20 ¹ Na mi lukim wanpela ensel i kam daun long heven. Em i holim ki bilong dispela hul i nogat pinis na traipela sein long han bilong em. ² Em i holim dispela snek nogut,dispela lapun snek, nem bilong em devil o Satan, na kalabusim em inap long wan tausen yia. ³ Dispela Ensel i tromoim em i go long hul i nogat pinis bilong em na pasim dispela hul. Dispela bilong em i noken paulim ol manmeri bilong graun inap long taim wan tausin yia i pinis. Bihain gen, ol bai rausim em i go fri long liklik taim tasol. ⁴ Bihain gen, mi lukim ol sia king. Ol man i bin kisim tok orait long skelim ol manmeri i sindaun long ol dispela sia king. Mi lukim tu ol sol bilong ol manmeri husat, ol i katim het bilong ol long wanem ol i wok long tokaut long Jisas na tok tru bilong God. Ol i no lotu long dispela wel abus o piksa samting bilong em. Na ol les long kisim mak long het bilong ol o long han sut bilong ol. Ol i kirap bek, na stap wantaim Krais inap long  wan tausen yia. ⁵ Ol arapela dai manmeri i no kisim laip inap long taim dispela wan tausen yia i pinis. Dispela em namba wan kirap bek. ⁶ Husat i stap pinis wantaim Krais Jisas insait long dispela namba wan taim bilong kirap bek ol bai igat blessin na kamap holi. Long wanem, dispela namba tu dai i nogat strong antap long ol. Ol bai i kamap wokman bilong God na bilong Kriais na ol bai stap wantaim em inap long wan tausen yia. ⁷ Taim wan tausen yia i pinis, Em bai rausim satan long ples kalabus bilong em. ⁸ Em bai igo aut long paulim planti ol lain man meri long 4-pela hap bilong dispela graun, ol dispela lain Gog na Magog em bai bungim olgeta long kam long pait. Namba bilong ol bai wankain olsem wesen bilong nambis ⁹ Ol i bin igo long olgeta hap bilong graun na banisim wanem hap ples ol bilip manmeri i stap, wantaim gutpela taun bilong ol. Tasol paia i kam daun long Heven na bai kukim olgeta. ¹⁰  Ol i tromai dispela man nogut husait i giamanim ol manmeri bilong God, i go long paia i lait wantaim ston salfa, long wonem hap ol tromoi dispela wel abus wantaim giaman profet. Ol bai i kisim taim nogut tru long de na nait oltaim oltaim. ¹¹  Bihain mi lukim wanpela bikpela waitpela sia king, na dispela wanpela man huait i bin sindaun long em. Graun na Heven i raunawe long ples bilong em, tasol i nogat ples bilong ol long go. ¹²  Mi lukim ol manmeri i dai pinis, ol bikman na ol man nogat nem ol i sanap long pes bilong dispela man i sindaun long sia king.na opim ol buk. Na arapela buk tu ol i opim, dispela em i Buk bilong Laip. Ol i skelim ol dai man long wanem ol pasin ol i save mekim. Dispela ol pasin ol i raitim i stap insait long ol dispela buk, ol wanem samting ol i save mekim taim ol i stap long graun. ¹³  Solwara i rausim kam aut ol dai man i stap long solwara. Dai wantaim ples bilong dai man tu i rausim kam aut olgeta dai manmeri. Na ol i skelim ol long wanem pasin ol i bin mekim. ¹⁴  Dai na ples bilong ol dai man, ol i bin tromoi ol i go long dispela bikpela hul i gat paia. Dispela bikpela hul i gat paia, em i namba tu dai. ¹⁵  Sapos nem bilong wanpela ino stap long dispela Buk bilong laip, orait, ol i tromoi em i go insait long dispela bikpela hul i gat paia.