i givim lait long ol na pikinini sipsip i olsem lam na i lait. ²⁴  Olgeta manmeri bai wokabaut long bikpela lait bilong dispela bikpela taun, na ol king bilong graun bai kisim olgeta gutpela samting bilong ol i kam long dispela hap. ²⁵  Dua bilong dispela bikpela taun bai op olgeta taim na em bai i no gat tudak. ²⁶  Olgeta manmeri bai kisim ol gutpela samting i kam long bikpela taun na ol bai givim bikneim long God ²⁷  na i no gat wanpela man bai kam insait long bikpela taun wantaim pasin nogut na tok giaman, tasol ol lain nem bilong ol i stap long Buk bilong laip, ol tasol bai i go insait.