19 ¹ Taim ol dispela samting i pinis, mi harim wanpela bikpela singaut olsem bilong planti manmeri i stap long heven na i tok, "Litimapim nem bilong God. Em i kisim bek mipela, glori na pawa em bilong God bilong mipela." ² Em i save skelim kot long trupela na stretpela pasin, bilong wanem em i kotim pinis dispela bikpela pamuk meri husait i bagarapim ples graun wantaim pasin nogut bilong em. Em i mekim nogut long dispela meri long bekim bek blut bilong ol wokboi bilong em i bin kapsait." ³ Ol i tokaut namba tu taim olsem. "Litimapim nem bilong God! Smuk bilong paia i kirap long dispela meri oltaim oltaim". ⁴ Ol 24-pela hetman wantaim 4-pela ol samting i gat laip, ol i brukim skru bilong ol na lotuim God husait i sindaun long sia king. Na ol i wok long tok olsem. "Em i tru. Litimapim nem bilong God!" ⁵ Na bihain wanpela nek i kam aut long sia king na i tok olsem. "Litimapim nem bilong God bilong mipela, ol wokboi bilong em, na husait yu save poretim em na ol man i nogat nem na ol man i gat nem tu." ⁶ Bihain mi harim wanpela krai em i olsem nek bilong planti manmeri na olsem pairap bilong planti wara i bung, na i olsem klaut i pairap na i tok olsem. "Litimapim nem bilong God! Bikpela i save stap oltaim, em dispela God husait i save bosim olgeta samting. ⁷ Nau mipela i amamas gut tru na givim biknem tru, bilong wanem, taim bilong marit bilong pikinini sipsip i kam pinis, na meri bilong maritim dispela man tu i redim em yet pinis. ⁸ Dispela meri i bin kisim tok orait long bilas long waitpela dres na klinpela klos. "Waitpela na klinpela klos i makim husait i save mekim stretpela pasin. ⁹ Na ensel i tokim mi ,"Raitim dispela: Ol manmeri husait ol i singautim long marit kaikai bilong pikinini sipsip, ol i ken hamamas." Em i tokim mi olsem. "Ol dispela em ol trupela tok bilong God." ¹⁰  Mi brukim skru long lek bilong em na lotu long em, tasol em i tokim mi. "Noken mekim olsem! Lotu long God wapela tasol. Mi wanpela wokboi olsem yu waintaim ol brata bilong yu husait i save tokaut long Jisas. Lotu long God, bilong wanem dispela pasin bilong tokaut long tok bilong Jisas, em i spirit bilong tok profet." ¹¹  Bihain mi lukim heven i op na mi lukim wanpela waitpela hos i stap. Wanpela man i sindaun antap long dispela hos, ol i kolim em trupela na stretpela. Wantaim stretpela pasin, em i save skelim kot na bekim pait . ¹²  Ai bilong em i lait olsem paia na antap long het bilong em i gat planti ol hat bilong king. Em i gat Nem i stap antap long em wei nogat wanpela i save, tasol em yet i save. ¹³  Em i werim wanpela longpela klos we ol i bin putim olgeta i go insait long blut na nem bilong em ol i kolim tok bilong God. ¹⁴  Ol ami bilong heven i bihainim dispela man, ol i sindaun antap long ol waitpela hos na ol i werim waitpela na klinpela klos. ¹⁵  Long maus bilong em i gat wanpela sap bainat we em i save kilim ol manmeri bilong ples graun, na em bai i bosim olgeta lain wantaim ain stik. Em bai krungutim ol wantaim bikpela belhat bilong God wankain olsem ol man i save krungutim wain insait long ples bilong presim wain. ¹⁶  Em i gat wanpela nem wei ol i raitim long longpela klos bilong em na long lek tais bilong em olsem. "King bilong olgeta king na Bikpela bilong olgeta Bikpela." ¹⁷  Mi lukim wanpela ensel i sanap i stap long san. Na em i singaut bikmaus long ol pisin i plai antap. "Kam, yupela olgeta bung wantaim long bikpela kaikai bilong God. ¹⁸  Kam kaikai bodi bilong ol king na ol lida bilong ami, na bodi bilong ol strongpela man na bodi bilong ol hos wantaim man i save sindaun long hos, na bodi bilong olgeta man wei ol i fri na ol i stap kalabus, wantaim ol man i nogat nem na man i gat nem tu". ¹⁹  Mi lukim dispela wel abus wantaim ol king bilong dispela graun wantaim ami bilong ol. Ol i bung i stap long kirapim pait wantaim man husait i sindaun antap long hos na ol ami bilong em. ²⁰  Dispela wel animal ol i kisim na kalabusim em wantaim dispela giaman profet husait i save mekim mirakel long ai bilong en. Wantaim ol dispela mirakel em i save giamanim planti lain husait i gat dispela mak bilong wel animal na i save lotu long piksa bilong em. Tupela i stap laip yet na ol i tromowe ol i go insait long dispela pikpela paia i lait long ston salpar. ²¹  Man husait i sindaun antap long hos i kilim olgeta narapela man wantaim bainat i kam aut long maus bilong em. Na olgeta pisin i kaikai ol bodi bilong ol dai man.